********************************************************** * dIkSAprakAzaH * * Data entered by the staff of Muktabodha * under the supervision of Dr. Mark S. G. Dyczkowski * Harvard-Kyoto transliteration * Revision 0 Jan 28, 2007 ********************************************************** maithilapaNDitazrIjIvanAthazarmaviracito- dIkSAprakAzaH | sAhitya- zAstri – paM0 rAmatejapANDeyena saMskRtaH | sa ca paM0 raghunandanaprasAda zukla, saMskRtapustakAlaya, kacauNIgalI banArasa siTI ityanena prakAzitaH | (dvitIyAvRttiH |) saMvat 1991 zrIgaNezAya namaH atha dIkSAprakAzaH | sRSTisthitilayakatrI nagapatiputrI pumarthasandAtrI | kAcinnavajaladAbhA vidhiharivandyA jayatyAdyA || 1 || sAdhakAnAM hitArthAya jIvanAthena dhImatA | dIkSAprakAzaH kriyate tantrasArAnusArataH || 2 || atha dIkSAnityatA yAmale- adIkSitAnAM martyAnAM doSaM zRNvantu sAdhakAH | annaM viSThAsamaM jJeyaM jalaM mUtrasamaM tathA || 1 || adIkSita kRtaM zrAddhaM zrAddhaM cAdIkSitasya ca | gRhItvA pitarastasya narake cAzu dAruNe || 2 || patantyeva na sandeho yAvadindrAzcaturdaza | tathApyadIkSitasyArcAndevA gRhNanti naiva hi || 3 || tasmAdadIkSitaM dRSTvA sacailaM snAnamAcaret | dIkSAgrahaNakAle tu pAparAziH pralIyate || 4 || nirvANapadasaMyukto bahirgacchati tatparaH | sarvvAzrameSu dIkSAyA nityatvaM paricakSate | anIzvarasya martyasya nAsti trAtA surezvari || 5 || tathA dIkSAvihInasya neha trAtA paratra ca | na tapobhirjjapairhImairupacAraizca sAdhanaiH || 6 || divyaM jJAnaM yato dadyAtkuryyAtpApasya saMkSayam | tasmAddIkSeti sA proktA munibhistatravedibhiH || 7 || dIkSAmUlaM jagatsarvaM dIkSAmUlaM parantapaH | p. 2) dIkSAmAzritya nivasedyatra kutrAzrame janaH || 8 || adIkSitazca maraNe rauravaM narakaM vrajet | tasmAddIkSAM prayatnena gRhNIyAdAgamAnmudA || 9 || tathA coktaM tArAkalpe- kalpe dRSTvA tu mantraM vai yo gRhNAti narAdhamaH | mavantarasahasreSu niSkRtirnnaiva jAyate || 1 || piturmmantraM na gRhNIyAttathA mAtAmahAdapi | sodarasya kaniSThasya vairipakSAtritasya ca || 2 || pramAdAdvA tathAjJAnAtpitRdIkSAM samAcaret | prAyazcittaM tataH kuryAtpunardIkSAM samAcaret || 3 || piturdIkSA yaterdIkSA dIkSA ca vanavAsinaH | anAzramANAM yA dIkSA sA dIkSA duHkhadAyinI || 4 || anyatantrepi- piturmantraM na gRhNIyAttathA vairAzritasya ca | kadAcidapi gRhNAti punaH saMskAramarhati || 1 || nirvIryantu piturmmantraM zaive zAkte na duSyati | iti kaulikamantradIkSAparam | tathA ca yoginI tantre- zaktidIkSAmadhikRtya pitRdIkSAniSedhAt | mahAtIrthe uparAge sati sarvatra na doSaH | tathA ca viSNumantramadhikRtya- sAdhu pRSTantvayA brahman vakSyAmi sakalaM tava | brahmaNA kathitaM pUrvaM vasiSThAya mahAtmane | vasiSThopi svapautrAya matpitre dattavAnsvayam | prasannahRdayaH svacchaH pitA me karuNAnidhiH | kurukSetre mahAtIrthe sUryaparvaNi dattavAn | ityAdi vaizampAyanIyasaMhitAyAM zaunakamprati vyAsavAkyam | p. 3) yoginItantre- nirvIryantupiturmantraM tathA mAtAmahasya ca | svapnalabdhaM striyA dattaM saMskAreNaiva zuddhyati || yattu- sAdhvI caiva sadAcArA gurubhaktA jitendriyA | sarvamantrArthatattvAjJA suzIlA pUjane ratA || guruyogyA bhavetsA hi vidhavA parivarjitA | striyo dIkSA zubhA proktA mAtuzcASTaguNA smRtA || idantu gurorUpAsitamantraparam | tathA ca bhairavItantre- svIyamantropadeze tu na kuryAdgurucintanam | mAturityupAsite aSTaguNaM || anupAsite zubhaphalamityarthaH | siddhamantraviSayaM veti kecit | yoginItantre- svapnalabdhe ca kalaze guroH prANaM nivezayet | vaTapatre kuMkumena likhitvA grahaNaM zubham || tataH siddhimavApnoti anyathA viphalaM bhavet | idantu sadgurorabhAve, tatsambhave tasmAdeva grahaNaM kuryAt | svapne tu niyamo na hIti nAradavacanAt || atha gurulakSaNam- zAnto dAntaH kulInazca vinItaH zuddhavezavAn | zuddhAcAraH supratiSThaH zucirdakSaH subuddhimAn || AzramI dhyAnaniSThazca tantramantravizAradaH | nigrahAnugrahe zakto gururityabhidhIyate || atha nindyagurulakSaNam- zvitrI caiva galatkuSThI netrarogI ca vAmanaH | p. 4) kunakhI zyAmadantazca strIjito hyadhikAGkakaH || hInAGgaH kapaTI rogI vahvAzI bahujalpakaH | etairdoSairvihIno yaH sa guruH ziSyasammataH || atha ziSyalakSaNam- zAntaH sunItiH zuddhAtmA zraddhAvAndhAraNakSamaH | samarthazca kulInazca prAjJaH saccArito vratI || evamAdiguNairyuktaH ziSyo bhavati nAnyathA | gurutA ziSyatA vApi tayorvatsaravAsataH || tathA coktaM sArasaGgrahe- sadguruH svAzritaM ziSyaM varSamekaM parIkSayet | rAjJi rASTrakRtaM pApaM patnIpApaM svabhartari || tathA ziSyArjitaM pApaM guruH prApnoti nizcitam | ataH sadgurorAptadIkSaH san sarvakarmANi sAdhayet || tatrApyanukUlamantraM gRhNIyAt | tathA ca- sutArArAzikoSThAnAmanukUlAnbhajenmanUn | tathA ca vArAhItantre- tArAcakraM rAzicakraM nAmacakraM tathaiva ca | atra cetsadguNo maMtro nAnyacakraM vicArayet || idantu pradhAnatayA bodhyam | tathA ca- dhanI maMtraM na gRhNIyAdakulaJca tathaiva cetyAdidarzanAttatta- ccakravicArasyAvazyakatvamiti | nRsiMhArkavarAhANAntAraprAsAdayorapi | sapiNDAkSaramantrANAM siddhAdInnaiva zodhayet || tAraH praNavaH | prAsAdaH hoM | sapiNDAkSaraH kUTamaMtra iti | p. 5) svapnalabdhe striyA datte mAlAmantre ca tryakSare || vaidikeSu ca sarveSu siddhAdInnaiva zodhayet | mAlamantrastu vArAhIye- viMzatyarNAdhikyamaMtrA mAlAmaMtrAH prakIrtitA iti | haMsasyASTAkSarasyApi tathA paJcAkSarasya ca || ekadvitryAdibIjasya siddhAdInnaiva zodhayet || haMsamantrastu- hakAreNa bahiryAti sakAreNa vizetpunaH | haMsa haMseti maMtro'yaM jIvo japati sarvadeti || kAlI tArA mahAvidyA SoDazI bhuvanezvarI | bhairavI chinnamastA ca vidyA dhUmAvatI tathA || bagalA siddhividyA ca mAtaGgI kamalAtmikA | ekAdaza mahAvidyAH siddhividyAH prakIrtitAH || nAtra siddhAdyapekSAsti na nakSatravicAraNA | kAlAdizodhanaM nAsti na ca mitrAdizodhanamityAdivacanAde- teSAM vicAro nAsti | vastutastu prazaMsAparamidaM | sarvatra vicArasyAvazyakatvamiti sAmpradAyikAH | tatrAdau kulAkulacakramAha | nibandhe- vAyyagnibhUjalAkAzAH paJcAzallipayaH kramAt | paJca hrasvAH paJca dIrghA vRddhAntAH saMdhisambhavAH || kAdayaH paJca zaHSakSalasahAntAH samIritA iti | a A e ka caTatapayaSA mArutAH | i – I aikhachaThathapharakSA AgneyAH | u-U- ogajaDadabalalAH pArthivAH | R-RR au ghajhaDhadhabhavasA vAruNAH | lR- lRR aGatraNanamazA nAbhasA iti | sAdhakasyAkSaraM pUrvaM mantrasyApi tadakSaram | p. 6) yadyaikabhUtaM daivatyaM jAnIyAtsvakulaM hi tat || bhaumasya vAruNaM mitramAgneyasyApi mArutam | mArutaM pArthivAnAJca AgneyaM cAmbhasAM ripuH || nAbhasaM sarvamitraM syAdviruddhaM naiva zIlayet | pArthive vAruNaM mitraM taijasaM zatrurucyata iti || athodAharaNaM yathA jIvanAthaH- etasyAdyAkSaraJjakAraH | sa ca pArthivaH | mantrastu oM namaH zivAyeti | asya prathamAkSaramokAraH | ayamapi pArthivaH | atra dvayorekabhUtatvAduttamo'yaM mantraH zubhaphalada iti || yadi AM hrIM kromiti mantraH | tarhi etasya vAyutattvam | jakArasya bhUtattvasya ripurato'yaM mantro na zubha iti | mArutaH pArthivAnAM ripurityukteH | atha rAzicakram | Agamakalpadrume- sUtradvayaM pUrvaparAyataJca tanmadhyato yAmyakuberabhedAt | ekaikamIzAnanizAcare tu hutAzavAyau vilikhettato'rNAn || vedA 4 gni 3 vahni 3 yugala 2 zrAvaNA 2 kSi 2 saMkhyAn paJce 5 Su 5 bANa 5 zara 5 paJca 5 catuSTayA 4 rNAn | meSAditAMstu gaNayetsakalAMstrivarNAnkanyAgatAnpravilikhedatha zAdyavarNAniti || a A i I meSe | u U R vRSe | R lR lRR mithune | e ai karke | o au siMhe | aM aH za Sa ha Dha kSAH kanyAyAm | kavarga 5 stulAyAM | cavargo bRzcike | Tavargo 5 dhanuSi | tavargo makare | pavargaH kumbhe | yavargo mIne | evaM jJeyam || svarAzermantrarAzyantaM gaNanIyaM vicakSaNaiH | rAzInAM zuddhatA jJeyA tyajecchatruM 6 mRtiM 8 vyayam 12 || p. 7) yadA svarAzerajJAnaM tadA sAdhakaH prasiddhasvanAmAdyakSarasambandhinaM rAziM gRhItvA gaNayet | sAdhyAkSararAzyantaM gaNayetsAdhakAkSarAditi | eka 1 paJca 5 nava 9 bAndhavAH smRtA dvau 2 ca SaT ca 6 dazamazca 10 sevakAH | vahni 3 rudra 11 munaya 7zca poSakAH dvAdazA 12 STa 8 caturastu ghAtakAH || iti viSNuviSayam | zaktyAdau tu SaSThASTamadvAdazaM tyajet | tathA ca tantrarAje- tena mantrAdyavarNo na nAmnA cAdyAkSareNa ca | gaNayedyadi SaSThaM vApyaSTamaM dvadazaM tu vA | ripurmantrAdyavarNaH syAttena tasyAhito bhavediti || asyodAharaNam- jIvanAthasya prathamAkSaraM vRzcikarAzAvasti tena sAdhakasya vRzcikarAziH | mantrAkSaramomiti tasya siMharAziH | atra sAdhakarAzerdazamarAzau mantrarAzirato'yaM zubhaphalada iti | evamanyatrApi | atha nakSatracakrametaduktaM mantramahodadhau | tadyathA- uttarAdakSiNAgrAstu rekhAstu caturaH kramAt | daza rekhAH pazcimAgrAH kartavyAH sAdhakottamaiH || netra 2 bhU?guNa 3 veda 4 kSm 1 dharAyugala2 bhU 1 bhujaH 2 | dvi2 candra1 bhuja2 bahva2 kSi2 bhUnetra2 tri3 dharA1 guNAH | ekai 1 ka 1 bhU 1 bhuje 2 ndva 1 kSi 2 rAma 3 caMdra 1 uDuSvatha | azvinyAdiSu vijJeyA AdivarNAH kramAdbudhaiH | kSAntA binduvisargau tu revatyaMze vyavasthitau iti || yadA maMtrAdyakSaraM A vA A tadA tasya bhamazvinI | ikarAkSaraM cedbharaNI | I u U cetkRttikA | eva magrepi | evaM prathamAkSaravazAnnakSatranakSatrAttArAjJAnaM gaNajJAnaJca | tathaiva sAdhakasyApi prathamAkSaravazAnnakSatraM p. 8) natratrAttArAgaNajJAnaM kuryAt | atrodAharaNam | oM namaH zivAyeti mantraH | asyA'dyakSaramomiti || okArasya punarvasunakSatraM devagaNaH sAdhakatArA siMharAziriti | jIvanAtha iti sAdhakaH || tasyAdakSaravazAduttarAphAlgunInakSatraM gaNo naraH | tArA pratyariH | vRzcikarAziriti | atha nakSatrAttArAjJAnamAha- janmasampadvi patkSemapratyariH sAdhako vadhaH | maitraM paramamaitraJca gaNanIyaM svanAmabhAt || vipadvadhaH pratyarizca tyajedanyaduDUttamamiti | atra sAdhakasya uttarAphAlgunInakSatraM tasmAnmantranakSatraparyantaM saMkhyA 23 navabhi 9 zzeSitA 5 tasmAtpratyaritAreti tasmAdduSTA tArAjJeyA | atha gaNavicAramAha- pUrvottarAtrayaJcaiva bharaNyArdrA ca rohiNI | imAni mAnuSAnyAhurnakSatrANi munIzvarAH || jyeSThAzatabhiSAmUlaM dhaniSThAsarpyakRttikAH | citrA maghA vizAkhA ca etA rAkSasadevatAH || azvinI revatI puSyaH svAtI hastaH punarvasuH | anurAdhA mRgazcaiva zravaNo devatArakA iti || svajAtau paramA pratirmadhyamA bhinnajAtiSu | rakSomAnuSayornAzo vairaM dAnavadevayoriti || atranaradevagaNayormadhyamA prItiritivacanAnmadhyamatvaM | mantrasyeti 1 athAkaDamacakram | tadukta mantramahodadhau | sAdhakasya tu nAmAdivarNamArabhya zodhayet || mantrAdyakSaraparyantaM cakre siddhAdike kramAt | p. 9) janmarkSottha prasiddhaM vA nAma grAhyaM prazodhayet | UrdhvagAH paJca rekhAH syuH paJca tiryaggatAH punaH | koSThAni tatra jAyante SoDazaivAtra saMlikhet || bhU 1 rAma 3 ziva nandA 9 kSi 2 vedA 4 rka 12 digra 10 sA 6 STabhiH 8 | kalA 13 manu 14 zarai5radri7 tithi 15 vizvai 13 rmiteSu ca || koSTheSu mAtRkA varNAstatra nAmAditaH kramAt | siddhaH sAdhyaH susiddhorirjJeyo manvakSarAvadhi || yasmin catuSke nAmArNaH tataH siddhacatuSTayam | prAdakSiNyAttaddvitIyaM sAdhyAkhyantattRtIyakam || susiddhAkhyaM caturthantu sapatnAkhyaM smRtaM budhaiH | ekakoSThe dvayorvarNaH siddhasiddhaH prakIrtitaH || taddvitIye mantravarNaH siddhasAdhya udAhRtaH | tRtIye siddhasuprasiddhaH siddhAriH syAccaturthake || nAmArNayukcatuH koSThAnmanvarNazceddvitIyake | catuSke tatra pUrvantu yatra nAmAkSaraM sthitam || tatra tatkoSThamArabhya gaNayetpUrvavat kramAt | sAdhyasiddhaH sAdhayasAdhyastatsasiddhazca tadripuH || evaM jJeyaM tRtIye ceccatuSke mantravarNakaH | tadA pUrvoktayA rItyA kramAjjJeyA vicakSaNaiH || susiddhasiddhastatsAdhyastatsusiddhazca tadripuH | caturthe tu catuSke syAdarisiddhorisAdhakaH || tatsusiddho'ryariH pazcAdevaM mantraM vicArayet | siddhasiddho yathoktena dviguNAtsiddhasAdhakaH || siddhasusiddhodrdhajapAtsiddhArirhanti bAndhavAn | sAdhyasiddho dvighnajapAtsAdhyasAdhyo nirarthakaH || dvighnajapAttatsusiddhaH sAdhyArirhanti gotrajAn | p. 10) susiddhasiddhorddhajapAttatsAdhyo dviguNAjjapAt || tatsusiddho grahAdevasu siddhAriH kuTumbahA | arisiddhaH sutaM hanyAdarisAdhyastu kanyakAm || tatsusiddhazca patnIghnastadariH sAdhakApahaH | anyatrApi- siddhaH sidhyati kAlena sAdhyastu japahomataH | susiddho grahaNAdeva ripurmUlaM nikRntati || athAdau caturasraM vidhAya tatra SoDazakoSTeSu | bhU 1 rAma 3 ziva 11 naMdA 9 kSi 2 vedA 4 rka 12 daza 10 SaDa 6 STa 8 SoDaza 16 caturdaza 14 paJca 5 sapta 7 paJcadaza 15 trayodaza 13 pratimeSu koSTheSu kramAdakArAdi varNAnpunaH punaH saMvilikhya | koSThacatuSkaM siddhasAdhyAdi bicintya punazcatuSke siddhAdigaNanA kAryA | ayamarthaH | yasmiMzcatuSke nAmAdivarNaH syAt | taccataSkamArabhya pradakSiNyena siddhasAdhyasusiddhArIn gaNayet | atra svanAmAdyakSaramArabhya mantrAdimAkSaraM yAvat caturbhizcaturbhiH koSThakaiH siddhaH sAdhyaH susiddhaH arizca jJeyaH | taduktaM vizvasAre- indvagnirudranavanetrayugArkadikSu RtvaSTaSoDazacaturdazabhauti keSu | pAtAlapaJcadazavizvamite hi koSThe varNAnlikhellipibhavAnkramazastu dhImAn || nAmAdyakSaramArabhya yAvanmantrAdimAkSaram | caturbhiH koSThakairekaikamiti koSThacatuSTayam || punaH koSThagakoSTheSu savyato nAmna Adita iti | atrodAharaNaM yathA | jIvanAtha iti sAdhakaH | oM namaH zivAya iti maMtraH | atra caturthacatuSke sAdhakanAmAdyakSaramasti tadeva siddhAkhyaM prathamaM tasmAddvitIyacatuSke mantrAdyakSaramasti tasmAtsAdhyAkhyo p. 11) maMtra iti | yatra nAmAdyavarNasthacatuSke mantrAdimavarNazcetsiddhaH | taddvitIye mantravarNaH sAdhyaH tattRtIye susiddhaH | tatturIye tvarimantraH | yathA jakArAkSarasAdhakasya aimiti mantraH siddhaH hrImiti mantraH sAdhyaH | Amiti mantraH susiddhaH | gamiti maMtro'rimaMtra iti | atha yadi ekakoSThe sAdhyasAdhakayorvarNastadA siddhasiddhaH | tasmAddvitIyakoSThe maMtravarNazcettadA siddhasAdhyaH | tasmAttRtIye siddhasusiddhaH | tasmAccaturthe mantravarNastadA siddhAriH | atha yadi nAmAdyakSarayuktacatuSkoSThAnmaMtrAdyavarNo dvitIyacatuSke bhavati tadA pUrvacatuSke yatra koSThe nAmAdyakSaraM varttate tatra tatkASThamArabhya pUrvavadnaNayediti | prathame sAdhyasiddhaH | dvitIye sAdhyasAdhyaH | tRtIye koSThe sAdhyasusiddhaH | caturthe sAdhyAriH | athaivaM tRtIye catuSke maMtravarNazcetpUrvarItyA prathame susiddhasiddhaH dvitIye susiddhasAdhyaH | tRtIye susiddhasusiddhaH | caturthe susiddhAriH | evaM caturthacatuSke arisiddhaH | arisiddhaH | arisusiddhaH | caturthe aryariH | evaM gaNane kRte SoDaza bhedA bhavanti | yathA- siddhasiddhaH 1 siddhasAdhyaH 2 siddhasusiddhaH 3 siddhAriH 4 sAdhyasiddhaH 5 sAdhyasAdhyaH 6 sAdhyasusiddhaH 7 sAdhyAriH 8 susiddhasiddhaH 9 susiddhasAdhyaH 10 susiddhasusiddhaH 11 susiddhAriH 12 arisiddhaH 13 arisAdhyaH 14 arisusiddhaH 15 aryariH 16 iti | atrodAharaNaM yathA- nAmArNa yuktacatuSkoSThAt dvitIyacatuSke tRtIyakoSThe mantrAdyakSaramasti tasmAtsadhyasusiddhA'yamantraH | jakArasya emiti mantraH siddhasAdhyaH hrImiti maMtraH sAdhyAriH | amitimantraH susiddhAriH zamiti mantraH susiddhasusiddhaH | gamiti mantraH aryariH | evamanyat | atha prakArAntareNa siddhAdizodhanamAha- nAmno mantrasya varNAzca likhitvA prativarNakam | siddhAdigaNanA kAryA yAvanmantrasamApanam || nAmno yadi samAptiH syAtpunarnAma likhetsudhIH | p. 12) evaM saMsodhiteSu syurbhUraya sAdhyavairiNaH || alpAH siddhasusiddhAzcedazubhaM vyutkramAcchubham | matamitthaM tu keSAJcittadapi prAjJasammatam || nAmna iti vyutkramAt | siddhasAdhyasusiddhAnAM bahutve rINAmalpatve zubhamiti | atha prakArAntareNa siddhAdizodhanaM mantramahodadhau- dvAdazAre likheccakre varNAnpUrvAditaH kramAt | IzAnAntamakArAdyAn hAntAn bukSavivarjitAn || tatra nAmArNamArabhya mantrAdyarNAvadhikramAt | gaNayetsiddhasAdhyAdi phalanteSAntu pUrvavat || siddho navaikabANeSu 9|1|5 sAdhyo rasadigakSiSu 6|10|2 susiddhaH trimunIzeSu 3|7|11 ripurvedASTabhAnuSu 4|8|12 ityakaDaMcakrantu gopAlaviSayam | taduktaM vArAhIye- tArAzuddhirvaiSNavAnAM koSThazuddhiH zivasya ca || rAzizuddhistraipure ca gopAle'kraDamaH smRta iti | atha prakArAntareNa siddhAdizodhanamAha- catuSkoSTheSu vilikhedAdInvarNAnpunaH punaH | nAmArNAtsiddhasAdhyAdi jJeyaM manvakSarAvadhi || atha prakArAntareNa siddhAdizodhanam- nAmno mantrasya varNADhyaM caturbhirvibhajetsudhIH | ekAdizeSe siddhAdi jAnIyAtpUrvavatphalam || atha RNadhanazodhanacakram | taduktaM mantramahodadhau- atharNadhanasaMzuddhiH kathyate siddhidAyinI | sapta tiryag likhedrekhA dvAdazaivordhvagAH punaH || p. 13) evaM kRte tu jAyante koSThAH SaTSaSTi 66 sammitAH | AdyapaMktau khiledaMkAMste kathyante yathAkramam || manu 14 nakSatra 27 netra 2 rka 12 tithi 15 saT6veda4vahnayaH3 | aSTakA 8 vasavo 8 nandAH 9 koSTheSu kramataH sthitAH || dvitIyapaMktau saMlekhyAH paJca dIrghojjhitAH svarAH | tRtIyapaMktau kAdyarNAn TakArAntAn kramAllikhet || ThAdiphAntAzcaturthyAM tu paJcamyAM vAdihAntimAH | SaSThyAM paMktau kramAllekhyA aMkAH kathyanta eva te || dik 10 candra 1 muni 7 vedA 4 STa 8 guNa 3 sapte 7 Su 5 sAgarAH 4 rasAzca 6 rAmasaMkhyA 3 tu sAdhakAMkAH prakIrtitAH || mantravarNAnpRthak kuryAtsvaravyaJjanarUpataH | koSThe yAvati varNaH syAdguNayettAvadaGkakam || koSThoparisthenAMkena sarvavarNeSvayaM vidhiH | dIrghAkSarANAmaMkAstu jJeyA laghvakSarasthitAH | ekIkRtyAkhilAnaMkAnaSTabhi 8 rvibhajetpuaH || zeSAMko mantrarAziH syAnnAmavarNeSvayaM vidhiH | adhaH paMktisthitairaMkairguNanIyAstu te'khilAH || adhamarNo'dhiko rAzirUno rAzirdhanI smRtaH | mantro yadAdhamarNaH syAttadA grAhyo dhanI na tu || athaiSAM samudAyArthAH | koSThe yAvatIti | atra dhanarNacakre yAvati koSThe mantravarNaH | tamaGkamuparyaMkena guNayet | yathA prathamakoSThAGka eka eva 1 akAroparisthitAMkaizcaturdaza eva | evamAkArasyApi | akArakoSThAdhaHsthitAnAM kakAraThakArabakArANAJca koSThAMka eka eva 1 taduparyaMka 14 guNitAzcaturdaza eva | evaM dvitIyakoSThe ikAraH IkArazca tatkoSThapramANaM 2 tadupari sthitAGkaiH saptaviMzatibhi 27 rguNitaM catuSpaJcAzat | punarikArAdhaHsthitAnAM khakAraDakArabhakArANAmapi koSThAGkapramANaM 2 p. 14) taduparyaGka 27 guNitaM catuSpaJcAzadeva | evamukArastRtIyakoSThasthaH | tatkoSThAGkAH 3 traya uparyaMkena 2 guNitAH SaT 3 | evamukArAdhaH sthitAnAM gakAraDhakAramakArANAmapikoSTAGkAstraya3 uparyaMkairguNitAH SaDeva 6 | evamagre'pi | tataH sAdhyavarNAnpi sAdhyo tasya varNAn svaravyaJjanarUpataH pRthak pRthak svasvakoSThoparisthitAMkena saGguNya tAnekIkRtyASTabhaktazeSaH sAdhyarAzirityarthaH | evaM sAdhakAGkAnapi svAMkena guNitAnekIkRtyASTabhaktazeSaH sAdhakarAziriti | atra mantrarAziradhikazcedgrAhyaH | adhamarNo'dhiko rAzirUno rAzirdhanI smRtaH | mantro yadAdhamarNaH syAttadA grAhyo dhanI na tu | anyatrApi- mantro yadAdhikAGkaH syAttadA mantraM japetsudhIH | samepi ca japenmantraM na japettu RNAdhike | zUnye mRtyuM vijAnIyAttasmAcchUnyaM vivarjayedityukteH | atrodAharaNam | oM namaH zivAyeti mantraH | atra praNave a u m iti tryakSaraH praNava ityukteH | tatrAkArasya pUrvarItyA 14 ukArasya 6 makArasya 5 tato nakArasya 72 akArasya 14 tato maH ityasya makArasya 5 akArasya 14 visargasya 99 tataH zItyasya atra zakArasya 24 ikArasya 54 | tato vakArasya 28 AkArasya 14 | tato yakArasya 48 akArasya 14 eteSAM yogaH 413 aSTabhaktazeSAMkaH 5 mantrarAzirayam | evaM sAdhako jIvanAtha iti | asya svaravyaJjanarUpataH vyaJjanasaGkhyA 40 | 49 | 36 | 18 svarasaMkhyA 2 | 10 | 10 | 10 | 33 | sarvayogo 208 aSTabhaktazeSAMkaH (1) sAdhakarAzirayam | p. 15) atra sAdhakarAziradhamarNaH | mantrarAzirdhanI jJeyaH | tasmAdagrAhya eva | atra zUnyazeSe haratulya evAGko jJeyaH (8) ityalam | atha prakArAntareNAdhamaNaMmAha- nAmAdyakSaramArabhya yAvanmantrAdimAkSaram | gaNayenmAtRkAvarNakrameNa guNayettribhiH || vibhaktaH saptabhiH ziSTo nAmarAzirudAhRtaH | evaM mantrArNamArabhya yAvannAmAdimAkSaram || gaNayitvA tribhirhatvA vibhajetsaptabhiH sudhIH | mantrarAziH smRtaH ziSTaH pUrvavaddhanitarNiteti || udAharaNam | atra jakAramArabhya omityantaM saMkhyA x 37 triguNA 111 saptataSTA 6 | evaM mantrAdimAkSaramomiti | tena okArAtsAdhyAdyakSarajakAraparyantaM saMkhyA 12 triguNA 36 saptataSTA 1 | atrApi mantrarAzeralpatvAddhanitvamiti || p. 16) athaprakArAntaramAha- yadvA mantrAkSarANIha svaravyaJjanarUpataH | pRthakkRtya dviguNayedyojayetsAdhakAkSaraiH || tAdRzairaSTabhistaSTairmantrarAzirudAhRtaH | evaM nAmarNasaMghopi dviguNIkRtya yojitaH || mantravarNairaSTataSTo nAmarAziH smRto budhaiH | RNitA dhanitA cAtra pUrvavatparikIrtiteti || uktAnyatamamArgeNa zodhanIyamRNaM dhanamiti || atrodAharaNam | oM namaH zivAya | a u m nmzvy| a a (visargaH) i A a | jI va nA thaH | j n n th | I a A a (visargaH) tatra mantrasaMkhyA 14 dviguNA 28 sAdhakAkSaramAtrAbhiH 9 yutA 37 aSTabhizzeSitA 5 | evaM sAdhakasya jIvanAthasya saMkhyA 9 dviguNA 18 mantrAkSaramAtrAsaMkhyAbhiH 14 yutA 32 aSTabhizzeSitA 0 haratulyaM zeSam | yo mantraH punarjanuSi sevito nAdadAtphalam | pazcAtpApakSaye jAte phalavAptiranehasi || AyuHkSayAdgato nAzaM sAdhakasya bhavAntare | RNatvAtprAptimAtreNa mantro'bhISTaM prayacchati || samAGkau yadyubhau rAzI tadA saMsevanAtphalam | dhanI mantrastu samprAptaH phalatyadhikasevayA || mantrANAM zodhanaM bhUyaH prakArAntaramucyate | SaTkoNe vilikhetpUrvakoNAdyekaikavarNakAn | akArAdihakArAntAn napuMsakavivarjitAn | nAmAdyakSaramArabhya mantrArNAvadhi zodhayet || p. 17) prathame sampadAM prAptirdvitIye dhanasaMkSayaH | tRtIye dhanasamprAptizcaturthe bandhuvigrahaH || paJcame tu bhavedvyAdhiH SaSThe sarvasya saMkSayaH | evaM saMzodhitaM mantraM dadyAcchiSyAya mAntrika iti || athArimantratyAgaprakAraH | arimantro gRhItazcedajJAnavazatastadA | tasya tyAgaH prakartavyastatprakAro'dhunocyate || sudine sthApayetkumbhaM sarvatobhadramaNDale | vilomaM saJjapanmantraM pUrayettaM supAthasA || tatra devaM samAvAhya yajedAvaruNAdikam | tadagre sthaNDilaM kRtvA pratiSThApyAnalaM tataH || juhuyAnmUlamantreNa vilomena zataM ghRtaiH | dikpatibhyo balindadyAtpAyasAnnairghatAnvitaiH || punaH sampUjya devezaM prArthayenmanunA'munA | AnukUlyamanA''locya mayA taralabuddhinA | yadupAstaM pUjitaJca prabho mantrasvarUpakam | tena me manasaH kSobhamazeSaM vinivartaya || pApaM pratihataJcAstu bhUyAchreyaH sanAtanam | tato'nu mama kalyANaM pAvanI bhaktirastu me | evaM samprArthya devezaM karpUrAgurucandanaiH | vilomaM vilikhenmantrantAlapatre tadarcayet || prabudhya nijamaste tatsnAyAtkumbhasthitaijjalaiH | punaH sampUrya tantoyaistatrAsye mantrapatrakam || sampUjya kumbhaM nadyAM vai taDAge vA vinikSipet | viprAnsambhojya mucyeta pIDayA'sau manUtthayA | anekadhA zodhane cecchuddhiM ca prApyate manuH || p. 18) mAyAM kAmaM zriyaJcA''dau dadyAttaddoSamuktaye | yadvA duSTo manurjaptaH siddhyetpraNavasampuTaH | yadvA kramotkramagayA prajapto varNamAlayA || yatra yasya bhavedbhaktirvizeSaH sa manUttamaH | vairikoSThamapi prApto'bhISTadastasya jAyate || iti SaTcakrazodhanaprakaraNam | atha dIkSAkAlavyavasthA | mantrArambhastu caitre syAtsamastapuruSArthadaH | vaizAkhe ratnalAbhaH syAjjyeSThe tu maraNaM bhavet || ASADhe bandhunAzaH syAcchrAvaNe vittavarddhanam | bhAdre prajAvinAzaH syAdAzvine ratnasaJcayaH || kArtike mantrasiddhiH syAnmArgazIrSe tathA bhavet | pauSe tu zatrupIDA syAnmAghe medhAvivarddhanam || phAlgune sarvakAmAH syurmalamAsaM vivarjayet | caitre tu dIkSAphalaM gopAlaviSayaM gautamyuktatvAt | madhumAse bhaveddIkSA duHkhAyeti vacanAnnAnyatra | ASADhaviSedhopi zrIvidyAtiriktaviSaye | jyeSThe mRtyupradA caiva ASADhe dhanasampadeti yoginIhRdayAt | atha vAraniyaH | ravivAre bhavedvittaM some zAntiH prakIrtitA | AyuraGgArake hanti tatra dIkSAM vivarjayet || budhe saundaryamApnoti jJAnaM syAttu bRhaspatau | zukre saubhAgyamApnoti yazohAniH zanaizcare || p. 19) vizeSo gAruDatantre- guruvAre sukhaM vidyAcchaktau cArkaH prazasyate | zive ca guruvAraH syAtsaure cAndraH prazasyate || aphalA budhavAre tu dIkSA jJAnavinAzinI | atha tithiniyamaH | pratipadi kRtA dIkSA jJAnanAzakarI matA | pratipattirdvitIyAyAM tRtIyAyAM zucirbhavet || caturthyAM vittanAzaH syAtpaJcamyAM vittavardhanam | SaSThyAM jJAnakSayaM proktaM saukhyaM syAtsaptamItithau || aSTamyAM buddhinAzaH syAnnavamyAM vapuSaH kSayaH | dazamyAM rAjyasaubhAgyamekAdazyAM zucirbhavet || dvAdazyAM sarvasiddhiH syAttrayodazyAM daridratA | tiryagyonizcaturdazyAM hAnirmAsAvasAnake || pakSAnte dharmabuddhiH syAdasvAdhyAyaM vivarjayet | sandhyAgarjitanirghoSabhUkampolkAnipAtanam || etAnazyAMzca divasAn zrutyuktAnparivarjayet | dvAdazyAmapi kartavyaM trayodazyAmathApi vA || yatra trayodazIvidhAnaM tadviSNuviSayaM rAmArccanacandrikAghRtatvAt | trayodazI ca dazamI prazastAsarvakAmadetisanatkumAravacanAcca || atha nakSatranirNayaH | azvinyAM sukhamApnoti bharaNyAM maraNaM dhruvam | kRttikAyAM bhavedduHkhI rohiNyAM vAkpatirbhavet || mRgazIrSe sukhAvAptirArdrAyAM bandhunAzanam | punarvasau dhanAptiH syAtpuSye zatruvinAzanam || AzleSAyAM bhavenmRtyurmaghAyAM duHkhamocanam | saundaryaM pUrvaphalgunyAM prApnotyatra na saMzayaH || jJAnaJcottaraphalgunyAM haste caiva dhanI bhavet | p. 20) citrAyAM jJAnasiddhiH syAtsvAtyAM zatruvinAzanam || vizAkhAyAM sukhaM cAnurAdhAyAM bandhuvardhanam | jyeSThAyAM putrahAniH syAnmUlabhe kIrtivarddhanam || pUrvASADhottarASADhe bhavetAM kIrtidAyike | zravaNAyAM bhavedduHkhaM dhaniSThAyAM daridratA || buddhiH zatabhiSAyAntu pUrvabhAdre sukhI bhavet | saukhyaM cottarabhAdre tu revatyAM kIrtivardhanam || atha yoganirNayo vizvasAre- zubhaH siddhizca AyuSmAn dhruvayogastataH param | prItiH saubhAgyayogazca vRddhiyogastataH param || harSaNAzca tathA yogaH sarvatantre sukhAvahaH | atha karaNanirNayaH | bavazca bAlavazcaiva kaulavantaitilantathA | karaNAni zubhAnyeva sarvatantreSu bhAmini || atha lagnanirNayaH | vRSe siMhe ca kanyAyAM dhanurmInAkhyalagnake | candratArAnukUlye ca kuryAddIkSApravartanam || sthiralagnaM viSNumantre zivamantre carantathA | dvisvabhAvagataM lagnaM zaktimantreSu zasyate || atha pakSanirNayaH | zuklapakSe zubhA dIkSA kRSNepyApaJcamI tathA | niSiddhamAse tu tattu vizeSo dinabhedataH || Agamakalpadrume- SaSThI bhAdrapade mAse tviSe kRSNA caturdazI | kArtike navamI zuklA mArge zuklA tRtIyakA || pauSe ca navamI zuklA mArge zuklA caturthikA | phAlgune navamI zuklA caitre kAmacaturdazI || p. 21) vaizAkhe cAkSayA caiva jyeSThe dazaharA tithiH | ASADhe paJcamI zuklA zrAvaNe kRSNapaJcamI || etAni devaparvANi tIrthakoTiphalaM labhet | anyamataJca- caitre trayodazI zuklA vaizAkhe tu haripriyA | jyeSThe caturdazI kRSNA ASADhe nAgapaJcamI | zrAvaNaikAdazI bhAdre rohiNIsaMyutA'STamI | Azvine ca mahApuNyA siddhidA syAnmahASTamI || kArtike navamI zuklA mArgazIrSe tathAsitA | phAlgune ca sitA SaSThI ceti kAlanirNayaH || yoginItantre- anaye viSuve caiva grahaNe candrasUryayoH | sUryasaGkrAntidivase yugAdyAyAM surezvari || manvantarAsu sarvAsu mahApUjAdine tathA | sUryagrahaNakAlasya samAno nAsti bhUtale || tatra yadyatkRtaM sarvamanantaphaladambhavet | na vAratithimAsAdizodhanaM sUryaparvaNi || evaM candragrahaNepi taduktaM matsyasUkte- na kuryAcchaktikIM dIkSAM sUryaparvaNi sAdhakaH | na kuryAdvaiSNavIM tAntu yadi candramaso grahaH || etacca zrIgopAlazrIvidyetaraviSayam | amAvAsyA somavAre bhaumavAre caturdazI | saptamI ravivAre ca sUryaparvazataiH samA || ziSyamAhUya guruNA kRpayA dIyate yadA | tatra lagnAdikaM kiJcinna vicAryaM kathaJcana || sarve vArA grahAH sarve nakSatrANi ca rAzayaH | yasmi hani santuSTo guruH sarve zubhAvahAH || p. 22) yoginItantre- grahaNe ca mahAtIrthe nAsti kAlavinirNayaH | gayAyAM bhAskarakSetre viraje candraparvate || catvare ca mataGge ca tathA zUnyAzrameSu ca | na gRhNIyAttato dIkSAM tIrtheSveteSu pArvati || iti dIkSAkAlanirNayaH | atha mantrANAM zAradAtilakoktadazasaMskAraprakAraH | jananaM jIvanaM pazcAttADanaM bodhanaM tathA | athAbhiSeko vimalIkaraNApyAyane punaH || tarpaNaM dIpanaM guptirdazaitA mantrasaMskriyA iti || mantrANAM mAtRkAmadhyAduddhAro jananaM smRtam | praNavAMtaritaM kRtvA mantravarNAJjapetsudhIH || etajjIvanamityAhurmantratantravizAradAH | mantravarNAnsamAlikhya tADayeccandanAmbhasA || pratyekaM vAyunA mantrI tADanaM tadudAhRtam | vilikhya mantraM tanmantrI prasUnaiH karavIrajaiH || tanmantrAkSarasaMkhyAkairhanyAdrephena bodhanam | svatantroktavidhAnena mantrI mantrArNasaMkhyayA || azvatthapallavairmantramabhiSiJcedvizuddhaye | saJcintya manasA mantraM jyotirmantreNa nirdahet || mantre malatrayaM mantrI vimalIkaraNantvidam | malatraya yathA- AnabdhaM 1 mAyikaM 2 kArmaNaM 3 ca | mAyikaM mAyayA cotthaM pauruSaM kArmaNaM malam || AnabdhaM mAnasaM proktaM niSiddhaM tanmalatrayam | tAravyomAtminuyugdaNDI jyotirmanuH smRtaH || tAraH praNavaH oM daNDI anusvAraH | vyoma hakAraH agniH p. 23) rakAraH manuH aukAraH tena oM hauM iti jyotirmantraH | kuzodakena japtena pratyarNaM prokSaNaM manoH | tena mantreNa vidhivadetadApyAyanaM matam || mantreNa vAriNA mantre tarpaNantarpaNaM smRtam | madhunA tarpaNaM zaktau zaive dugdhAjyakena ca || paJcAmRtena devezi tarpaNaM vaiSNave tathA | amukamantraM tarpayAmIti prayogaH | tAramAyAramAyogo manordIpanamucyate || oM hrIM zrIM tato mantrasyaiakAkSaramiti | amukamantrasyAmukAkSarandopayAmIti prayogaH | japyamAnasya mantrasya gopanantvaprakAzanam | saMskArA daza samproktAH sarvatantreSu gopitAH || iti mantrasaMskAraprakArassamAptaH | atha mantrAvalI likhyate | tatrAdau gaNezamantrAH || vakratuNDAya hu/ 6 SaDlakSaM japaH 600000 rAyaspoSasya daditAnidhidoratnadhAtumAn | rakSohaNo balagahano vakratuNDAya hu/ 31 pUjArcAdipUrvavat | athocchiSTagaNapatimantrAH | hastipizAcilikhe svAhA 9 oM hrIM gaM hastipizAcilikhe svAhA 12 gaM hastipizAcilikhe svAhA 10 oM namo bhagavate ekadaMSTrAya hastimukhAya lambodarAya ucchiSTamahAtmane AM kroM hrIM gaMghe ghe svAhA 37 ekalakSaM japaH || oM hastimukhAya lambodarAya ucchiSTamahAtmane | AMkrohrIMklIMkrIM hUM gheghe ucchiSTAya svAhA 32 ekalakSaM japaH | atha mahAgaNapatimantraH | oM zrIM hrIM glauM gaGgaNapataye varavarada sarvajanaM me vazamAnaya svAhA 27 asya purazcaraNacaturazcatvAriMzatsahasrAdhikacaturlakSaM japaH | p. 24) hrIM gaM hrIM mahAgaNapataye svAhA 12 lakSaJjapaH | atha haridrAgaNezamantraH | glaM 1 caturlakSaM japaH || atha lakSmIvinAyakamantraH | oM zrIM gaM saubhAgya gaNapataye varavarada sarvajanaM me vazamAnaya svAhA 28 caturlakSaM japaH || atha trailokyamohadagaNezamantraH | vakratuNDaikadaMSTrAya klIM hrIM zrIM gaM gaNapataye varavarada sarvajanaM vazamAnaya svAhA 34 caturlakSaM japaH | ete mantramahodadhimatena likhitAH | eteSAM pUjAprakArastatraiva draSTavyaH | atha zrIdakSiNakAlikAyAH | krIM krIM krIM hU/ hU/ hrIM hrIM dakSiNe kAlike krIM krIM krIM hU/ hU/ hrIM hrIM svAhA 22 | oM hrIM hrIM hU/ hU/ krIM krIM krIM dakSiNe kAlike krIM krIM krIM hU/ hU/ hrIM hrIM 21 | hU/ hU/ krIM krIM krIM hrIM hrIM dakSiNe kAlike hU/ hU/ krIM krIM krIM hrIM hrIM svAhA 22 | krIM hU/ hrIM svAhA 5 krIM krIM krIM hU/ hU/ hrIM hrIM dakSiNe kAlike svAhA 15 | krIM krIM krIM 3 | ekAkSarI krIM 1 | krIM hU/ hrIM hU/ phaT 5 | krIM hU/ hrIM hU/ phaT svAhA 7 | krIM hU/ hrIM tryakSarI 3 | eteSAM yajanaM dvAviMzatyakSarIvat | lakSaM japaH | raktakusumairhomaH | atha guhyakAlImantrAH | krIM krIM krIM hU/ hU/ hrIM hrIM guhyakAlike krIM krIM krIM hU/ hU/ hrIM hrIM hrIM svAhA 22 | krIM guhyakAlike svAhA 8 | hU/ guhyakAlike svAhA 8 | hrIM guhyakAlike svAhA 8 | iti vizvasAre guhyakAlImantraH | atha bhadrakAlyAH | svatantre- krIM krIM krIM hU/ hU/ hrIM hrIM bhadrakAlyai krIM krIM krIM hU/ hU/ hrIM hrIM svAhA 20 | p. 25) atha phUtkAriNItantre- hauM kAlimahAkAlikililiphaT svAhA | asyAH purazcaraNAdyabhAvaH | anyAsAM dakSiNakAlIvat | atha mahAkAlImantraH | phreM kAriNyAm | oM phreM pheM hU/ hU/ pazuM gRhANa hU/ phaT svAhA 14 oM haraharastambhastambhakIlakIla svAhA 15 japamAtram | atha zmazAnakAlImantro vizvasAre- roM namaH krIM aiM namaH krIM kAlikAyai svAhA 14 namaH aiM krIM krIM kAlikAyai svAhA | krIM kAlikAyai namaH | iti zmazAnakAlIpurazcaraNaM lakSaJjapaH | atha zRGgArakAlI | aiM hrIM oM aiM hUM phaT svAhA | purazcaraNaM dakSiNAvat | atha siddhikAlI | oM hrIM hrIM me svAhA 6 | purazcaraNamekaviMzatisahasram | atha sumukhImantraH | ucchiSTacANDAlini sumukhi devi mahApizAcini hIM ThaH ThaH ThaH | lakSaM japaH | kiMzukapuSpairhomaH | atha zrItArAmantraH | oM hrIM strIM hU/ phaT 5 | ekajaTAyAH hrIM zrIM hUM phaT | atha nIlasarasvatyAH | hrIM strIM hUM | caturlakSaJjapaH | kSIrAjyAktakamalairhomaH | atha tArAbhedAH | oM strIM hrIM hU/ hrIM phaT 7 | aiM hrIM zrIM klIM sauH hUM ugratAre hU/ phaT 12 | oM hrIM haM hrIM hU/ phaT 6 | oM hUM hrIM klIM sauH hUM phaT 7 | p. 26) athaikajaTAmantrAntaram | oM hrIM namo bhagavatyekajaTe mama vajrapuSpaM pratIccha svAhA 22 nIlasarasvatyAH prakArAntaram | oM zrIM hrIM hRgauH hUM phaT nIlasarasvatyai svAhA 14 pUjanAdikaM pUrvavat | atha chinnamastAmantraH | oM zrIM hrIM hrIM aiM vajravairocanIye hrIM hrIM phaT svAhA 17 | caturlakSaJjapaH | palAzazrIvRkSakusumairhomaH | atha reNukAzabarImantraH | oM zrIM hrIM kroM aiM 5 paJcalakSaJjapaH | bilvaphalairhomaH | atha vivAhArthaM svayambarakalA | oM hrIM yoginI 2 yogIzvari 2 yogabhayakari sakalasthAvarajaMga- masya mukhaM hRdayaM mama vazamAkarSayAkarSaya svAhA 50 caturlakSaM japaH | pAyasAnnena homaH | atha zItalAmantraH | oM hrIM zrIM zItalAyai namaH | dazasahasraJjapaH | pAyasena homaH | nAbhimAtre jale sthitvA dazasahasraM japenmanum | tena saMmArjitAstIbrAH sphoTA nazyanti tatkSaNAt | atha bAlAmantraH | aiM klIM sauH | lakSatrayaM japaH | palAzakusumairhomaH | atha tripurAgAyatrI | klIM tripurAdevi vidmahe kAmezvari dhImahi tannaH klinne pracodayAt | athAnnapUrNAmantraH | oM hrIM zrIM klIM namo bhagavati mAhezvari annapUrNe svAhA 20 | lakSaM japaH | caruNA homaH | p. 27) atha pratyaGgirAmantraH | oM hrIM yAM kalpayanti norayaH krUrAM kRtyAM vadhUmiva | tAM brahmaNApanirNudya pratyak kartAramRcchatu hrIM om | ayutaM japaH | apAmArgarAjyAjyahavirbhirhomaH | atha pratyaGgirAmAlAmantraH | oM hrIM namaH kRSNavAsase zatasahasrahiMsini sahasravadane mahAbale aparAjite pratyaGgire parasainyaparakarmavidhvaMsini paramantrotsAdini sarvabhUtadamani sarvadevAn bandha bandha sarvavidyAJcchindhi 2 lobhaya 2 parayantrANi sphoTaya 1 sarvazRMkhalAM troTaya jvalajjvA lAjihve karAlavadane pratyaMgire hrIM namaH | ayutaM japaH tilarAjikAbhirhomaH | atha bagalAmukhImantraH | hrIM hrIM bagalAmukhi sarvaduSTAnAM vAcaM mukhaM padaM stambhaya jihvAM kIlaya buddhiM vinAzaya hrIM oM svAhA 36 lakSaM japaH | campakapuSpairhomaH | atha svapnavArAhImantraH | oM hIM namo vArAhi ghore svapnaM ThaH ThaH svAhA 15 lakSa japaH | nIlapadmatilairhomaH | atha tripurasundarImantraH | zrIM hrIM klIM aiM sauH | oM hrIM zrIM ka e i la hIM | ha sa ka ha la hlIM sakala hrIM sauH || aiM klIM hIM zrIM iyaM SoDazAkSarI lakSa japaH | trimadhuropetakarabIrapuSpairhomaH | iyaM rAjarAjezvarI | yajanAdikaM tantre draSTavyam | atha hanumanmantraH | hau h s phreM khphreM hsphreM hsauM hanumate namaH 12 arkasahasrajapaH | payodadhyAjyavrIhibhirhomaH | p. 28) atha prakArAntareNa- namo bhagavate AMjaneyAya mahAbalAya svAhA | ayutaM japaH | tilairhomaH | atha zrIrAmamantraH | rAM rAmAya namaH 6 haM jAnakIvallabhAya svAhA 10 vA oM hrIM zrIM klIM aiM rAM 6 vA rAma 2 rAmacandra 4 rAmabhadra 4 rAmAya namaH 5 ete rAmamantrAH | zrIvAsudevamantraH | oM namo bhagavate vAsudevAya 12 | nArAyaNamantraH | oM namo nArAyaNAya 8 | zrIkRSNamantraH | klIM kRSNAya govindAya gopIjanavallabhAya svAhA 18 | oM namo bhagavate rukmiNIvallabhAya svAhA | 8 | klIM kRSNa klIM ete kRSNamantrAH | atha santAnagopAlamantraH | devakIsuta govinda vAsudeva jagatpate | dehi me tanayaM kRSNa tvAmahaM zaraNaM gataH | kAmadevamantraH | klIM 1 | atha kAmagAyatrI | kAmadevAya vidmahe puSpabANAya dhImahi tanno'nagaH pracodayAt 24 atha durgAmantraH | oM hrIM duM durgAyai namaH 8 | aSTalakSaM japaH | madhurAktatilairhomaH | atha mahiSamardinImantraH | mahiSAmardini svAhA | 8 | aSTalakSaM japaH tilairhomaH | p. 29) athAyaM durgAmaMtraH | oM durge durge rakSiNI svAhA | paJcalakSaM japaH | ghRtena homaH | zrIvindhyavAsinImantraH | oM uttiSTha puruSi kiM svapiSi bhaya me samupasthitam | yadi zakyamazakyaM vA tanme bhagavati zamaya svAhA | atha vAgIzvarImantraH | hIM vada vada vAgvAdinyai svAhA hrIM | dazalakSaM japaH | kamalaiH payombhyaktatilairvA madhurAktairhomaH | mantrAntaram | aiM namo bhagavati vada vada vAgdevi svAhA | aSTalakSaM japaH | ghRtAktatilairhomaH | atha zrIlakSmImantraH | zrIM 1 dvAdazalakSaM japaH | madhurAktakamalairdvAdazasahasraM homaH | mantrAntaram | aiM zrIM hrIM klIM | 4 dvAdaza lakSaM japaH | raktakamalairhomo dvAdazasahasram | mahAlakSmImantraH | oM aiM hrIM zrIM klIM hsauM jagatprasUtyai namaH | dvAdazalakSaM japaH | ghRtaiH zrIphalaiH kamalairayutadvayaM homaH | mantrAntaram | namaH kamalavAsinyai svAhA 10 daza lakSaM japaH | madhurAktakamalairhomaH | atha bhuvanezvarImantraH | hrIM 1 dvAtriMzallakSaM japaH | bhuvanezvaryAH | aiM hrIM zrIM | vA AM hrIM krIM | atha vyAsamantraH | vyAM vedavyAsAya namaH | atha vedavyAsamantraH | vyAM vedavyAsAya namaH 8 | atha zivamantraH | oM namaH zivAya 6 vA namaH zivAya 5 | mRtyuJjayamantraH | oM tryambakaM yajAmahe sugandhipuSTivardhanam | urvArukamiva bandhanAnmRtyormukSIyamAmRtAt | p. 30) atha mahAmRtyujjayamantraH | oM hauM oM jUM saH bhUrbhuvaH svaH tryambakaM yajAmahe sugandhiM puSTivardhanam | urvArukamiva bandhanAnmRtyormukSIyamAmRtAt bhUrbhuvaH svaroM jUM saH hauM oM | lakSaM japaH | madhuratrayAktairamRtAkhaNDairhomaH | atha vaTukabhairavamantraH | hrIM baTukAya ApaduddharaNAya kuru kuru baTukAya hrIM dvAviMzatilakSaM japaH | hariharamantraH | oM hrIM hauM zaMkaranArAyaNAya namaH hauM hrIM oM 16 | kuberamantraH | (1)yakSAya kuberAya vaizravaNAya dhanadhAnyAdhipataye dhanadhAnyasasRddhiM me dehi dApaya svAhA 35 | 3 | 4 | 5 | 8 | 8 | 7 SaDaGgam | atha nRsiMhamantraH | ugraM vIraM mahAviSNuM jvalantaM sarvatomukham | nRsiMhaM bhISaNa bhadraM mRtyumRtyuM namAmyaham || AM hrIM llauM kroM huM phaT 6 narasiMhasya | ekAkSaraH llauM 1 | vA llauM bhagavate narasiMhAya jvAlAmAline dIptadaMSTrAya agninetrAya sarvarakSoghnAya sarvabhUtavinAzAya sarvajvaravinAzanAya daha 2 paca 2 rakSa 2 hu phaT svAhA | nRsiMhamantro'yam | atha hayagrIvamantraH | hasUM (1) vA hasUM hayazirase namaH | 8 | atha cakrasudarzanamantraH | p. 31) oM sahasrArahu/ phaT | athAgniprAkAramaMtraH | oM trailokyaM rakSa rakSa hUM phaT svAhA | atha garuDamantraH | pakSirAjAya svAhA 7 | zrIgaMgAmantraH | aiM hili 2 mili 2 gaMge mAM pAvaya 2 svAhA | vA oM hili 2 mili 2 gaMge devi namaH zivAyai nArAyaNpai dazaharAyai gaM gAyai svAhA | vA namo bhagavati gAMgadayite namo hU/ phaT | maNikarNikAmantraH | oM maM maNikarNike praNavAtmike namaH | vA oM aiM hrIM zrIM klIM oM maM maNikarNikAyai namaH oM | atha mahAkAlImahAlakSmImahAsarasvatImantraH | aiM hrI klIM cAmuNDAyai viccai 9 navArNamantro'yam | atha kArtavIryamantraH | oM phroM crIM klIM bhrUM AM hrIM kroM zrIM huM phaT kArtavIryArjunAya namaH 20 | kArtavIryArjuno nAma rAjA bAhusahasravAn | tasya saMsmaraNAdeva hRtaM naSTaM ca labhyate | 32 | dhUmAvatImantraH | dhuM dhUmAvatyai svAhA | atha zarabhezvaramantraH | oM kheM khAM khaH phaT prANagrahAsi 2 hUM phaT sarvazatrusahAraNAya zarabhasAluvAya pakSirAjAya huM phaT svAhA 42 | varNasaMkhyAsahasrANi japaH | atha tAntrikanavagrahamantrAH | sUryasya- oM hrIM ghRNiH sUrya AdityaH zrIM | p. 32) candrasya- sauM somAya namaH | kujasya- oM hAM haM saH khaM khaH | budhasya- buM budhAya namaH | guroH- bRM bRhaspataye namaH | zukrasya- oM vastraM me dehi zukrAya svAhA | zaneH- oM SAM SIM SauM saH zanaizcarAya svAhA | rAhoH- oM cchAM cchIM cchoM saH rAhave svAhA | ketoH- au phAM phIM phauM saH ketubhyaH svAhA | atha maMgalAdiyoginImatrAH | maGgalAmantraH- hrIM maMgale maMgalAyai svAhA | piGgalAyAH- oM glauM piMgale vairikAriNi prasIda phaT svAhA | dhanyAyAH- zrIM dhanade dhanye svAhA | bhrAmaryAH- oM bhrAmari jagatAmadhIzvari bhrAmari klIM svAhA | bhadrikAyAH- oM bhadrike bhadraM dehi abhadraM nAzaya svAhA | ulkAyAH- oM ulke mama rogaM nAzaya jambhaya svAhA | p. 33) siddhAyAH- oM hrIM siddhe me sarvamAnaM saMsAdhaya svAhA | saGkaTAyAH- oM hrIM saGkaTe mama rogaM nAzaya svAhA | atha bhUtalipiH | paJcahrasvA sandhivarNA vyomezAgnijalandharAH | antyamAdyaM dvitIyaJca caturthaM madhyamaM kramAt || paJcavargAkSarANi syurvAntaH zvetendubhiH saha | eSA bhUtalipiH proktA dvicatvAriMzadakSaraiH || evaM japaM purA kRtvA tejorUpaM samarpayet | devasya dakSiNe haste kuzapuSpArghavAribhiH || zaktipakSe vAmahaste samarpayet | tato mantrajapaH kAryaH | bhUtalipimantraH | a i u R lRR e ai o au ha ya va ra la Ga ka kha gha ga Ja ca cha ja jha Na Ta Tha Dha Da na ta tha da dha da ma pa pha bha ba za Sa sa 42 | atha gAyatryo likhyate | viSNoH- trailokyamohanAya vidmahe kAmadevAya dhImahi | tanno viSNuH pracodayAt | gopAlasya- kRSNAya vidmahe dAmodarAya dhImahi | tanno viSNuH pracodayAt | kAmadevasya- kAmadevAya vidmahe puSpabANAya dhImahi | tanno'naGgaH pracodayAt | rAmasya- dAzarathaye vidmahe sItAballabhAya dhImahi tanno rAmaH pracodayAt | rudrasya- tatpuruSAya vidmahe mahAdevAya dhImahi tanno rudraH pracodayAt | p. 34) nArAyaNasya- nArAyaNAya vidmahe vAsudevAya dhImahi | tanno viSNuH pracodayAt | kArtavIryagAyatrI- kArtavIryAya vidmahe mahAvIryAya dhImahi | tanno'rjunaH pracodayAt | nRsiMhasya- oM nRsiMhAya vidmahe vajranakhAya dhImahi | tanno nRsiMhaH pracodayAt | iti nRsiMhagAyatrI | sUryasya- AdityAya vidmahe mArtaNDAya dhImahi | tannaH sUryaH pracodayAt | zakteH- sarvasammohinyai vidmahe vizvajananyai dhImahi | tannaH zaktiH pracodayAt | tvaritAyAH- tvaritAdevi vidmahe nityAyai dhImahi | tannI devI pracodayAt | bAlAyAH- aiM vAgIzvaryai vidmahe klIM kAmezvari dhImahi | sauH tannaH zaktiH pracodayAt | tripurasundaryAH- aiM tripurAdevi vidmahe klIM kAmezvari dhImahi sauH tannaH klinne pracodayAt | durgAyAH- ramAdevyaiH vidmahe durgAyai dhImahi tanno durgA pracodayAt | mahAlakSmyAH- mahAlakSmyai vidmahe mahAzriyai dhImahi | tannaH zrIH pracodayAt | chinnamastAyAH- vairocanyai vidmahe chinnamastAyai dhImahi tanno devI pracodayAt | kAlikAyAH- kAlikAyai vidmahe zmazAnavAsinyai dhImahi tanno devI pracodayAt | p. 35) atha gAyatrIdhyAnam | udyadAdityasaGkAzAM pustakAkSakarAM smaret | kRSNAjinadharAM brAhmIM dhyAyettArAGkitembare || madhyAhne- zyAmavarNAJcaturbAhuM zaMkhacakralasatkarAm | gadApadmadharAM devIM sUryAsanakRtAzrayAm || sAyAhne- zuklAM zuklAmbaradharAM vRSAsanakRtAzrayAm | trinetrAM varada pAzaM zUlaM narakaroTikAm || sUryamaNDalamadhyasthAM dhyAyandevIM samabhyaset | atha yantra lekhanasidhyarthaM svarNAkarSaNabhairavamantraH || oM aiM klIM klUM hrAM hrIM hUM saH haM ApAduddhAraNAya ajAmalabaddhAya lokezvarAya svarNAkarSaNabhairavAya mama dAridryavidveSaNAya | oM zrIM mahAbhairavAya namaH | asya svarNAkarSaNabhairavamantrasya caturmukho muniH | paGkticchandaH svarNAkarSaNabhairavo devatA dAridryanivRttaye jape viniyogaH 9 || 8 || 12 || 7 || 10 || 10 || erbhirvarNaiH SaDaGganyAsaH | atha dhyAnam | pArijAtadrukAntArasthite mANikyamaNDape | siMhAsanagataM dhyAyedbhairavaM svarNadAyinam || gAMgeyapAtraM DamaruM trizUlaM varaM karaiH sandadhataM trinetram | devyA yutaM taptasuvarNavarNaM svarNAkRSaM bhairavamAzrayAmaH || lakSaM japaH pAyasena homaH || zaive pIThe aMgadikpAlahetibhiryajet | siddhaM manuM japennityantrizataM maNDalAvadhi | dAridryaM dUramutkSipya jAyate dhanadopamaH || japAdibhirmanau siddhe tantraughaH siddhimApnuyAt | suvarNamedhate gehe naivAreH syAtparAbhavaH || iti | p. 36) atha hanumanmAlAmantraH | oM aiM zrIM hrAM hrIM hUM hsphreM khphreM hsrauM hskhphreM hsauM oM namo hanugate prakaTaparAkrama AkrAntadiGmaNDala yazovitAnadhavalIkRtajagattritayavajradeha jvaladagnisUryakoTisamaprabha tanUruha rudrAvatAra laMkApurIdahanodadhilaMghana dazagrIvaziro'ntaka kRtasItAzvAsana vAyusutAJjanIgarbhasambhUtazrIrAmalakSmaNAnandakara kapisainyaprAkAra sugrIvasakhyakAraNa vAlinibarhaNakAraNa droNaparvatotpATakAzokavanavidAraNAkSakumAracchedana vanarakSAkarasamUhavibhaJjana brahmAstrabrahmazaktigrasana lakSmaNazaktibhedanivAraNa vizalyauSadhIsamAnayana bAloditabhAnumaNDalagrasana meghanAdahomavidhvaMsana indrajidvadhakAraNa sItArakSakarAkSasIsaMghavidAraNa kumbhakarNAdivadhaparAyaNa zrIrAmabhaktitatpara samudravyomadrumalaMghana mahAsAmarthya mahAtejaHpuJjavirAjamAna svAbhivacanasampAditArjunasaMyugasahAya kumAra brahmacArin gambhIrazabdodayadakSiNAzAmArttaNDa meruparvatapIThikArcana sakalamantrAgamAcArya mama sarvagrahavinAzana sarvajvaroccATana sarvaviSanAzana sarvapattinivAraNa sarvaduSTanibarhaNa sarvavyAghrAdibhayanivAraNa sarvazatrUcchedana mama parasparatribhuvanapuMstrinapuMsakAtmakaM sarvajIvajAta vazaya vazaya mamAjJAkArakaM sampAdaya sampAdaya nAnAnAmadheyAn sarvAn rAjJaH saparivArAn mama sevakAn kuru kuru sarvazastrAstraviSANi vidhvaMsaya vidhvaMsaya hrAM hrIM hUM hAM ehyehi hsauM hskhphreM hsauM khphreM hsphreM sarvazatrUn hana hana parabalAni parasainyAni kSobhaya kSobhaya mama sarvakAryajAtaM sAdhaya sAdhaya sarvaduSTadurjanamukhAni kIlaya kIlaya dhe 3 hA 3 huM 3 phaT 3 svAhA 588 zrIhanumato mAlAmantro'yam | atha mantragrahaNavidhiH | prathamataH svastivAcanaM kRtvA ziSyaH saGkalpaGkuryAt | kuzatrayatilayavajalAnyAdAya- oM adyAmuke mAsyamuke pakSe'mukatithAvamukotrA'mukazarmAhaM p. 37) pUrvajanmopArjitajJAnAjJAnakRtasakalapApakSayapUrvakasarva- janAhlAdakatvavimalabuddhiputrapautradhanadhAnyakalyANanAnAvidhaka- vitvasakalazAstrabodhasukhasaumanasyasveSTamantrasiddhikAmanayA zrImadamukadevatAmukamantragrahaNAMgabhUtagaNapatyAdipaJca- devatAdazadikpAlanavagrahapUjanapUrvakakalazasthApanamahaGkariSye | iti saGkalpaM kRtvA vedyupari dhAnyarAzau paJcapallavapaJcaratnauSadhiyuktaM zrIkalazaM sthApayet | tatra paJcapallavAH- cUtAzvatthanyagrodhodumbaraplakSAH | paJcaratnam- kanakaM 1 kulizaM 2 nIlaM 3 padmarAgaM 4 ca mauktikam 5 | saptamRttikAH- azvasthAnAdgajasthAnAdbalmIkAtsaMgamAddhradAt | rAjadvArAdgokulAcca mRdamAnIya niHkSipet || saptadhAnyAni- vrIhayo 1 yava 2 godhUmA 3 mASa 4 mudga 5 priyaGgavaH 6 | zyAmAkaM 7 saptamaM proktamityevaM dhAnyasaptakam || tatra sthApanamantrAH | tatrAdau bhUmisparzamantrAH- oM bhUrasi bhUmirasyaditirasi vizvadhAyA vizvasya bhuvanasya dhatrIM pRthivIM yaccha pRthivIM dR/ ha pRthivImAhi/ sIH | iti bhUmisparzaH | atha gomayasparzaH- oM mAnastoke tanaye mAna AyuSi mAno goSu mAno' azveSu rIriSaH | mAnovIrAn rudrabhAmino'vadhIrhaviSmantaH sadamitvAhavA mahe | iti gomayamantraH | oM dhAnyamasi dhinuhi devAnprANAya tvodAnAyatvA vyAnA p. 38) yatvA dIrghAmanuprasiti mAyuSedhAndevo vaH savitA hiraNyapANiH pratigRhNAtvacchidreNa pANina cakSuSe tvAmahInAM pAyosi | iti mantreNa dhAnyapuJje kalazaM sthApayet | atha kalazasparzaH | oM AjighrakalazaM mahyAtvAvizantvindavaH | punarUrjAnivarttasva zAnaH sahasraM dhukSvorudhArApayasvatI punarmAvizatAdrayiH | iti kalazasparzaH | atha kalaze jalaM dadyAt | oM varuNasyottambhanamasi vvaruNasya skambhasarjanIstho varuNasya Rtasadanyasi varuNasya Rtasadanamasi varuNasya RtasadanamAsIda | iti jalaM dadyAt | atha kalazakaNThe vastradhAraNam | vasoH pavitramasi zatadhAraM vasoH pavitramasi sahasradhAram | devastvA savitA punAtu vasoH pavitreNa zatadhAreNa suSvAkAmadhukSaH iti mantreNa vastraM dadyAt | atha pUgIphalaM dadyAt | oM yAH phalinIryA aphalA apuSpA yAzca puSpiNIH | vRhaspatiprasUtAstAno muJcatva/ hasaH | iti pUgIphalam | atha sparzAdikam | oM hiraNyagarbhaH samavartatAgre bhUtasya jAtaH patireka AsIt | sadAdhArapRthivIM dyAmute mAM kasmai devAyahaviSAvvidhema | iti svarNAdikaM dadyAt | atha paJcaratnam | kanakaM kulizaM nIlaM 3 padmarAgaJca 4 mauktikam 5 | etAni paJca ratnAni kalaze prakSipedbudhaH | p. 39) oM parivAjapatiH kaviragnirhavyAnyakramIt | dadhadratnAni dAzuSe | iti paJcaratnaM dadyAt | athAmrapallavadAnam | oM azvatthe vo niSadanaM parNe vo vasatiSkRtA | gobhAja itkilAsathayatsanavathapUruSam | oM ambe ambike ambAlike namAnayati kazcana | sazatyazvakaH subhadrikAM kAMpIlavAsinIm | iti mantradvayenAmrapallavaM dadyAt | atha sarvauSadhIdAnam | oM yA oSadhIH pUrvA jAtA devebhyastriyugaM purA manaunuvabhrUNA maha/ zataM dhAmAni sapta ca | iti sarvauSadhIdAnam | atha saptamRttikAdAnam | syonA pRthivi no bhavAnnRkSarAnivezanI | yacchAnaH zarmasaprathAH | iti saptamRttikAH | atha dUrvAdAnam | kANDAtkANDAtprarohantIparuSaH paruSaspari | evAnodUrve pratanusahasreNa zatena ca | iti dUrvA | tato gandhaM dadyAt | gandhadvArAM durAdharSAM nityapuSTAM karISiNIm | IzvarIM sarvabhUtAnAntAmihopahvaye zriyam | iti gandhaM dadyAt | atha taNDulapUrNapAtrasthApanam | oM pUrNAdarvi parApata supUrNA punarApata | vasnevavvikrINA vahA iSamUrja/ zatakrato iti pUrNapAtraM kalazopari sthApayet | atha dIpaM nyaset | oM agnirjyotirjyotiragniH svAhA sUryo jyotirjyotiH sUryaH svAhA agnirvarco jyotirvarcaH svAhA sUryo varco jyotirvarcaH svAhA jyotiH sUryaH sUryo jyotiH svAhA | iti doSaM nyaset | p. 40) atha kalazapratiSThA | oM manojUtirjuSatAmAjyasya bRhaspatiryajJamimaM tanotvariSTaM yajJa/ samidandadhAtu | vizvedevA sa iha mAdayantAmoM pratiSTha 3 iti kalazaprANapratiSThAM kRtvA tatra kalaze svasvamantreNa gaNezavaruNau pUjayet | tato brahmannihAgaccha iha tiSThetyAvAhya paJcopacAraiH sampUjayet | tato guruM pUjayet | tataH zaMkhasthApanaM kuryAt | tadyathA svavAmabhAge trikoNaM vilikhya | oM hrIM AdhArazaktaye nama iti sampUjya tatrAdhAraM saMsthApya mama iti sampUjya trikoNaM zuddhodakenAbhyukSya mandazakalAtmane vahnimaNDalAya nama iti gandhapuSpAkSatairarghyapAtraM sampUjya zrImadamukadevatArghyapAtraM sthApayAmIti saMsthApya | oM arka maNDalAya dvAdazakalAtmane arghyapAtrAya nama iti sampUjya mUlaM vilomamAtRkAJca paThan kSaM haM saM SaM zaM vaM laM raM yaM maM bhaM baM phaM paM naM dhaM daM thaM taM NaM DhaM DaM ThaM TaM JaM jhaM jaM chaM caM GaM ghaM gaM khaM kaM aH aM auM oM aiM eM lRRM lRM RRM RM UM uM IM iM AM aM zuddhodakairarghyapAtramApUrya saM somamaNDalAya SoDazakalAtmane nama iti sampUjya oM gaGge ceti kromityaGkuzamudrayA tIrthAnyAvAhya phaDiti saMrakSya humityavaguNThya zamiti zaGkhamudrAM vamiti dhenumudrAM pradarzya matsyamudrayA AcchAdya mUlamaSTadhA prajapya tenodakenAtmAnaM pUjopakaraNaM ca siJcayet | tataH kuzakaNDikAM kRtvA homaM kRtvA saGkalpaM kuryAt ziSyaH kuzatrayayavajalAnyAdAya | oM adyetyAdyamukagotro'mukazarmA pUrvajanmopArjitasakala- pApakSayapUrvakasarvajanAhlAdakatvavimalabuddhi putrapautradhana- kalyANanAnAvidhakavitvasarvazAstrabodhasukhasaumanasyaprAptikAma- nayA zrImadamukadevatA'mukamantragrahaNamahaM kariSye | iti saGkalpaM kRtvA zrIguruvaraNaM kuryAt | p. 41) adyetyAdi amukagotramamukazarmANaM brAhmaNamebhiH puSpacandanAkSatayajJopavItatAmbUlavAsoyugalAlaGkArairgurutvena tvAmahaM vRNe | vRtosmIti prativacanam | yathAvihitaM karma kuru | karavANi | tataH zaMkhadUrvAkSatacandanAni ziSyazirasi dhRtvA mAtRkAnyAsaM vidhAya mUlamantraM manasA prajapan abhiSiJcet | tataH ziSyaH kRtabhUtazuddhimAtRkAnyAsaH | tato guruH ziSyadehe kalAnyAsaM kuryAt | tadyathA- pAdatalAjjAnuparyantaM oM nivRttyai namaH | nAnuno nAbhipar- yantaM oM pratiSThAyai namaH | nAbherAkaNThaM oM vidhAyai namaH | kaNThAdAlalATaM oM zAntyai namaH | lalATAdbrahmarandhrAntaM oM zAntyatItAyai namaH | punarbrahmarandhrAdAlalATaM oM zAntyatItAyai namaH | lalATAdAkaNThaM oM zAntyai namaH | kaNThAnnAbhiparyantaM oM vidyAyai namaH | nAbherjAnuparyantaM oM pratiSThAyai namaH | janunoH pAdaparyantaM oM nivRttyai namaH | tataH ziSyaH zirasi mUlaM prajapya punaH ziSyazirasi hastaM dattvA aSTottarazatamantraM prajapya mantramudakapUrvakaM dadyAt | avayostulyaphalado bhavatu ityanena tato dadasveti ziSyo brUyAt | tadA dakSakarNe striyo vAmakarNe guruH trivAraM mantraM dadyAt | tataH ziSyaH zatadhA aSTadhA vA mantra japet | gurumantradevatAnAmaikyaM sambhAvayat gurucaraNe daNDavatpraNamet | tato gururvadet | uttiSTha vatsa muktosi samyagAcAravAnbhava | kIrtiH zrIkAntiratulA balArogyaM sadAstu te || iti ziSyaM gururutthApayet | tataH ziSyaH sakuzatilajalAnyAdAya | oM adya kRtaitadamukamantragrahaNapratiSThArthamidaM svarNamamukagotrAyAmukazarmaNe p. 42) gurave dakSiNAM tubhyamahaM sampradade | zarIramarthaM prANAMzca sarvaM tasmai nivedayet | tato brAhmaNebhyo yathAzakti dakSiNAM dadyAditi mantragrahaNavidhiH || atha caturthadivase rAtrau caturthIkarma kuryAt | tadyathA- tatra ziSyaH kRtabhUtazuddhiprANAyAmaH | aSTadalapadme kalazaM saMsthApya paJcadevatAviSNupUjAM kRtvA kuzatrayatilajalAnyAdAya saGkalpaM kuryAt | oM adyetyAdyamukagotro'mukazarmAmukadevatAmukamantra- grahaNAGgahomakarmAdikRtAkRtAvekSaNarUpamamukagotramamuka- zarmANaM brAhmaNamebhiH puSpacandanatAmbUlAkSatayajJasUtra- dravyavAsobhirhotRtvena tvAmahaM vRNe iti varaNaM dattvA homaM kuryAt | tadyathA- tatrAdau kuNDaM sthaNDilaM vA hastamAtraM kRtvA kuNDasyaizAnyAM dizi sthApitaghaTe sveSTadevatAmAvAhya pUjayet | tataH kuNDaM sthaNDilaM vA mUlena nirIkSya phaDiti santADya punaH phaDiti prokSya huMkAreNAbhyukSaNaM kuryAt | tato mUlamuccArya kuNDAya namaH sthaNDilAya namo veti gandhapuSpAbhyAM sampUjya homavedyAM prAgagrA udagagrAzca tisro rekhAH kAryAH | prAgagrarekhAsu oM mukundAya namaH | oM IzAnAya namaH | oM purandarAya namaH | udagagrarekhAsu oM brahmaNe namaH | oM vaivasvatAya namaH | oM indave namaH | iti prAdakSiNyena gandhapuSpAbhyAM pUjayet | tripurasundarIpakSe tu | aiM hrIM zrIM aiM klIM sauM mukundAya namaH | aiM hrIM zrIM aiM klIM sauM IzAnAya namaH | ityAdikrameNa SaTsu rekhAsu pUjayet | tato hopayantrakuNDamadhye sthaNDilaM vA trikoNaM tadbahirbRttamaSTadalaM tatazcaturdvArayuktaM bhUmandiraM vilikhya tadupari mUlena puSpAJjaliM dadyAt | sundarIpakSe | aiM klIM sauM p. 43) iti puSpAJjaliM dadyAt | tato homadravyaM praNavenAbhyukSya vahniyoga pIThamarcayet | yathA yantramadhye oM AdhArazaktaye namaH | evaM prakRtyai kUrmAya anantAya pRthivyai kSIrasamudrAya zvetadvIpAya maNimaNDapAya kalpavRkSAya maNivedikAyai ratnasiMhAsanAya | tato'gnyAdikoNacatuSTayeSu dharmAya jJAnAya vairAgyAya aizvaryAya | pUrvAdicaturdikSu adharmAya ajJAnAya avairAgyAya anaizvaryAya praNavAdinamontena pUjayet | madhye a/ anantAya paM padmAya a/ sUryamaNDalAya dvAdazakalAtmane namaH | oM somamaNDalAya SoDazakalAtmane namaH | maM vahnimaNDalAya dazakalAtmane namaH | tataH pUrvAdikesareSu madhye ca oM pItAyai oM zvetAyai | oM aruNAyai | oM kRSNAyai | oM dhUmrAyai | oM tIvrAyai | oM sphuliGginyai | oM rucirAyai | oM jvAlinyai namaH iti pUjayet | madhye ratnAsanAya iti pUjayet | tato vAgIzvarIM dhyAyet | vAgIzvarImRtusnAtAM nIlendIvaralocanAm | vAgIzvareNa saMyuktAM dhyAtvA | vAgIzvaravAgIzvarIbhyAM namaH | iti mantreNa paMcopacAraiH sampUjayet | sundarIpakSe tu kAmezvarIM dhyAtvA pUjayet | tataH sUryakAntAdisambhUtaM zrotriyagehajaM vA vahnimAnIya vahniM vaSaDantena mUlenAvalokayet | phaTkAreNAvAhayet | tataH oM vahneryAgapIThAya namaH | iti sampUjya caturdikSu oM vAmAyai namaH | oM jyeSThAyai namaH | oM raudryai namaH | oM ambikAyai namaH iti pUjayet | tato malamuccArya amukadevatAkuMDAya namaH | sthaNDilAya namo veti sampUjya vAgIzvarIM tattaddevatArUpAmRtumatIM dhyAyet | sundarIpakSe kAmezvarIm | tatoM ramityuccArya tasmAtkiJcidbahniM samuddhRtya mUlaM hUM phaT kravyAdibhyaH svAhA | iti kravyAdAM zam | nair-RtyakoNe tyajet | tato mUlena vIkSaNaM kRtvA phaDiti tADanaM phaDiti prokSaNam | huMkAreNAbhyukSaNaM phaTkAreNAstramudrayA saMrakSaNam | humityavaguNThya dhenumudrayA mRtIkRtya vahnipAtraM bAhubhyAmuddhRtya kuMDopari triH paribhrAmya jAnuspRSTamahItale p. 44) zivavIryabuddhyA devyAyonAvAtmanobhimukhaM kuNDe niHkSipet tato hrIM vahnimUrtaye namaH iti sampUjya raM vahnicaitanyAya namaH | iti vahnau caitanyaM saMyojya | oM citpiGgalahana2 daha 2 paca 2 parvajJAjJApaya svAhA | iti mantreNAgniM jvAlayet | tataH agniM prajvalitaM vande jAtavedasaM hutAzanam | suvarNavarNamamalaM samiddhaM vizvatomukhamityagnimupatiSThet | agnetvamamukadevatAnAmAsi iti nAmakaraNaM kRtvA sampUjya | oM vaizvAnarajAtaveda ihAvaha lohitAkSa sarvakarmANi sAdhaya svAhA | iti puSpAJjaliM dadyAt | tata ete gandhapuSpe oM agnerhiraNyAdisaptajihvAbhyo namaH | evaM sahasrArciSe hRdayAya namaH | ityagniSaDaGgebhyo namaH | oM agnaye jAtavedase ityAdyagnyaSTamUrtibhyo namaH evaM brahmyAdyaSTazaktibhyo namaH evaM padmAdyaSTanidhibhyo namaH evaM indrAdidazadikpAlebhyo namaH | oM vajrAdyastrebhyo nama iti pUjayet | tataH prAdezamAtraM kuzadvayaM ghRtamadhye niHkSipya vAmadakSiNamadhyamAgeSu | iDAM piGgalAM suSumNAM dhyAtvA homaM kuryAt | mUlAtSaDaGgulaM tyaktvA caturaGgulameva ca | prakoSThe mUlamAcchAdya dhArayecchaGkhamudrayA || hIyate yajamAno vai sruvamUlasya darzanAt | tasmAtsagopayenmUlaM homakAle sruvasya ca || agre vyAdhikaraM proktaM madhye zokakaraM matam | mUle hAnikaraM proktaM sruva sandhArayetkatham || vedAMgulaM parityajya agre ca bahniraSTakam | vedAGgulantu tanmadhye dhArayecchaMkhamudryA | yathA sruveNa dakSiNabhAgAdAjyaM gRhItvA oM agnaye svAhA | ityagnidakSiNanetre juhuyAt | tato vAmabhAgAdAjyaM gRhItvA | oM somAya svAhA iti vAmanetre juhuyAt | tato madhyabhAgAdAjyaM gRhItvA | oM agnisomAbhyAM svAhA | iti lalATe juhuyAt punardakSiNato ghRtaM gRhItvA | oM agnaye sviSTakRte svAhA ityagnimukhe juhuyAta | p. 45) tato vyAhRtihomaH | oM bhUH svAhA | oM bhuvaH svAhA | oM svaH svAhA | oM vaizvAnarajAta veda ihAvaha lohitAkSa sarvakarmANi sAdhaya svAhA | iti mantreNa vAratrayaM juhuyAt | tato'gnau | oM pIThadevatAbhyo namaH | iti gandhapuSpAbhyAM sampUjya devatAmukhe mUlamantreNa paJcaviMzativAraM juhuyAt | punarmUlamantreNa ekAdazavAraM hutvA saGkalpaM kuryAt | adyetyAdi amukagotraH zrIamukadevazarmA sveSTadevatAprIti- kAmaH amukamantreNAmukadravyairaSTottarazataparimitahomakarmAhaM kariSye | tato yathAsaMkhyAkaM homaM kRtvA mUlamuccArya svAhetyanena homaM samApyAvaraNadevatAnAmAhutiM dattvA mUlena pUrNAhutiM dadyAt | tataH saMhAramudrayA devatAM svahRdayamAnIya kSamasveti visarjya dakSiNAndadyAt | adyetyAdikRtaitadamukadevatAdIkSAMgahomakarmaNaH pratiSThArthaM dakSiNAmidaM kAJcanaM sveSTadevatAyai dAtumahamRtsRje iti dakSiNAM kRtvA gurave dadyAt | tata aizAnyAM dizi dadhi kSiptvA vasudhe tvaM zItalA bhaveti nivedayet | tataH sruvalagnaM bhasmaM lalATAdiSu dhArayet | tato brAhmaNabhojanam | vastrAbharaNAdibhiH svaguruM santoSayediti saMkSepadIkSAprakAraH samAptaH | zrIrastu zubhamastu | atha dhAraNayantrasaMskAravidhiH | svasvakalpoktadravyeNa yantraM vilikhya paTTasUreNa tantunA vA saMveSTya paMcagavyena prakSAlya paJcAmRtena ca prakSAlya gandhodakena prakSAlanaM kuryAt | tato yantrarAjAya vidmahe mahAyantrAya dhImahi tanno yantraH pracodayAditi gAyatryA aSTottarazataM yantramabhimantrayet | tato yantradevatA pIThatvena yantraM dhyAtvA pAtre saMsthApya tadupari sveSTamAvAhya sampUjya mUlamaSTottarasahasraM cASTottarazataM vA prajapet | tato homaM kRtvA homasampAtAjyaM yantre dattvA homaM samApya dakSiNAM dadyAt | homAzaktau dviguNAdijapaM kuryAta | tataH svarNAdibaddhaM p. 46) yantraM zubhadine vidhAya tadupari prANapratiSThAmantreNa AM hrIM kromityAdinA prANapratiSThAMkRtvA kaMThAdiSu dhArayediti yantrapratiSThAvidhiH | atha mAlAsaMskAraH | tannityatA yAmale- apratiSThitamAlAbhirmantraM japati yo naraH | tat sarvaM niSphalaM vidyAtkruddhA bhavati devatA || sanatkumArIye- karpAsasambhavaM sUtraM dharmakAmArthamokSadam | tacca viprendrakanyAbhirnnirmitaJca suzobhanam || tacca zaktiviSayaM raktam | vaiSNavaM pItam | zaive zvetaM grAhyam | tatkRtyamAha- triguNaM triguNIkRtya granthayecchilpazAstrataH | ekaikaM mAtRkAvarNaM satAraM prajapan sudhIH || maNimAdAya sUtreNa granthayenmadhyamadhyataH | brahmagranthiM vidhAyetthaM meruJca granthisaMyutam || azvatthapatranavakaiH padmAkArantu kalpayet | tanmadhye sthApayenmAlAM mAtRkAM mUlamuccaran || kSAlayetpaJcagavyena sadyo jAtena sajjalaiH | candanAgurugandhAdyairvAmadevena gharSayet || dhUpayettAmaghoreNa tatpuruSeNa lepayet | mantrayetpaJcamenaiva pratyekaM tu zataM zatamiti || atha prathamataH triguNaM triguNIkRtya mAlAM granthayet | sapraNavamAtRkAvarNaM prajapan maNimAdAya ekasya mukhe dvitIyasya mukhaM saMyojya tasya pucche dvitIyasya pucchaM kRtvA navatantukaguNena graMthayet | tAGgopucchAkArAM vA sarpAkArAM nirmAya navAzvatthapatrapadme saMsthApya saMkalpaM kuryAt | p. 47) oM adyetyAdyamukagotromukazarmA sveSTamantrasiddhikAmo'mukadevatAmAlAsaMskAramahaM kariSye | tadaGgatayAgaNapatyAdipUjanamahaM kariSye | tataH samUlamAtRkAmuccaran puTakasthAyAM mAlAyAM paJcagavyaM kSipet | mUlaM aM mUlaM AmUlamityAdinA | tataH sadyo jAtamantreNa svacchajalaiH kSAlayet | mantrastu | oM sadyo jAtaM prapadyAmi sadyojAtAya vai namaH | bhave bhave nAtibhave bhavasva mAM bhavodbhavAya namaH | tato vAmadevamantreNa gandhAdyairlepayet | mantrastu oM vAmadevAya namo jyeSThAya namo rudrAya namaH kAlAya namaH kAlavikaraNAya namo balAya namo balapramathanAya namaH sarvabhUtadamanAya namo namonmanAya namaH | tato'ghoramantreNa tAndhUpayet | mantrastu | oM aghorebhyotha ghorebhyo'ghoraghoratarebhyaH | sarvebhyaH sarvasarvebhyo namastestu rudrarUpebhyaH | tataH tatpuruSamantreNa lepayet | mantrastu | oM tatpuruSAya vidmahe mahAdevAya dhImahi | tanno rudraH pracodayAt | tataH paJcamamantreNa pratyeka maNiM zataM zataM mantrayet | merumapi mantrayet | paJcamamantrastu | oM IzAnaH sarvavidyAnAmIzvaraH sarvabhUtAnAM brahmAdhipatirbrahmA zivo me'stu sadA zivom | pratyekaM tu sakRdvA | vA samudAyamAlAmadhikRtya tena paJcamamantreNa mAlAyAM zatavAraM japaM kuryAt | tato mAlAyAmAvAhanASTamudrApradarzanapuraHsaraM devatAmAvAhya mUlena tAM sampUjya mAlAyAH prANapratiSThAM kuryAt | AM hrIM kroM ya raM laM vaM zaM SaM saM hrIM oM kSaM saM ha saH hrIM oM ha saH | amukadevatAmAlAyAH praNA iha prANAH AmityAdi 20 amukadevatAmAlAyAH sarvendriyANi Amityadi 20 amukadevatAmAlAyA vAGganazcakSuHzrotraghANaprANA ihAgatya sukhaM cirantiSThantu svAhA | oM kSaM saM haM saH hrIM oM p. 48) iti mantreNa prANapratiSThAM vidhAya vyutkramarItyA pratyekaM maNiM spRzan mUlamantraM sakRjjapet | savindumekaikamAtRkAvarNaJca japet | tataH saMskRtavahnAvaSTottarazataparimitihomaM kRtvA sampAtAjyaM mAlAyAM kSipet | homAzaktau SoDazottarazatadvayasaMkhyAkajapaM tayA mAlayA kRtvA mUlena tAM pUjayitvAJjaliM badhvA mantraM paThet | tvaM mAle sarvalokAnAM sarvasiddhipradA matA | tena satyena me siddhiM dehi mAtarnnamostu te | iti praNamya devatAvisarjanaM kuryAt | tataH kastUrIkuMkumAdinA suvAsitAM mAlAM kRtvA yatnena gopayediti mAlAsaMskAraH || atha mAlAnirNayaH | padmabIjAdibhirmAlA vacmi jAye zRNuSva tAH | rudrAkSazaGkhapadmAkSapUtraJjIva kamauktikaiH || sphATikairmaNiratnaizca sauvarNairvidrumaistathA | rAjataiH kuzamUlaizca gRhasthasyAkSamAlikA || aMgulIgaNanAdekaM parvaNyaSTaguNaM bhavet | putraJjIvaiH zataguNaM zataM zaMkhaiH sahasrakam | prabAlairmaNiratnaizca dazasAhasrakaM smRtam | tadeva sphATikaiH proktaM mauktikairlakSamucyate || padmAkSairdazalakSaM syAtsauvarNaiH koTirucyate | kuzagranthyA koTizataM rudrAkSaiH syAdanantakam || padmAkSai racitA mAlA zatrUNAM nAzakAriNI | kuzagranthimayI mAlA sarvapApapraNAzinI || p. 49) putraJjIvaphalaklRptA kurute putrasampadam | prabAlairvihitA mAlA prayacchedvipulaM dhanam || tripurAmantrajapAdau raktacandanabIjAdibhiratizastA | gaNezajapepi raktacandanamAlA prazastA || vaiSNave tulasImAlA gajadantairgaNezvare | tripurAyA jape zastA rudrAkSaistu ca candanaiH || akArAdikSakArAntA akSamAlA prakIrtitA | kSArNaM merumukhaM tatra kalpayenmunisammatam || paJcAzanmaNibhirmAlA vihitA sarvakarmasu | kAmyAmapi kare kuryAnmAlAbhAve tu sundari || atha karamAlA | anAmyA madhyamArabhya kaniSThAdita eva tu | tarjanImUlaparyantaM dazaparvasu saJjapet | etacca gopAlaviSayam | atha zakteH karamAlA | parvadvayamanAmAyAH parivartena vai kramAt | parvatrayaM madhyamAyAstarjanyekaM samAharet || zaktimAlA samAkhyAtA sarvatantrapradIpikA | zrIvidyAyAM vizeSaH || anAmAyA madhyamAyAzca mUlAgrAcca dvayaM dvayam | p. 50) kaniSThAyAzca tarjanyAstrayaM parva surezvari || anAmAyA madhyamAyAzca meruH syAddvitayaM zubhe | pradakSiNyakrameNaiva japet tripurasundari || iti yAmalIyAt | aGgulyagre ca yajjaptaM yajjaptaM merulaGghane | parvasandhiSu yajjaptaM tatsarvaM niSphalaM bhavet || japasaMkhyA tu kartavyA nAsaMkhyAtaM japetsudhIH | prasaMkhyAkArakasyAsya japo bhavati niSphalaH || hRdaye hastamAropya tiryakkRtvA karAGgulIH | AcchAdya vAsasA hastaM dakSiNena sadA japet || aGgulIrna vimuJcIta kiJcidAkuJcitena ca | aGgulInAM viyogAcca cchidre ca sravate japaH || kAmanAbhede tvaGgulIniyamaH | tarjanyaGguSThayogena zatrUccATanakArakam | aGguSThamadhyamAyogAnmantrasiddhiH sunizcalA || aGguSThAnAmikAyogAduccATotsAdane mate | jyeSThAkaniSThayogena zatrUNAM nAzanaM matam || jIrNe sUtre punaH sUtre granthayitvA zataM japet | pramAdAtpatite hastAcchatamaSTottaraM japet || japenniSiddhasaMsparze kSAlayitvA yathocitam | cchinnepyaSTottarazatajapaH | chinnakarabhraSTayostulyatvAt | athAsananiyamaH | kAmyArthaM kambalaM caiva zreSThaM tadraktakambalam | kRSNAjine jJAnasiddhirmokSaH zrIrvyAghracarmaNi || kuzAsane mantrasiddhirnnAtra kAryA vicAraNA | dharaNyAM duHkhasambhUtirdaurbhAgyaM dArujAsane || vaMzAsane tu dAridryaM pASANe vyAdhipIDanam | p. 51) tRNAsane yazohAniH pallave cittavibhramaH || japadhyAnatapohAniM vastrAsanaM karoti ca | atra vastrAsanaM kevalavastraM niSiddham | vastrAsanaM rogaharamiti viziSTaphalajanakatvavidhAnAt | cailAjinakuzottaramiti bhagavadvacanAcca | itizrImanmaithilajIvanAthakRtaSaTcakravivaraNadIkSAvidhAna- mantrasaMgrahamAlAsaMskArAdividhAnaM sampUrNam | paJcadevatAH | gaNezaviSNusUryadurgAzivAH | paJca ca lokapAlAH | gaNezazcAmbikAvAyurAkAzaM cAzvinau tathA | grahANAmuttare paJca lokapAlAH prakIrtitAH || indro'gnizca yamazcaiva nir-RtirvaruNastathA | vAyuH somazca girizaH pannago navamaH smRtaH || brahmA pUrvAditaH sarve dikpAlAH samudIritAH | vajrazaktirdaNDakhaDgau pAzo'Gkuzagade api || trizUlapadmacakrANi tadastrANi vidurbudhAH | SoDaza mAtRkAH | gaurI 1 padmA 2 zacI 3 medhA 4 sAvitrI 5 vijayA 6 jayA 7 | dedhasenA 8 sudhA 9 svAhA 10 mAtaro 11 lokamAtaraH || hRSTi 13 puSTiH 14 tathA tuSTi 15 stathAtmakuladevatAH 16 | atha purazcaraNavidhiH | yoginIhRdaye- gurorAjJAM samAdAya zuddhAntaHkaraNo naraH | mantrasya siddhikAmena purazcaraNamArabhet || jIvahIno yathA dehI sarvakarmasu na kSamaH | purazcaraNahInopi tathA mantraH prakIrtitaH || tasmAdAdau svayaM kuryAdguruM vA kArayedbudhaH | p. 52) gurorabhAve vipraM vA sarvaprANihite ratam || striyaM ca suguNopetAM suputrAM viniyojayet | tata uttarAyaNe zuklapakSe candratArAnukUle'hni puraskriyAM katu sthAnaM cintayet | puNyakSetraM nadItIraM guhAM parvatamastakam | tIrtha pradezaM sindhUnAM saGgamaM pAvanaM vanam || udyAnaM ramyadezaM ca bilvamUlaM taTaM gireH | tulasIkAnanaM goSThaM vRSazUnyaM zivAlayam || azvatthAmalakImUlaM gozAlAM jalamadhyataH | devatAyatanaM kUlaM samudrasya nijaM gRham || gRhe zataguNaM vidyAdnoSTe lakSaguNaM bhavet | koTirdevAlaye puNyamanantaM zivasannidhau || mlecchaduSTamRgavyAghrazaGkAtaGkavivarjite | ekAnte pAvane nindArahite bhaktisaMyute || svadeze dhArmike deze subhikSe nirupadrave | ramye bhaktajanasthAne nivasettApasaH priye || eSAmanyatamaM sthAnamAzritya japamAcaret | yatra grAme japenmantrI tatra kUrmaM vicintayet || kUrmasthAnamAha gautamIye- japasthAnabhUmiM navadhA kRtvA pUrvAdiSu koSTheSu kacaTatapayazavarNAnante lakSAviti vilikhya madhyakoSThamapi navadhA vidhAya tatra pUrvAdiSu svaradvandvaM vilikhet | kSetranAmAdivarNo yatra koSThe dRzyate tadeva dIpasthAnamiti | tadabhAvasthAnamapi tatraiva | parvate sindhutIre vA puNyAraNye nadItaTe | yadi kuryAtpurazcaryAM tatra kUrmaM na cintayet | devIyAmalepi- kurukSetre prayAge ca gaGgAsAgarasaGgame | p. 53) mahAkAle ca kAzyAJca dIpasthAnaM na cintayet | grAme vA yadi vA vAstau gRhe ca tacca vicintayet | tataH parigRhItakSetramadhye kUrmacakramavalokya tasya mukhe japamaNDapaM kRtvA purazcaraNaM kuryAditi | atha purazcaraNe bhakSyAbhakSyaniyamo gautamIye- purazcaraNakRnmantrI bhakSyAbhakSyaM vicintayet | anyathA bhojanAddevi siddhihAnizca jAyate || bhuJjAnopi haviSyAnna zAkaM yAvakameva ca | payo mUlaM phalaM vApi yatra yatropalabhyate || haviSyamAhAgastyasaMhitAyAm- dadhi kSIraM dhRtaM gavyamaikSavaM guDavarjitam | tilAzcaiva sitA mudrAH kandaM kaimukavarjitam || nArikelaphalaJcaiva kadalI kavalI tathA | AmramAlakaJcaiva panasaJca harItakIm || vratAntare prazastaJca haviSyaM manyate budhaiH || vratAntara iti || haimantikaM sitAsvinnamityAdi || atha varjyAni | vivarjayenmadhu kSAraM lavaNantailameva ca | tAmbUlaM kAMsyapAtraJca divAbhojanameva ca || anyacca- kSAraJca lavaNaM mAMsaM gRJjanaM kAMsyabhojanam | mASADhakImasUraJca kodravAMzcaNakAnapi || kauTilyaM kSauramabhyaGgamaniveditabhojanam | asaMgakalpitakRtyaJca varjayenmardanAdikam || snAyAcca paJcagavyena kevalAmalakena vA | mantrajaptAnnapAnIyaiH snAnAcamanabhojanam || p. 54) kuryAdyathoktavidhinA trisandhyaM devatArcanam | hikkAM kAsaM tathA jRmbhAM nidrAJca parivarjayet || atha bhojananiyamamAha- jaTharaM pUrayedarddhamannairbhAgaM jalena ca | vAyoH saJcaraNArthAya caturthamavazeSayet || atha parAnnaniSedhaH kulArNave- yasyAnnapAnapuSTAGgaH kurute dharmasaMcayam | annadAtuH phalasyArddhaM kartuzcArddhaM na saMzayaH || tasmAtsarvaprayatnena parAnna parivarjayet | purazcaraNakAle tu sarvakarmasu zAmbhavi || jihvA dagdhA parAnnena karau dagdhau pratigrahAt | mano dagdhaM parastrIbhiH kathaM siddhirvarAnane || atra parAnnaM bhikSetaraviSayam || atha jape niyamaH | uktasaMkhyAjapaM kuryAtpurazcaraNasiddhaye || p. 55) devatAgurumantrANAmaikyaM sambhAvayandhiyA || japedekamanAH prAtaH kAlaM madhyandinAvadhiH | yatsaMkhyayA samArabdhaM tatkartavyamaharnizam || yadi nyUnAdhikaM kuryAdvratabhraSTo bhavennaraH || kulArNavepi- nyUnAtiriktakarmANi na phalanti kadAcana | yathAvidhi kRtAnyeva satkarmANi phalanti hi || muNDamAlAtantrepi- yatsaMkhyayA samArabdhaM tajjaptavyaM dine dine | nyUnAdhikaM na kartavyamAsamAptaM sadA japediti || p. 56) atha jape dvAdaza dharmAH kulArNave- bhUzayyA brahmacaryatvaM maunamAcAryasevanam | nityapUjA nityadAnaM devatAstutikIrtanam || naimittikArcanaJcaiva vizvAso gurudevayoH | jape niSThA dvAdazaite dharmAH syurmantrasiddhidAH || strIzUdrapatitabrAtyanAstikocchiSTabhASaNam | asatyabhASaNaJcaiva japakAle vivarjayet || yoginItantre- asatyabhASaNaM vAcaM kuTilAM parivarjayet | satyenApi na bhASeta japahomArcanAdiSu || varjayedgItavAdyAdi zravaNaM nRtyadarzanam | abhyaGgaGgandhalepaJca puSpadhAraNameva ca || tyajeduSNodakasnAnamanyadevaprapUjanam | anyadapi tatraiva | naikavAsA japenmantraM bahuvastrAkulopi vA | patitAnAmantyajAnAM darzane bhASaNe zrute || kSute'dhovAyugamane jRmbhaNe japamutsRjet | tathA tasya ca tatprAptau prANAyAmaM SaDaGgakam || kRtvA samyagjapeccheSaM yadvA sUryAdidarzanam | AdizabdAdagniM brAhmaNamapi avalokayet || athAnyattantrAntare- manaH saMharaNaM zaucaM maunaM mantrArthacintanam | avyagratvamanirvedo japasampattihetavaH | iti || anyadapi- uSNISI kaJcukI nagno muktakezo gaNAvRtaH | apavitrakarozuddhaH pralapanna japetkvacit || anAsanaH zayAno vA gacchan bhuJjAna eva vA | rathyAyAmazivasthAne na japettimirAlaye || p. 57) mArjAraM kukkuTaM zvAnaM krauJcaM zUdraM kharaM kapim || dRSTvAcamya japetkarNaM spRSTvA snAnaM vidhIyate | evaM japaniyamaH sarvatra jJeyaH | mAnase na doSakRditi || atha mAnasajape niyamAbhAvamupadizati tatraiva- azucirvA zucirvApi gacchaMstiSThan svapannapi | mantraikazaraNo vidvAnmanasaivaM sadAbhyaset || na doSo mAnase jApye sarvadezepi sarvadA | japaniSTho dvijazreSTho khilayajJaphalaM labhet || zrIvidyAdimantrajape tu tattanmantre vizeSojJeyaH || atha japaphalamAha sarvadharme- japaniSTho dvijazrebheSThokhilayajJaphalaM labhet | sarveSAmeva yajJAnAM jAyate'sau mahAphalaH || japena devatA nityaM stUyamAnA prasIdati | prasannA vipulAnkAmAn dadyAnmuktiJca zAzvatIm | yakSarakSaHpizAcAzca grahAH sarpAzca bhISaNAH || japinaM nopasarpanti bhayabhItAH samantataH || yAvantaH karmayajJAH syuH pavitrANi tapAMsi ca | sarve te japayajJasya kalAM nArhanti SoDazIm || mAhAtmyaM vAcikasyaitajjapayajJasya kIrtitam | tasmAcchataguNopAMzuH sahasro mAnasaH smRtaH || mAnasaH siddhikAmAnAM puSTikAma upAMzukaH | vAciko mAraNe caiva prazasto japa IritaH | atha mAnasAdijapalakSaNam | dhiyA yadakSarazreNI varNasvarapadAtmikAm | uccaredarthamuddizya mAnasaH + sa japaH smRtaH || p. 58) jihnoSThaucAlayetkiJciddevatAgatamAnasaH | kiJcicchravaNayogyaH syAdupAMzuH sa japaH smRtaH || mantramuccArayedvAcA + vAcikaH sa japaH smRtaH | vizuddhezvaratantrepi- nijakarNAgocaro yo mAnasaH sa japaH smRtaH | upAMzurnijakarNasya gocaraH parikIrtitaH || vAcikastu janairvedyastrividhoM japa IritaH | uccairjapAdviziSTaH syAdupAMzurdazabhirguNaiH || jihvAjapAcchataguNaH sahasro mAnasaH smRtaH | tantrAntare ca- uccairjapo'dhamaH prokta upAMzurmadhyamaH smRtaH | uttamomAnaso devi trividhaH kathito japaH || atihrasvo vyAdhiheturatidIrgho vasukSayaH | akSarAkSarasaMyuktaM japenmauktikahAravat || manasA yaH smaretstotraM vacasA vA manuM japet | ubhayaM niSphalaM yAti bhinnabhANDodakaM yathA || atha mantrasya prabhutvakAraNamAha gautamIye- pazubhAve sthitA mantrAH kevalA varNarUpiNaH | sauSumNAdhvanimantrAste prabhutvaM yAnti tajjapAt || mantrAkSarANi cicchaktau proktAni paribhAvayet | tAmeva paramavyomni paramAnandavRMhite || darzayatyAtmasadbhAvaM pUjAhomAdibhivinA | p. 59) kulavarNe tu vizeSaH | mano'nyatra zivonyatra zaktiranyatra mArutaH | na siddhyati varArohe kalpakoTizatairapi || atha mantrasya sUtakadvayamAha tatraiva- jAtasUtakamAdau syAdante ca mRtasUtakam | sUtakadvayasaMyukto yo mantraH sa na siddhyati || brahmabIjaM manau datvAM cAdyante paramezvari | saptavAraM japenmantraM sUtakadvayamuktaye || brahmabIjamoGkAraH saptadhA praNavamAdau prajapya tato maMtraM japtvA cAnte punaH saptadhA praNavaM japediti || athAnyat- mantrArthaM mantracaitanyaM yonimudrAM na vetti yaH zatakoTijapenApi tasya siddhirna jAyate || luptabIjAzca ye mantrA na dAsyanti phalaM priye | mantrAzcaitanyasahitAH sarvasiddhikarAH smRtAH || caitanyarahitA mantrAH proktA varNAstu kevalam | phalaM naiva prayacchanti kalpakoTizatairapi || mantroccAre kRte yAdRk mvarUpaM prathamaM bhavet | zate sahasre lakSe vA koTijapte na tatphalam || hRdaye granthibhedazca sarvAvayavavarddhanam | AnandAzrUNi pulako dehAvezaH kulezvari || gadnadoktizca sahasA jAyate nAtra saMzayaH | sakRduccaritepyevaM mantre caitanyasaMyute || dRzyante pratyayA yatra pAramparyantaducyate || atha mantrasamarpaNaprakAro gautamIye- evaM japaM purA kRtvA tejorUpaM samarpayet | devasya dakSiNe haste kuzapuSpArghavAribhiH || p. 60) saphalaM tadvibhAvyaivaM prANAyAmaM samAcaret | japasyAdau japAnte ca tritayaM tu samAcaret || zaktipakSe vAmahaste japaM samarpayet | evaM japaM purA kRtvA gandhAkSatakuzodakaiH | japaM samarpayeddevyA vAmahaste vicakSaNaH || japAnte homayenmantrI pratyahaM taddazAMzataH | tarpaNaM cAbhiSekaM ca taddazAMzaM tato muneH | pratyahaM bhojayedviprAn nyUnAdhikaprazAntaye | athavA sarvapUrtau ca homAdikamathAcaret || homAdyazaktau sanatkumArIye | yadyadaGgaM bhavedbhaMgaM tatsaGkhyAdviguNo japaH | homAbhAve japaH kAryo homasaMkhyA caturguNaH || viprANAM kSatriyANAJca rasasaMkhyAguNaH smRtaH | vaizyAnAM vasusaMkhyAtameSAM strINAmayaM vidhiH | atrApyazaktaH | tatprakAro yoginIhRdaye- homakarmaNyazaktAnAM viprANAndviguNo japaH | itareSaJca varNanAntriguNAdisamanvitaH || ityanena strIzUdrayorhomAdhikAraH | tacca brAhmaNadvAraiva || tathA ca tantrAntare- oM kAroccAraNAddhomAcchAlagrAmazilArcanAt | brAhmaNIgamanAccaiva zUdrazcAMDAlatAmbrajet | iti sAkSAnniSedhAt | tathA praNavAdizca yo mantro na strIzUdre prazasyata iti | sarvastrINAM zUdratulyatA jJeyA || tathAgastyasaMhitAyAm- yadi home na zaktaH syAtpUjAyAM tarpaNepi vA | tAvatsaMkhyAjapenaiva brAhmaNArAdhanena vA || p. 61) bhavedaMgadvayenaiva purazcaraNakarmaNi | gurave dakSiNAM dattvA bhojanAcchAdanAnapi || gurusantoSamAtreNa mantrasiddhirbhaveddhruvam | gurumUlamidaM sarvamityAhustantravedinaH || gurureva parabrahma tasmAdAdau tamarcayet | tadante mahatIM pUjAM kuryAtsAdhakasattamaH || suvAsinIM kumArIJca bhUSaNairapi bhUSayet | miSTAnnaphalamUlaizca bhojayettAM yathAvidhi || evaM siddhamanurmantrI sAdhayetsakalepsitAn || atha grahaNakAlikapurazcaraNavidhiH | tatraiva- athavAnyaprakAreNa purazcaraNamiSyate | grahaNe'rkasya cendorvA zuciH pUrvamupoSitaH || nadyAM samudragAminyAM nAbhimAtrodake sthitaH | sparzAdvimuktiparyantaM japenmantramananyadhIH || nadyabhAve tu tatraiva- yadvA puNyodake snAtvA zuciH pUrvamupoSitaH | grahaNAdivimokSAntaM japenmantraM samAhitaH || muNDamAlAyAm- dRSTvA snAtvA susaGkalpo vimokSAntaM japaM caret | tAvaddhomAdikaM kuryAdgrahaNAnte zuciH pumAn || evaM japAnmantrasiddhirbhavetyeva na saMzayaH | iti | grahaNe purazcaraNasya mukhyatAmAha- zrAddhAdAvanurodhena tyajejjApyaM naro yadi | sa bhaveddevatAdrohI pitRRn sapta nayatyadhaH || japayajJaM parityajya pitRyajJaM karoti yaH | sa bhaveddevatAdrohI pitRRn sapta nayatyadhaH || p. 62) sanatkumArIyavacanAjjapasyAvazyakatvam | vastutastu ArabdhapurazcaraNaviSayakamidam || paurazcarye samArabdhe tatra cedgrahaNaM bhavet | tadA zraddhAnurodhena japaM naiva parityajet | ityukteH | atha purazcaraNamAha | japahomau tarpaNaJcAbhiSeko viprabhojanam | paJcAGgopAsanaM loke purazcaraNamiSyate || grahaNAdau tu japamAtrameva purazcaraNam | ata eva paMcAGgasvarUpapurazcaraNe kRte mukhyaprayoge'pyadhikAra iti | dazakaraNe kevalajapamAtre purazcaraNe nAdhikAra iti tattvam | atha purazcaraNakAlobhihito vArAhIye- candratArAnukUle ca zuklapakSe zubhe'hani | Arabheta purazcaryAM harau supte na cAcaret || grahaNe ca mahAtIrthe na kAlamavadhArayet | atha purazcaraNaprayogaH | tatra tAvadbhUmeH parigrahaM kRtvA purazcaraNakRnnaraH prAktRtIyadivase kSaurAdikaM vidhAya vedikAcaturdikSu krozamAtraM krozadvayaM vA yAvadiSTaM vA kSetraM caturasram AhArAdivihArArthaM parikalpya kUrmacakrAnuguNaM maNDapaM vidhAya ekabhuktaJca kuryAt | tataH paradine snAnAdikaM vidhAya zuddhaH san azvatthodumbaraplakSANAmanyatamasya vitastimAtrAn dazakIlakAn oM astrAya phaDiti mantreNASTottarazatAbhimantritAn dazadikSu nikhanet | oM tatsat adyetyAdi amukagotrasyAmukazarmaNe mamaitatkSetrasya sakalavighnoccATanapUrvakasveSTamantrasiddhikAmaH pUrvAdidazadikSu kIlAropaNaM gaNapativAstupuruSakSetrapAlapUjanaM cAhiGkaraSye | yathA- oM ye cAtra vighnakartAro divi bhuvyantarikSagAH | p. 63) vighnabhUtAzca ye cAnye mama mantrasya siddhiSu || mayaitatkIlitaM kSetraM parityajya vidUrataH | apasarpantu te sarve nirvighnaM siddhirastu me || ityanena nikhanya teSu oM namaH sudarzanAya astrAya phaDiti mantreNAstraM sampUjya pUrvAdikrameNa indrAdilokapAlAnpUjayet | yathA | oM bhUrbhuvaH svarindralokapAla ihAgacchetyAvAhya pAdyAdibhiH sampUjya svasvadikSu vahnyAdilokapAlAnpUjayedyathA | tato madhyasthAne kSetrapAlaM vAstvIzaJca sampUjya sarvavighnavinAzArthaM gaNapatiM pUjayet | yathA oM adyetyAdyamukagotro'mukadevazarmA matkattavyAmukamantrapurazcaraNakarmaNi sarvavighnavinAzArthaM gaNezapUjanamahaGkariSye | iti saGkalpya vedikAmadhye paJcopacArairgaNezaM pUjayet | uktaJca- grAma krozamitaM sthAna nadyAdau svecchayA punaH | nagarAdAvapi krozakrozayugmamathApi vA || AhArAdivihArArthantAvatIM bhUmimAkramet | kSetraM vA yAvadiSTantu bihArArthaM prakalpayet || kSIravRkSodbhavAn kIlAnastramantrAbhimantritAn | nikhaneddazadigbhAge teSvastraM ca prapUjayet || lokapAlAnpunasteSu gandhAdyaiH pUjayetsudhIH | kSetrapAlAdikaM tatra pUjayedvidhivattataH || kSetrezaM vAstunAmAnaM vighnarAjaM samarcayet | dikpatibhyo baliM dadyAttataH kSetraM samAvizet || indra 1 agniH 2 yamaH 3 nir-RtiH 4 varuNaH 5 vAyuH 6 somaH 7 IzAnaH 8 brahmA 9 Urdhvam | anantaH 10 adhaH r-indrezAnayormadhye brahmANaM pazcimanir- RtikoNayormadhye anantam | atha tato mASabhaktAdinA pUjitadevatAbhyo baliM dadyAt | oM raudrAraudrakarmANau raudrasthAnanivAsinaH | p. 64) mAratopyugrarUpAzca gaNAdhipatayazca ye || vighnabhUtAzca ye cAnye digvidikSu samAzritAH | sarve te prItamanasaH pratigRhNatvime balim || ityanenASTadikSu bhUtebhyo baliM dadyAt | tato bhUtabalidAnaM | bhUtAni yAnIha vasanti loke baliM gRhItvA vidhivatpratyuktam | anyatra vAsaM parikalpayantu kSamantu tAnyatra namo'stu tebhyaH || iti paThitvA bhUtabaliM dadyAt | tato gAyatrIM japet | prAtaH snAtvA tu gAyatryAH sahasraM prayato japet | jJAtAjJAtasya pApasya kSayArthaM prathamantataH || iti vidyAdharAcAryaH | yattu- prAtaH snAtvA tu sAvitryA ayutaM prayato japet | tatpunaratyantapApazaGkayA | saGkalpo yathA | oM adyetyAdyamuka- gotro'mukazarmA jJAtAjJAtapApakSayakAmo'STottarasahasra- gAyatrIjapamahaM kariSye | tata upavAsaM haviSyAnna vA kuryAt | tataH paradine prAtaH snAtvA svastivAcanapUrvakaM saMkalpaM kuryAt | oM tatsat adyetyAdyamukagotro'mukazarmA amukadevatAyA amukamantrasiddhipratibandhakAzeSaduritakSayapUrvakatattanmantrasiddhi- kAmodyAdiyathAkAlamamukamantrasya yatsaMkhyakaMjapaM taddazAMzahomataddazAMzatarpaNataddazAMzAbhiSekataddazAM- zabrAhmaNabhojanarUpapurazcaraNamahaM kariSye | iti saGkalpya bhUtazuddhiprANAyAmAdikaM kuryAt | svasvapaddhatyuktakrameNa devatAM sampUjya dIpe prajvalite devatAM hRdaye kRtvA prAtaHkAlamArabhya madhyadina yAvajjapaM kuryAt | tato homastatastarpaNaM tatobhiSekastato brAhmaNabhojanaM kuryAt | uktaJca kulArNave- tarpaNaM ca tataH kuryAttIrthodaizcendumizritaiH | jalaM devaM samAvAhya pAdyAdyairupacArakaiH || sampUjya vidhivadbhaktyA parivArasamanvitam | p. 65) ekaikAJjalitoyena parivArAnpratarparyet || tato homaM dazAMzena tarpayetparadevatAm | tathA ca- tarpaNavAkyaM tu | mUlaM namaH amukadevatA tarpayAmi namaH iti | abhiSekavakyantu mUlaM namaH amukadevatAmahamabhiSiMcayAmi | iti kalazamudrayA mUrdhni abhiSiMcet | namonte mUlamuccArya tadante devatAbhidhAm | dvitIyAntamahaM paJcAdabhiSaMcAmyanena tu || abhiSiMcetsvamUrddhAmantoye kumbhAmayamudrayAna || zaktiviSaye tu mantrAntenAma coccArya siMcayAminamaH padamiti nIlatantrAt | mUlamamukadevatAM tarpayAmi namaH iti vAkyam | tato brAhmaNabhojanam | tato dakSiNA | adya kRtaitadamukadevatAyA amukatantrasya purazcaraNakarmaNaH sAMgatAsiddhyarthaM dakSiNAmidaM kAMcanamagnidaivataM yathAnAmagotrAya gurave tubhyamahaM sampradade | tadabhAve tatputrAdibhyo deyA | tatazchidrAvadhAraNaM kuryAt | atha grahaNakAlikapurazcaraNasaGkalpaH | adyetyAdyamukagotro'mukazarmA rAhugraste divAkare nizAkare vA amukadevatAyA amukamantrasiddhikAmo grAsAdvimuktiparyantaM japarUpapurazcaraNamahaM kariSye | iti saMkalpya japet | taddine tatparadine vA snAnAdikaM vidhAya | oM adyetyAdyamukamantrasya kRtaitadgrahaNa- kAlIye yatsaMkhyAkajapataddazAMzahomataddazAMzatarpaNatadda- zAMzAbhiSekataddazAMzabrAhmaNabhojanakarmANyahaM kariSye | iti saMkalpa homAdikaM kuryAt | dakSiNAdAnantu pUrvavat | iti dIkSAprakAze purazcaraNaprakAraH | atha purazcaraNe kRtepi yadi mantrasiddhirna syAttadA mantrasya p. 66) daza saMskArAH kartavyAH | tathA kRtepi yadi mantrasiddhirna bhavati tadA drAvaNAdikaM kuryAt | taduktaM mahAtantre- drAvaNaM bodhanaM vazyaM pIDanaM zoSaNapoSaNe | dahanaJca budhaH kuryAttadA siddho bhavenmanuH || athaiSAM prayogo yathA- tatrAdau drAvaNaprayogaH || vamiti varuNavIjagrathitaM mUlamantraM karpUrakuMkumagorocanamanaHzilozIraiH cakrarUpayantramadhye vilikhya kasmiMzcitpAtre dugdhaghRtamadhujalAnyekIkRtya tatra yantraM nidhAya pUjAjapahomAdikaM kuryAt | tato mantraH siddho bhavati | atha granthanaprakAraH | eko mantrasya varNaH syAttato nAmAkSaraM punaH | mantrArNo nAma varNazcetyevaM granthanamIritam | evaM kRtvA jape 108 tataH siddho bhavati | atha bodhanam | vAgbhavabIjena aimiti bIjena sampuTitaM mUlamantraM japet | yathA aiM rAM rAmAya namaH aiM || iti bodhanam || atha vazIkaraNam | bhUrjapatre raktacandanadAruharidrAkastUrImanaHzilAbhirmUlamantramAlikhya kaNThe sandhArya japet | atha pIDanam | tatrAdharottarabhAvena mantrapadAni mantrAkSarANi prajapya adharottarabhAvena devaM dhyAtvA arkadugdhena yantramAlikhya tatpAdenAkramyAdharottarapaThitamantreNa juhuyAt | atha poSaNam | bAlAtRtIyabIjena sauH iti bIjena puTitaM mantraM madhugodugdhAbhyAM bhUrjAdau vilikhya dhArayet | p. 67) atha zoSaNam | tatra yajJabhasmanA vAyubIjavidarbhitaM mUlaM vilikhya kaNThe dharayet | vidarbhaNaM yathA | yaM yaM rAM yaM yaM rAM yaM yaM mA yaM yaM yaM yaM yaM naM yaM yaM maH yaM yaM iti | Adau mantrAkSaradvandvamekaM nAmAkSaraM tataH | evaM punaH punaH prokto vidarbho mantravittamairiti || atha dahanam | pAlAzabIjatailena bahnibIjasampuTitamantrasya ekaikamakSaraM mAtRkAvarNaiH puTIkRtya mantravidyAM vizeSataH | zatamaSTottaraM pUrvaM prajapetkulasiddhaye | mAtRkApuTitaM kRtvA madhye varNaM nidhAya ca || mantravarNAstataH kuryAdbodhanaM mantrasammatam | tArasampuTito vApi duSTamantropi siddhyati || ityanyaH prakAraH | taduktaJcamahAtantre- drAvaNaM bodhanaM vazyaM pIDanaM poSaNazoSaNe | dahanaJca budhaH kuryAttataH siddho bhavenmanuH || drAvaNaM varuNabIjena granthanaM kramayogataH | tanmantraM yantra Alikhya zilAkarpUrakuGkumaiH || uzIragorocanAbhyAM ca mantraM saMgrathitaM likhet | kSIrAjyamadhutoyAnAM madhye taM likhitaM kSipet || pUjanAjjapanAddhomAddrAvitaH phalado bhavet | dravitopi na siddhazcedbodhanaM tasya kArayet || bAlAtRtIyabIjena sampuTIkRtya taM japet | evaM buddho bhavetsiddho no cettasya vazaM kuru || p. 68) kucandanaM tathA dAruharidrAmadanaM zilA | etaistu likhito mantro bhUrjapatre suzobhane || kaNThe dhRto bhavetsiddho nocetsantADanaM kuru | adharottararUpeNa padAni parijapya vai || dhyAyIta devatAM tadvadadharottararUpiNIm | vidhyAyAdityadugdhena likhitvAkramya cAMghRNA | tathAbhUtena mantreNa homaH kAryo dine dine | pIDito lajjayAviSTaH siddhazcenna hi zoSayet || bAlAtRtIyabIjena puTitaM dugdhamadhyataH | dhArayellikhitaM mantramathavA zoSaNaM caret || dvAbhyAJca vAyubIjAbhyAM likhenmantraM vidarbhitam | tadyajJabhasmanA kaNThe dhArayedapi sAdhakaH || nocedvAhyognibIjena siddhyarthaM paramezvari | mantrArNAn vahnibIjena caturdikSu samAvRtAn | likhetpAlAzatailena dhArayetkaNThadezataH | siddhaH syAnnAtra sandeho mantra ityAha zaMkaraH || iti zrImanmaithilajIvanAthakRte dIkSAprakAze sveSTamantrasiddhikathanaM sampUrNam | atha paJcAyatanI pUjA | yAmale- bhavAnIM tu yadA madhye aizAnyAmacyutaM yajet | AgneyyAM paJcavaktraM ca nair-Rte gaNanAyakam || vAyavyAM tapanaM caivaM pUjAkrama udAhRtaH || 1 || madhye yadA tu govindamaizAnyAM zaMkaraM yajet | AgneyyAM gaNanAthaM ca nair-RtyAntapanaM tathA || p. 69) vAyavyAmambikAM caiva bhogamokSapradAyikAm || 2 || zaMkarantu yadA madhye aizAnyAmacyutaM yajet | AgneyyAntapanaM caiva nair-RtyAM gaNanAyakam || vAyavyAmambikAJcaiva svargamokSapradAyinIm || 3 || Adityantu yadA madhye aizAnyAM zaMkaraM yajet | AgneyyAmambikAM devIM svargasAdhanabhUmikAm || 4 || gaNanAthaM yadA madhye aizAnyAM kezavaM yajet | AgneyyAmIzvaraM caiva nair-RtyAM tapanaM tathA | vAyavyAM pArvatIJcaiva pUjayenmokSasAdhinIm || 5 || atra pUjyapUjakayormadhye prAcI jJeyA | devatApRSThe pazcimA dik devatAdakSe dakSiNA devatA vAme uttarA jJeyA | pUjyapUjakayormadhye prAcI jJeyA vicakSaNaiH | pazcimA devatApRSThe taddakSe dakSiNA bhavet || uttarA ca bhavedvAme devatAyAH surezvari | tathA ca gaNezavimarzinyAm- zambhau madhyagate harInaharabhUdevyo harau zaMkare- bhAsye nAgasutA ravau haragaNezAjAmbikAH sthApitAH | devyAM viSNuharaikadantaravayo lambodare'jezvare | nAryAH zaMkarabhAgatopi zubhadA vyastAzca te hAnidA iti || atha SoDazopacAradazopacArapaJcopacArAH yathA | tatrAdau SoDazopacAraniyamaH- AsanaM svAgataM pAdyamarghyamAcamanIyakam | madhuparkAcamanasnAnaM vasanAbharaNAni ca || sugandhisumanodhUpadIpanaivedyacandanam | prayojayedarccanAyAmupacArAstu SoDaza || kAlikApurANe SodazopacAraniyamaH- AsanaM pAdyamarghyaM ca tata AcamanIyakam | p. 70) madhuparkaM snAnajalaM vastraM candanabhUSaNam || puSpaM dhUpaM ca dIpaJca netrAJjanamataH param | naivedyAcamanIye ca pradakSiNanamaskriye || ete SoDaza nirdiSTA upacArAstu pUrvataH | atha dazopacAraniyamaH | pAdyamardhyamAcanIyaM gandhapuSpaM ca dhUpakam | dIpaM naivedyamityAhuH punarAcamanIyakam || tAmbUlaM ca tato dadyAtpUjAyAM sarvataH sadA | atha paJcopacArAH | arghyo gandhaM ca puSpaM ca naivedyAcamanaM tathA | dravyAbhAve tRSavAraM puSpaiH sarvaM prakalpayet | atra SoDazopacArAbhAve dazopacArAH tadabhAve paJcopacArAH | tadabhAve puSpaiH sarvaM prakalpayet | puSpadAnavidhiH | puSpaM vA yadi vA patraM phalaM naSTamadhomukham || duHkhadantatsamAkhyAtaM yathotpannaM tathArpayediti || puSpAJjalau na doSaH syAdityuktaM zambhunArcane | arghyAdipAtraniyamamAha gautamaH- arghyasya trINi pAtrANi pAdyasyApi trayaM bhavet | tathaivAcamanIyasya pAtrANi ca vibhAgazaH || tathA karaNadaurbalyAdekameva prazasyate | kintu sAmAnyavizeSArghyadvayasyAvazyakatvam | tathA ca tantrAntare- ekapAtraM na kartavyaM yadi sAkSAnmahezvaraH | mantrAH parAMmukhA yAnti Apadazca pade pade || iha loke daridraH syAnmRtazca narakaM vrajet | athArghyajale'STagandhadAnasyAvazyakatvam || p. 71) uktaM ca zAradAyAm- gandhASTakamidaM dadyAdarghyapAtraM prayatnataH | gandhASTakantat trividhaM zaktiviSNuzivAtmakam || candanAgurukarpUracorakuGkumarocanAH | jaTAmAMsIkapiyutA zaktergandhASTakaM viduH || candanAguruhrIverakuSThakuGkumasevyakAH | jaTAmAsIsuramiti viSNorgaMdhASTakaM smRtam || candanAgurukarpUratamAlajalakuGkumam | uzIraM kuSThasaMyuktaM zaivaM gandhASTakaM viduriti || arghyaM dizettato mUrdhni ziromantreNa dezikaH | vAruNena ca mantreNa dadyAdAcamanIyakam || svadhetyAcamanIyaJca trivAraM mukhapaJkaje | svadheti madhuparkaM ca punarAcamanIyakam || atha SaDaGgaM dhUpamAha | tantrAntare- sitAjyamadhusaMmizraM guggulvagurucandanam | SaDaGgo dhUpa eSo'sti sarvadevapriyaH sadA || atha dazAGgo dhUpaH | madhumustAghRtaM gandho guggulvaguruzailajam | saralaM siMhasiddhArthau dazAGgo dhUpa iSyate || atha yAmale gandhapuSpabhUSaNadIpadAnaprakAraH- nivedayetpurobhAge gandhaM puSpaM ca bhUSaNam | dIpaM dakSiNato dadyAtpurato vA na pRSThata iti || vAmatastu tathA dhUpamagre vA na ca dakSiNe | naivedyaM dakSiNe bhAge purato vA na pRSThataH || atra vAmadakSiNabhAgo devatAyA na tu sAdhakasyeti | dhUpadIpau subhojyaM ca devatAgre nivedayediti darzanAt || p. 72) atha ghRtayuktaM dakSiNe tailayuktaM vAme | evaM sitAvartizca dakSiNe raktA cedvAme prazastA bhavati | tathA yAmale- dIpaM dakSe ghRtayuktaM tailayuktaM ca vAmataH || dakSiNe ca sitAvartirvAmato raktavartikA || pakvApakvavibhAgena naivedheSviti saMsthitiH | purato niyamo nAsti dIpanaivedyayoH kvacit || pakvaM dugdhaM ca devatAvAme sthApayet | apakvamAmAnnaM dakSiNe sthApayet || tato daNDavatpraNamediti || atha SoDazopacArANAM paurANiko mantro yathA | tatrAdAvAsanamantraH | bhavAni tvaM mahAdevi sarvasaubhAgyadAyike | anekaratnasaMyuktamAsanaM pratigRhyatAm || atha pAdyasya- sucAru zItalaM divyaM nAnAgandhasamanvitam || gRhANa devadevezi mahAdevi namostu te || athArghyasya- zivapriye mahAbhAge zaMkarapriyavAdini | arghyaM gRhANa kalyANi kRpayA paramezvari || tata AcamanamantraH | pavitraM jalamAnItaM suvarNakalaze sthitam | AcamyatAM mahAbhAge hareNa sahite'naghe || atha snAnamantraH | gaGgAsarasvatIrevAkAverInarmadAjalaiH | snApitAsi mayA devi tathA zAntiM prayaccha me || atha vastrasya- sarvasatvAdhike ramye lokalajjAnivAraNe | mayopapAdite tubhyaM vAsasI pratigRhyatAm || p. 73) atha candanasya- karpUrAgurusaMghRSTaM kuGkumAdisamanvitam | kastUrikAsamAyuktaM candanaM pratigRhyatAm || athAkSatamantraH | raJjitAH kusumaughena akSatAzcAtizobhanAH | mamaiSAM devi dAnena prasannA bhava pArvati || atha bhUSaNamantraH | bhUSaNAni vicitrANi maNimuktAmayAni vai | gRhANa parayA prItyA sarvakAmapradAyini || atha puSpasya- sanmallikAvakulacampakapATalAbjapunnAgajAtikaravIrarasAla- puSpaiH | bilvapravAlavividhAmalamAlatIbhistvAM pUjayAmi jagadIzvari me prasIda || atha dhUpamantraH | devadrumarasodbhUtaH kAlAgurusamanvitaH | AnIto'yaM mayA dhUpo bhavAni pratigRhyatAm || atha dIpasya | tva jyotiH sarvadevAnAM tejasAM teja uttamam | AtmajyotiH paraM dhAma dIpo'yaM pratigRhyatAm aMjanadAnamantraH | netradvayaM mahAdevi bhUSayAmalakajjalaiH | surAsurakRpArAze mAM pAhi paramezvari || atha naivedyasya | annaM ca vividhaM svAdu rasaiH SaDbhiH samanvitam | bhakSyabhojyasamAyuktaM naivedyaM pratigRhyatAm || tata AcamanIyaM pUrvavat | p. 74) atha tAmbUlamantraH | karpUrailAlavaGgAditAmbUladalasaMyutam | kramukasya phalaJcaiva tAmbUlaM pratigRhyatAm || tata ArArtikaM dadyAt | candrAdityau ca dharaNI vidyudagnistathaiva ca | tvameva sarvatejAMsi ArtikyaM pratigRhyatAm || iti paurANikaSoDazopacArAH | atha tAntrikazoDazopacAraniyamaH | tatrAdau svAgatavAkyam- kRtArtho'nugRhIto'smi saphalaM jIvitaM mama | AgatA devadevezi svasvAgatamidaM punaH || atha pAdyam | zyAmAkaviSNukrAntAbjadUrvAH pAdyajale kSipet | mUlazlokairnamomantraiH pAdyaM pAdAmbuje'rpayet || yadbhaktilezasamparkAtparamAnandasambhavaH | tasmai te caraNAbjAya pAdyaM saGkalpayAmyaham || athA camanam | tatra lavaGgajAtikaGkolaM prakSipya mukhe dadyAt | mantraH | vedAnAmapi vedAya devAnAM devatAtmane | AcAmaM kalpayAmIze zuddhAnAM zuddhihetave || athArghapAtre dUrvAtiladarbhasarSapAkSatapuSpANi datvArghyaM prakalpayet mUrddhni | mantro yathA- tApatrayaharaM divyaM paramAnandalakSaNam | tApatrayavinirmuktaM tavArghyaM kalpayAmyaham || atha madhuparkamantraH | sarvakAluSyahInAyai paripUrNasukhAtmane | madhuparkamidaM devi kalpayAmi prasIda me || p. 75) punarAcamanamantraH | ucchiSTopyazucirvApi yasya smaraNamAtrataH | zucimApnoti tasyai te punarAcamanIyakam || snAnavastropavItAnte naivedyAntepi tatsmRtam | pAdyAdidravyAbhAve tu tatsmarannakSatAn kSipet || atha gandhatailadAnamantraH | snehaM gRhANa snehena bhaktAnAmarthasiddhide | surAsurArcite devi dadAmi snehamuttamam || atha snAnam | paramAnandabodhAbdhe dadyArdre surapUjite | sAMgopAMgamidaM snAnaM kalpayAmi harapriye || tataH sahasramukhyena zataM vA zaktitopi vA | gandhayuktajalairdevImabhiSiJcenmanuM japan || tataH || paThan mUlaM tataH zlokau dadyAdvastropavItake | nAnArAgavicitraM tu muktAmaNisamAkulam || nirAvaraNavijJAnaM vAsaste kalpayAmyaham | yamAzritya mahAmAyA jagatsammohinI sadA || tasyai te paramaizvaryai kalpayAmyuttarIyakam | atha bhUSaNamantraH | nAnAzaktyAzraye devi sundarAGgi surezvari | bhUSaNAni vicitrANi kalpayAmyamarArcite || atha gandhamantraH | pAtrasthaM gandhaM kaniSThayArpayet | anena- paramAnandasaurabhyaparipUrNadigantare | gRhANa paramaM gandhaM kRpayA paramezvari || ayaM gandho'mukadevatAyai namaH || tataH kaniSThAGguSThAbhyAM gandhamudrAM pradarzayet || tataH puSpamantraH | mUlamuccArya puSpANyAdAya || p. 76) turIyavanasambhUtaM nAnAguNamanoharam | amandasaurabhaM puSpaM gRhyatAmidamadbhutam || etAni puSpANi amukadevatAyai vauSaT | tatastarjanyaGguSThAbhyAM puSpamudrAM darzayet | atha vizeSaH- akSatAnarkadhattUrau viSNau naivArpayetsudhIH | bandhUkaM ketakIM kundaM kesaraM kuTajaM japAm || zaGkare nArpayedvidvAn mAlatIM yUthikAmapi | zaktau dUrvArkamandArAnmAlUrantagaraM ravau || vinAyake tu tulasIM nArpayejjAtucidbudhaH | evaM puSpapUjAM vidhAyAvaraNadevatArcanaM kuryAt | tata AvaraNadevatArcanaM samarpayedanena | abhISTasiddhiM me dehi zaraNAgatavatsale | bhaktyA samarpaye tubhyamidamAvaraNArcanamiti || tataH karaM prakSAlya upacArAntaraM kalpayet | tato devatAvAma bhAge dhUpapAtraM sthApayet || tato dhUpapAtraM phaDiti prakSAlya nama iti puSpaM dattvA vAmatarjanyA saMzpRzya mUlaM zlokaM ca | vanaspatiraso divyo gandhADhyo gandha uttamaH | AghreyaH sarvadevAnAM dhUpo'yaM pratigRhyatAm || iti paThitvA sAGgAyaisaparivArAyai sveSTadevatAyai dhUpaM samarpayAmi nama iti zaGkhajalaM bhUmau prakSipya tarjanyaMguSThayogena dhUpamudrAM pradarzya | jayadhvanimantraH | mAtaH svAheti ghaNTAM sampUjya vAmahastena tAM vAdayan devatAguNAnkIrtayan dakSiNahastena devatAM nAbhidezato dhUpayet | atha dIpavidhiH | devasya dakSiNe bhAge ghRtadIpaH || devatAvAmabhAe tailadIpaH sthApyaH || tato dIpapAtraM phaDiti samprokSya nama iti puSpaM datvA vAmamadhyamayA spRzan mUlamuccArya- p. 77) svaprakAzo mahAndIpaH sarvatra timirApahaH | sabAhyAbhyantaraM jyotirdipo'yaM pratigRhyatAm || sAGgAyai saparivArAyai amukadevatAyai dIpaM darzayAmi namaH zaGkhasthajalaM bhUmau prakSipya madhyamAGguSThayogana dIpamudrAM pradarzya pUrvavadghaNTAM vAdayan | netrAdipAdAntaM dIpaM pradarzayet || atha naivedyadAnam- naivedyaM pAtre nidhAya mUlena samprokSya cakramudrayAbhirakSya dvAdazavAraM vAyubIjAbhimantritairjalaiH prokSya tadutthavAyunA taddoSaM saMzoSya dakSiNakaratale vahnibIjaM vicintya tatpRSThalagnaM vAmakaratalaM kRtvA tadutthAgninA naivedyadoSaM saMdahya vAmakare amRtaM dhyAtvA vAmapRSThe dakSiNakaraM kRtvA pradarzya tadakhilamamRtAtmakaM dhyAtvA tatspRSTvA mUlamantramaSTadhA japtvA dhenumudrAM pradarzya jalagandhapuSpairabhyarcya devatAyai puSpAMjaliM samarpya tanmukhAttejovinirgataM dhyAtvA vAmAGguSThena naivedyapAtraM spRSTvA dakSiNena gRhItvA mUlamuccArya- satpAtrasiddhaM suhavirvidhAnekabhakSaNam | nivedayAmi devezi sanugA tvaM gRhANa tamiti | zlokaM saMjapya sAGgAyai saparivArAyai zrImadamukadevatAyai naivedyaM samarpayAmi nama iti jalamRtyusRjya aGguSThAnAmikAbhyAM naivedyamudrAM darzayet | tataH amRtopastaraNamasi svAheti devyA haste jalaM dadyAt | tato vAmakareNa vikacotpalasadRzIM grAsamudrAM pradarzya dakSiNakareNa samantrakaM prANAdimudrAM pradarzayet | yathA oM prANAya svAhA | aGguSThaniSThAnAmikAbhiH | oM apAnAya svAhA | aGguSThatarjanImadhyamAbhiH | oM vyAnAya svAhA | anAmAmadhyamAGguSThaiH | oM vyAnAya svAhA | anAmAmadhyamAGguSThaiH | oM udAnAya svAhA | aGguSThatarjanImadhyamAnAmAbhiH | oM samAnAya svAhA | sarvAbhiriti | atha brahmezAdyaiH stutAM devakanyAbhiH sudhAMzucAmaraiH parivIjyamAnAM p. 78) bhoktRgaNAn hAsayantIM devIM dhyAyet | atrAvAsare pUjAGgahomaM kuryAt | atha homasya nityatA somabhujagAvalyAm- nAjaptaH sidhyate mantro nAhutazca phalapradaH | nAniSTo yacchate kAmAn tasmAt tritayamarcayet || pUjAyAM labhyate pUjA japAtsiddhirna saMzayaH | vibhUtizcAgnikAryeNa sarvasiddhirna saMzayaH || taduktam- sthaNDile'gnimupAdhAya vaizvadevakriyAM caret | mUlena vIkSya cAstreNa kRtvA prokSaNatADanam || kuzaistadvarmaNAbhyukSya pUrvavatsthApayecchucim | tanmantreNa tamabhyarcyAhUya tatreSTadevatAm || pUjayedgandhapuSpaistAM mahAvyAhRtibhistataH | hutvA vyastasamastAbhirAhutInAM catuSTayam || annairmUlena juhuyAtpaJcaviMzatisaMkhyayA | punarvyAhRtibhirhutvA mUrtau devIM niyojayet || vahniM visRjya devAya dadyAdAcamanIyakamiti | atha tatrAtmadakSiNahastapramANaM caturaGgulamunnataM sthaNDilaM kRtvA mUlena vIkSya phaDiti prokSya taireva kuzaiH santADya humiti mantreNAbhyukSya mUlenAgnimAdAya tadaMzaM gRhItvA nair- RtyakoNe oM kravyAdebhyo nama iti kSipet | tato mUlenAgniM sthApayitvA vamityamRtIkRtya humityavaguNThya phaDiti saMrakSya | oM vaizvAnarajAtaveda ihAvaha lohitAkSa sarvakarmANi sAdhaya svAheti vahniM sampUjya tatreSTadevatAmAvAhya sampUjya Ajyena | oM bhUH svAhA | oM bhuvaH svAhA | oM svaH svAhA | oM bhUrbhuvaH svaH svAhA | iti hutvA mUlamantreNa paJcaviMzatisaMkhyAkaM hutvA punarvyAhRtibhirhutvA mUrtau devatAM saMyojyAgniM visarjayediti | p. 79) bho bho vahne mahAzakte sarvakarmaprasAdhaka | karmAntarepi samprApte sAnnidhyaM kuru sAdaramiti || visarjana kRtvA devatAyai AcamanaM dattvA tanmukhAgatantejaH punastanmukhe nirgatamiti vicintya puSpAJjaliM datvA praNamya japaM kuryAt | tadyathA | RSyAdinyAsaM vidhAya mUrdhni kulakAM vicintya dazadhA prajapya sampUjya japamAlAmAnIya kvacitpAtre'rghyodakenAbhyukSya | oM mAle mAle mahAmAle sarvazaktisvarUpiNi | caturvargastvayi nyastastasmAnme siddhidA bhaveti || gandhAdinA sampUjya | avighnaM kuru mAle tvamiti mantreNa dakSiNahastena gRhItvA zirasi guruM hRdaye sveSTadevatAM dhyAyan hRdayasamIpaM mAlAmAnIya dakSahastamadhyamAmadhyaparvaNi saMsthApya praNavamuccArya mAlAmantraM japet | punaromityuccArya japaM samApya | tvaM mAle sarvadevAnAM prItidA zubhadA matA | zubhaM kuruSva me bhadre yazovIryaJca sarvadA || hrIM siddhyai nama iti svazirasi mAlAM saMsthApya punaH prANAyAmatrayaM kRtvA RSyAdiSaDaGganyAsaM vidhAya devyA vAmahaste arghyodakena | guhyAtiguhyagoptrI tvaM gRhANAsmakRtaM japam | siddhirbhavatu me devi tvatprasAdAnmahezvarIti || japaM samarpya devyagre puSpAJjaliM prakSipet | tato mAlAM sthApayet | tataH kavacAdikaM paThitvA puSpAJjaliM dattvA | itaH pUrvaM yatkRtaM yaduktaM tatsarvamamukadevatA brahmArpaNamastu | tataH zAntipAThaM vidhAya vAmabhAge nirmAlyavAsinA nirmAlyena sampUjya yantralepaM zirasi dattvA nirmAlyaM viharediti || iti zrIjIvanAthakRte dIkSAprakAze SoDazopacAraH samAptaH || p. 80) atha kulukA | zrIdevyuvAca | kukulA kIdRzI deva seturvA nAtha kIdRzaH | kIdRzo vA mahAseturnnirvANamapi kIdRzam || anyadvA kathitaM deva kIdRzaM tadvada prabho | Izvara uvAca | guhyAdguhyataraM devi tava snehena kathyate | vinA yena mahezAni niSphalantu japAdikam || tArAyAH kulukA devi mahAnIlasarasvatI | paJcAkSarI kAlikAyAH kulukA parikathyate || kAlIkUrcaM vadhUrmAyA phaDantaM paramezvari | chinnAyAH paramezAni kulukA tryakSarI bhavet || vajravairocanIye ca ante varma prakIrtayet | sampatpradAyAH prathamaM bhairavyAH kulukA matA || zrImattripurasundaryAH kulukA dvAdazAkSarI | vAgbhavaM prathamaM bIjaM kAmarAjamataH param || lajjAbIjaM tataH pazcAttripurezI tataH param | bhagavatIti padaM dadyAdante Thadvayamuccaret || anyAsAntu mahAdevi tryakSarI kulukA matA | tAraM kUrcaM samuccArya nArasiMhaM samuccaret || ityeSA kathitA devi saMkSepAtkulukA mayA | ajJAtvA kulukAM devi prajapedyo narAdhamaH || paJcatvamAzu labhate siddhihAnizca jAyate | mantrAH parAGmukhA yAnti mantrahAniH prajAyate || tathA japAdikaM sarvaM niSphalaM nAtra saMzayaH | tasmAtsarvaprayatnena yo japenmUrdhni kullakAm || tasyAzu mantrasiddhiH syAnnAnyathA paramezvari | p. 81) tArAyAH | hrIM strIM hUM | kAlikAyAH krIM haM strIM hrIM phaT | chinnamastAyAH | oM hUM kSrauM | tripurabhairavyAH | vajravairocanIye hUM | zrItripurasundaryAH aiM klIM hrIM tripurezi bhagavati svAhA || anyAsAM vidyAnAm | oM hraM kSrauM iti kulukA jJeyA | sarvAsAM vidyAnAM setuH praNava eva hRdaye cintyaH | mahAsetustu mUlamantraH | sa ca kaNThadeze japtavyaH | nirvANastu | oM aM mUlaM aiM aM AM iM IM uM UM RM RRM lRM lRRM eM aiM oM auM aM aH kaM khaM gaM ghaM GaM caM chaM jaM jhaM JaM TaM ThaM DaM DhaM NaM taM thaM daM dhaM naM paM phaM baM bhaM maM yaM raM laM vaM zaM SaM saM haM jJaM kSaM oM iti nirvANaM nAbhideze cintyamiti | uktaM ca mahAtantre- oM setuH sarvavidyAnAM mahAsetuzca mUlakam | praNavaM pUrvamuddhRtya svarAdyaM tadanantaram || vAgbhavaJca tato devi mAtRkAM tadanantaram | oMkAramantre nirvANaM surezvari vicintayet || hRdaye setumAjapya kaNThadeze surezvari | mahAsetuM tato nAbhau nirvANaM paricintayet || tataH SaDaGganyAsaJca kRtvA dhyAtvA manuM japet | evaM kRte surezAni mantrasiddhiH prajAyate || iti zrIdIkSAprakAze rahasyaprakAraH | atha zivAbaliprakAraH | tathA ca kulacUDAmaNau- avazyamannadAnena niyataM toSayecchivAm | nityazrAddhaM yathA sandhyA candanaM pitRtarpaNam || tathaiva kuladevInAM nityatA kulapUjane | pazu pAM zivAM devIM yo nArcayati nirjane || p. 82) zivArAveNa tasyAzu sarve nazyanti nizcitam | japapUjAvidhAnena yatkiJcitsukRtAni vai || gRhItvA zApakaM datvA zivA roditi nirjane | ekayA bhujyate yatra zivayA yadi bhairavi || tadaiva sarvazaktInAM prItiH paramadurlabhA | rAjyAdibhayamApanne dezAntarabhayAdike || zubhAzubhAni karmANi vicintya balimAharet | bilvamUle prAntare vA zmazAne nagarAdbahiH || mAsapradhAnaM naivedyaM sandhyAkAle nivedayet | kAli kAlIti vatavye tatromA zivarUpiNI || pazurUpadharA yAti parivAragaNaiH saha | tathottarAbhimukho bhUtvA saGkalpaM kuryAt- oM asyAM sandhyAyAmamukagotraH zrImadamukakAryazubhAzubhArthaM zivAbalimahaGkariSye iti saGkalpya prANAyAmaM kRtvA SaDaGganyAsaJca kRtvArghyaM sthApayitvA bhakSyAnnaM gRhItvA muktakezaH zanaiH zivA AvAhayet || kAlikAlIti mantreNa | tataH- gRhNa devi mahAbhAge zive kAlAgnirUpiNi | zubhAzubhaphalaM vyaktaM brUhi gRhNa balintava || ityarghyodakena utsRjya tataH kiJcadapasRtya zivAsu bhakSayantISu | oM saMhArabhairavAya namaH 1 | oM baTukebhyo namaH 2 | oM vinAyakebhyo namaH 3 | oM mAtRbhyo namaH 4 | oM kSauM kSetrapAlebhyo namaH 5 | oM yoginIbhyo namaH 6 | oM DAkinIbhyo namaH 7 | oM zivadUtIbhyo namaH 8 | iti balyaSTakaM datvA gandhapuSpAJjalimAdAya muktakezI digambara utthAya nimIlitAkSaH stutiM paThet | zivArUpadhare devi guhyakAli namostu te | ulkAmukhi lalajjihve ghorarAve zRgAlini || p. 83) zmazAnavAsini prete zavamAMsapriye'naghe || araNyacAriNyanaghe zive jambUkarUpiNi | namo'stu te mahAmAye jagattAriNi kAlike || mAtaGgi kukkuTe raudri mahAkAli namostu te | sarvasiddhiprade bhIme bhayaGkari bhayApahe || prasannA bhava devezi mama bhaktasya caNDike | saMsAratAraNapare jaya sarvazubhaGkari || vidhvastacikure caNDi cAmuNDe muNDamAlini | saMhArakAriNi kruddhe sarvasiddhiM prayaccha me || durge kirAti zabari pretAsanagate'bhaye | anugrahaM kuru sadA kRpayA mAM vilokaya || rAjyaM prayaccha vikaTe vittamAyuH sutAM striyam | zivAbalipradAnena tvaM prasannA bhavezvari || namastestu namastestu namastestu namostu te | iti paThitvA bhuktazeSAnnaM tadbhAjanaM ca bhUmau nikhanet | atha bhojanakAle zubhAzubhaphalaM zivAzabdAnusAreNa jJAtavyam || taduktaM tatraiva- bhuktA rauti yadaizAnyAM mukhamuttolya susvaram | tadaiva maGgalaM vidyAnnAnyathA kulapUjanam || yadA na bhujyate vastu tadA naiva zubhaM bhavet | zubhaM yadi bhavettatra bhujyate tadazeSataH || atra sAtviko brAhmaNaH mAMsasthAne mASavaTakaM dadyAt | sAttviko jIvahatyAJca na kadAcitprakArayedityukteH || tato gahamAgatya devIM pUjayet | athAnukalpadravyANi- yathA zaktisaGgamatantre- mAhiSatvena kUSmANDaM chAgatvena ca karkaTIm | vRntAkaM kukkuTatvena meSatvena ca tumbikAm | p. 84) mAnuSatvena panasaM matsyatvekSudaNDakam | zUraNaJca kharatvena dAtavyaM kozakaM mRge || pAyasaM tu gajatvena mArjAratve kulutthakam | paTolaM zUkaratvena zarkarAM bAlukantathA || khaDgatvena mahezAni matsyatve kadalIphalam | mUSakatve mUlakaM ca sArasatve kaliMgakam || kIratve nArikelaJca matsyatve kadalIM ca vA | mASAH sarvabalitvena kRzarAnnantathA matamiti || iti zrIjIvanAthakRte dIkSAprakAze zivAbaliprakAraH samAptaH | atha viSNorvaidikaSoDazopacAraprakAraH | tatrAdAvAsanamantraH- oM sahasrazIrSApuruSaH sahasrAkSaH sahasrapAt sabhUmi/ sarvata spRtvAtyatiSThaddazAGgulam | upavezanamantraH | puruSa eveda/ sarvaM yadbhUtaM yacca bhAvyam | utAmRtatvasyezAno yadannenAtirohati | atha pAdyamantraH- oM etAvAnasya mahimAto jyAyA/zca puruSaH pAdosya vizvAbhUtAni tripAdasyAmRtaM divi || arghyamantraH | tripAdUrdhva udaitpuruSaH pAdosyehAbhavatpunaH | tato viSvaGvyakrAmatsAzanAnazane abhi || AcamanamantraH | tato virADajAyata virAjo adhipuruSaH | sa jAto atyaricyata | pazcAdbhUmimathopuraH | snAnamantraH | tasmAdyajJAtsarvahutaH sambhRtaM pRSadAjyam || pazU/stA/zcakre vAyavyA nArANyA grAmyAzca ye | p. 85) athAcchAdanamantraH | tasmAdyajJAtsarvahuta RcaH sAmAni jajJire | chandA/si jajJire tasmAdyajustasmAdajAyata | yajJopavItamantraH | tasmAdazvA ajAyanta ye ke cobhayAdataH | gAvo ha jajJire tasmAt tasmAjjAtA ajAvayaH | gandhamantraH | ta yyajJambarhiSi praukSanpuruSaM jAtamagrataH | tena devA ayajanta sAdhyA RSayazca ye | atha puSpamantraH | yatpuruSaM byadadhuH katidhA vyakalpayan | mukhaM kimasyAsItkimbAhU kimUrU pAdA ucyete | dhUpamantraH | brAhmaNosya mukhamAsIdbAhU rAjanyaHkRtaH UrU tadasya yadvaizyaH padbhyAM zUdro ajAyata | atha dIpamantraH | candramA manaso jAtazcakSoH sUryo ajAyata | zrotrAdvAyuzca prANazca mukhadagnirajAyata | naivedyamantraH | nAbhyA AsIdantarIkSaM zIrSNo dyauH samavartata | padbhyAM bhUmirdizaH zrItrAttathA lokAnakalpayan | aJjalikaraNamantraH | yatpuruSeNa haviSA devA yajJamatanvata | vasantosyAsIdAjyaM grISma idhmaH zaraddhaviH | atha pradakSiNAmantraH | saptAsyAsana paridhayaH triHsapta samidhaH kRtAH | devA yadyajJantavAnA abadhnan puruSaM pazum | p. 86) atha visarjanamantraH | yajJena yajJamayajanta devAstAni dharmANi prathamAnyAsan tehanAkaM mahimAnaH sacanta yatra pUrve sAdhyAH santi devAH || iti dIkSAprakAze viSNoH SoDazopacAraprakAraH | atha saptazatIpAThavidhimAha | vAsavItantre- AdhAraM sthApayitvA tu pustakaM vAcayettataH | hastasaMsthApanAddevi bhavedarddhaphalaM yataH || yAvanna pUryate'dhyAyaH tAvanna virametpaThan | yadi prAmAdAdadhyAye virAmo bhavati priye || punaradhyAyamArabhya paThetsarvaM muhurmuhuH | anukramAtpaTheddevi ziraH kampAdikantyajet || athAnyatrApi | praNavaM pUrvamuccArya stotraM vA saMhitAM paThet | ante ca praNavaM dadyAdityuvAcAdipUruSaH || na mAnasaM paThetstotraM vAcikantu prazasyate | na svayaM likhitaM stotraM nAbrAhmaNalipiM paThet | na ca svayaM kRtaM stotraM tathAnyena ca yatkRtam | yataH kalau prazaMsanti munibhirbhAvitaM ca yat || anyacca | svayantu likhitaM yacca kRtinA likhitantu yat | abrAhmaNena likhitaM tatsarvaM niSphalaM bhavet || RSizcchando devatAdi nyasya stotraM paThedbudha iti | kIlakagranthe tu | aSTamyAM vA caturdazyAM kRSNAyAntu samAhitaH | dadAti pratigRhNAti nAnyathaiSA prasIdatIti || p. 87) itthaM rUpeNa kIlena mahAdevena kIlitamiti | argalaM kIlakaM cAdau japitvA kavacaM paThet || japetsaptazatIM pazcAtkrama eSa zivodita iti | oM asya prathamacaritrasya brahmA RSirgAyatrIchando mahAkAlI devatA nandajA zaktiHraktadantikA bIjamagnistattvaM mahAkAlIprItyarthaM jape viniyogaH | ityuktvA prathamAdhyAyaM paThet | tataH | oM madhyamacaritrasya viSNur-RSiruSNikchando lakSmIrdevatA zAkambharI zakti durgAbIjaM vAyustattvaM mahAlakSmIprItyarthaM jape viniyogaH | iti paThitvA dvitIyAdhyAyaM tRtIyAdhyAyaM caturthAdhyAyaM paThet | tata uttaracaritrasya rudra-RSiH triSTupchandaH mahAsarasvatI devatA klIM bIjaM ravistattvaM mahAsarasvatIprItyarthe jape viniyogaH | uktaJca- saptasatyAzcaritre tu prathame padmabhUrmuniH | chando gAyatramuditaM mahAkAlI tu devatA || vAgbIjaM pAvakastattvaM dharmArthe viniyojanam | vAgaibIjaM pAvakaM ramiti | madhyame tu caritre tu munivaSNurudAhRtaH | uSNikchando mahAlakSmIrdevatA bIjabhadrikA || vAyustatvaM dhanaprAptyai viniyoga udAhRtaH | adrijA hrIM vAyubIjaM yamiti || uttarasya caritrasya RSiH zaGkara IritaH | uSNikchando devatAsya mahApUrvA sarasvatI | kAmo bIjaM ravistatvaM kAmAptyai viniyojanam | kAmaH klImiti | ravirvIjaM praNavamiti mantravidaH || evaM saMsmRtya RSyAdIndhyAtvA pUrvoktamArgataH | smarannarthaM paTheccaNDIstavaM spaSTavadakSaram || samAptau tu mahAlakSmIM dhyAtvA kRtvA SaDaGgakam | p. 88) japedaSTazataM mUlaM devatAyai nivedayet || AdAvapyaSTazataM prajapenmUlamatra tu | mUlamantrastu | aiM hrIM klIM cAmuNDAyai bicce || rudrayAmale- prathamaM caritaM proktaM madhukaiTabhaghAtanam | dvitIyaM viddhi caritaM mahiSAsuraghAtanam || uttaraM caritaM jJeyaM zumbhadaityavadhAnvitam | caritAni japettrINi sarahasyAnyatandritaH || anyatrApi- zatamAdau zataJcAnte japenmantraM navAkSaram | caNDIsaptazatImadhye sampuTo'yamudAhRtaH || sakAmaH sampuTo jApyo niSkAmaH sampuTaM vinA || atha mArIcakalpe- rAtrisUktaM japedAdau madhye saptazatIstavam | prAnte tu japanIyaM vai devIsUktamiti kramaH || evaM sampuTitaM stotraM sarvakAmArthasiddhidam | atha rAtrisUktaM devIsUktaM ca vaidikamiti | vastutastu saptazatIstotrAntargatameveti prAmANikAH | brahmaNA tu kRtaM stotraM vizvezvarIsUktaM tadeva rAtrisUktamiti vyavahriyate | atha namo devyai mahAdevyai zivAyai satataM nama ityAdi sarvApado bhaktivinamramUrtibhirityantaM devIsUktamiti | zakrAdayaH suragaNA ityArabhyAsmAkamunmadasurAribhavannamaste ityantaM lakSmIsUktamiti | devyA hate tatra mahAsurendre ityArabhya trailokyavAsinAmIDye lokAnAM varadA bhava ityantaM sarasvatIsUktamiti | atha vArAhItantre- saMskRtya bhUmiM saMsthApya kalazaM tIrthavAriNA | pUrayitvA svarNagarbhaM kSipedaSTamRdaM tataH || dharmakAmaH kSipetsvarNaM dhanakAmastu mauktikam | p. 89) zrIkAmaH kamalaM nyasyetkAmArthI rocanaM nyaset || mokSakAmo nyasedratnaM japakAmoparAjitAm || uccATanArthaM vyAghrIM ca vazyArthaM zikhimUlikAm || mAraNArthaM marIcaM ca ketakIM mohanAya ca | AkarSaNArthaM dhattUraM prakSipetkalazodare || japenmantraM mahezAni zRNuSva gadato mama | AdimArabhya prajapetsRSTikrama ihocyate || japecchakrAdimArabhya zumbhadaityavadhAvadhiH | AdyAcchakrAdiparyantaM sthitikrama udAhRtaH || zeSamArabhya AdyantaM saMhArakrama IritaH | sthitipAThaH sarvakArye muktikAme na saMhRtiH || zrIkAme puSTikAme ca sRSTikrama udAhRtaH | sAvarNiH sUryatanaya ityArabhya sAvarNirbhavitA manurityantaM pAThaH sRSTikramaH | purA zumbhetyAdinavAdhyAyAnpaThitvA zakrAdhyAyAntaM paThediti sthitikramaH | evaM devyAM varaM labdhvA ityAdi saMhArakrameNa sAvarNiH sUryatanaya iti zlokAntaM paThanIyamiti saMhArakramaH | ayaM pAThaH saGkaTe prazasya iti dAkSiNAtyAH | atha vizeSamAha- dharmArthakAmamokSANAM kAmaH pUrvamukho hunet | mohane mAraNe caiva dakSiNAzAmukho hunet || uccATane tUttarAsyo dizAmevaM vyavasthitiH | dharmArthakAmamokSANAM saMsiddhau pAyasaM hunet || mAraNe mokSaNe caiva tathoccATanakarmaNi | hunenmASaM trimadhvAktaM mohane madhupAyasam || stambhane tu mAttulaphalaM vazye tu zvetasarSapam | p. 90) atha devIprayogasAre- saGkaTe samanuprApte duscikitsye bhaye sadA | jAtidhvaMse kulacchede AyuSo nAza Agate || vairivRddhau vyAdhivRddhau dhananAze tathA kSaye | tathaiva trividhotpAte tathA caivAtipAtake || kuryAdyatnAcchatAvRttiM tataH sampadyate zubham | vipadastasya nazyanti ante yAti parAGgatim || zriyo vRddhiH zatAvRttyA rAjyavRddhistathA parA | manasA cintitaM devi siddhedaSTottaraM zatam || zatAzvamedhayajJAnAM phalaM prApnoti suvrate | sahasrAvarttanAllakSmIrAvRNoti svayaM sadA || kAmAnmanogatAnprApya naro mokSamavApnuyAt | yathAzvamedhaH RtuSu devAnAM ca yathA hariH || stavAnAmapi sarveSAM tathA saptazatIstavaH | bhuktimuktI na dUrasthe zuddhapAThavatAM nRNAm || nAtaH parataraM kiJcitstotramasti varAnane || atha navarAtrividhAnam | athAtaH sampravakSyAmi navarAtravidhAnakam | japedekottarAM bRddhiM dinAni navasaMkhyayA || navAkSarIvidhAnena sampUjyArthaM vicakSaNaH | sahasraM prajapenmantraM pratyahaM ca yathAvidhi || hutvA dazAMzato homaM tatra siddhiM samApnuyAt | aparazca- bilvamUle samAsIno mAsamekaM japetsudhIH | madhuratrayasaMyuktairbilvapatraizca sAdhakaH || mAsaM homavidhAnena kuryAdvA taddazAMzataH | kamalaiH kSIrasaMmizrairlakSmIprAptirna saMzayaH || p. 91) atra tu namo devyai ityAdimantraireva dazAMzena homaH kArya iti sampradAyaH | brAhmaNakaraNe dakSiNAniyamastatraiva kathitaH | paJcAvRte svarNamekaM trirAvRtte tadarddhakam | ekAvRtte pAdamekaM dadyAdvA zaktito budha iti || gAyatrI yathA yajurvede- kAtyAyanyai vidmahe kanyAkumAri dhImahi tanno durgA pracodayAditi | atha prayogAntaraM kAtyAyanItantre- pUrvAhNe SoDazAGgulamitaM caturaGgulonnataM sthaNDilaM kRtvA tatra zuddhagoghRtena ekasminpAtre rudravartiSu trayodaza dIpAnprajvAlya dIpeSu prathamadIpe prathamAdhyAyadevatAmAvAhyAsanapAdyAdigandhadAnAntaM sampUjya puSpasamarpaNasamaye vakSyamANanavabhiH zlokaiH puSpAMjaliM samarpya dhUpadIpau datvA nIrAjanam | ekaM brAhmaNaM kumAr-rI suvAsinIM ca bhojayet | saGkalpayedvA | evaM tadadhyAyadevatAvAhanAdibrAhmaNabhojanAntaM pratyadhyAyaM kuryAt | ante prabhUtanaivedyAdibhirmahApUjA anugrahe pUrvAhNe samAptiH | nigrahe'parAhNe samAptiH | zlokAstu vizvezvarIM jagaddhAtrIm 1 stutA suraiH pUrvamabhISTasaMzrayA 2 yA sAmprataM coddhata 3 yA ca smRtA tatkSaNameva hanti naH 4 sarvAvAdhAprazamanaM 5 atra vairivinAzanamityatra roganAzanamityAhyUhyam | evaM daityatApitairityatrApi | sarvamaGgalamAGgalye 6 sRSTisthitivinAzAnAM 7 zaraNagatadInArta 8 sarvasvarUpe sarveze 9 ete'nugrahe nava zlokAH 9 vazye tu vizeSaH | oM hrIM raktacAmuNDe turu turu amukaM me vazamAnaya svAhA | anena pratyadhyAyamAdyantayoH pUjA sarvAnte ayutamantrajapaH ayutahomazca | homayetkaTutailena raktacandanarAjikAH | sahasrAhutimAtreNa rAjAnaM vazamAnayet || madhunAzokapuSpaM ca rAtrau hutvA tu pUrvavat | p. 92) cakavartI bhavedvazyaM caNDImantraprabhAvataH | ante zataM brAhmaNAH kumAryazca bhojanIyAH | dhanArthaM bilvapatraiH pUjA vazyArthaM karavIrajaiH || japAkusumairvA putrArthaM tulasIdalaiH | tuSTyarthaM paGkajaiH | mahAkAryArthaM prayoge tu SoDazamASaiH svarNamUrtiM kRtvA kalazasthApanaM ca kRtvA tadagre ghaTArgalayantre SaTkoNayantre vA dIpaM sthApayet | mahati kArye UnapaJcAza49 ddinAni madhye caturviMzatidinAni 24 tadardhamalpe 12 | evameva mUrteH svarNaparimANamapi bodhyam | mahati kArye brAhmaNAH 3 prayogakartAraH | alpe eka eva | nigrahe tu | sarvAbAdhAprazamanamityasyAgre evamuktvA samutpatyeti paThet | asminprayoge tarpaNamapi kuryAt | trayodaza pAtrANi dugdhenApUryAdyantayoH puSpAMjaliM datvA pratizlokaM prathamAdhyAyadevatAM tarpayAmi iti prayogeNa tarpayet | tathA trayodazasvagniSu kramAttadadhyAyadevatA AvAhya sampUjya pratimantramoM prathamAdhyAyadevatAyai namaH svAheti mantreNa pAyasena juhuyAt pratyadhyAyaM vA paThet | dIpeSu akSatapuJjeSu jalapAtreSu agniSu kumArISu vA kArya ityupadezaH | athaitatstotrapAThe DAmarakalpoktanavArNasampuTIkararNaprayogavidhiH | tatrAdau taduddhAraH- aiM bIjamAdIndusamAnadIptiM hrIM sUryatejodyutimadvitIyam | klIM cApi vaizvAnaratulyarUpaM tRtIyamAnantyasukhAya cintyam | cAzuddhajAmbUnadakAntisUryaM muM paJcamaM vestutaraM prakalpyam | DAM SaSThamugrArtiharaM sunIlaM yai saptamaM kRSNataraM ripughnam || vipANDuraM tvaSTamamAdisiddhaM cce dhUmravarNaMnavamaM vizAlamiti || aiM hrIM klIM cAmuNDAyai vicce | iti navAkSaro mantraH | asya prayogaH | nAbhimAtrejale sahasrajapAtkavitAsiddhiH | ayutajape rAjabandhanasaMkaTAdibhyo mokSaH | asminnavAkSare mantre mahAlakSmIrvyavasthitA | p. 93) tasmAtsusiddhaH sarveSAM sarvadikSu pradIpakaH || ityetenAsya siddhAdicakrazodhanaM nAstIti sUcitam | navAkSarasya RSayo brahmaviSNumahezvarAH | chandAMsyuktAni munibhirgAyatryuSNiganuSTubhaH || devyaH proktA mahApUrvA kAlI lakSmI sarasvatI | nandA zAkambharI bhImAH zaktayo'sya manoH smRtAH || syU raktadantikA durgAbhrAmaryo bIjasaJcayAH | agnivAyubhagAstattvaM phalaM vedatrayodbhavam || sarvAbhISTaprasidhyarthaM viniyoga udAhRtaH | atha prayogaH | asya zrInavArNamantrasya brahmaviSNumahezvarA RSayaH gAyatryuSNiganuSTubhazchandAMsi | mahAkAlImahAlakSmImahAsarasvatyo devatAH nandAzAkambharIbhImAH zaktayaH | raktadantikAdurgAbhrAmaryo bIjAni agnirvAyubhagAstattvAni sarvAbhISTasiddhyarthaM jape viniyogaH | tataH RSyAdinyAsaM kuryAt | yathA- brahmaviSNumahezvarebhyo namaH zirasi | gAyatryuSNiganuSTupchandobhyo namo hRdi | nandAzAkambharIbhImAzaktibhyo namaH dakSiNastane | zrIraktadantikAdurgA bhrAmarIbIjebhyo namaH vAmastane | agnivAyusUryatatvebhyo namaH hRdaye | uktaM ca- RSizchandodevatAni ziromukhahRdi nyaset | stanayoH zaktibIjAni tattvAni hRdaye punaH || atha vizeSamAha- mantrANAM pallavo vAso mantrANAM pallavaH ziraH | ziraHpallavasaMyukto mantraH puSTAdisAdhakaH || huMkArapallavopeto mAraNe brAhmaNaM vinA | yantrabhaJjanakAryeSu sughorabhayanAzane || p. 94) vaSaDantaH prakalpayastu grahavAdhAvinAzakaH | uccATane tu samprokto mantraH phaTpallavAnvitaH || ete pallavAstu tattatkarmaNi caNDIpAThepi zlokAdau yojyAH | tathA nyAsahIno bhanenmUke mRtaH syAcchirasA binA | apAstavAso nagnaH syAt suptaH syAdAsanaM vinA || guruM vinA vithA mantraH savyajApastu zUnyakaH | nirvIryo duSTadattaH syAdanyabIjastu kIlitaH || duSTadattaH duSTAya datta ityarthaH | devachandarSihIno yaH sa tu supto bhujaGgamaH | mUkAdayo mantrA varjyAH | vaidike na pallavAdivicAraH | hrIM caNDikAyai ityanenAsya mantrasya stotrasya ca SaDaGgakaranyAsau | hRdayAya namaH | zirase svAhA | zikhAyai vaSaT | kavacAya hum | netratrayAya vauSaT | astrAya phaDiti kramaH | astraM sarvadikSu bodhyam | navabIjamantrAnte caNDikA tRptyatAmiti mantreNa tarpaNam | evaM homAdiSu jJeyam | atha yantramAha | likhedaSTadalaM padmaM kuGkumAgurucandanaiH | tatazcaturviMzadalaM nUpureNa samanvitam || padmamadhye likheccakraM SaTkoNaM caNDikAmayam | SaTkoNacakramadhyasthamAdyaM bIjatrayaM nyaset || tatra madhyabIje mahAlakSmIH | taddakSiNe mahAkAlI vAme sarasvatI | pUrvAdiSu SaTsu koNeSu bIjAnyanyAni vinyaset | idaM pUjAyantram | padmAsanAdyanyatamamAsanam | tathA saptazatIzlokairnyAsaH | khaGginIzUlinItyAdi paThitvA zlokapaMcakam | AdyaM kRSNataraM bIjaM dhyAtvA sarvAMgakaM nyaset | AdyAtmaikamiti | zUlena pAhi no devItyAdizlokacatuSTayam | paThitvA sUryasadRzaM dvitIyaM sarvato nyaset | p. 95) dvitIyaM | grImiti | sarvasvarUpa ityAdizlokAnAM paJcakaM punaH paThitvA sphaTikAbhAsaM tRtIyaM sarvato nyaset | tRtIyaM klIM miti | uktaireva zlokairAvRttidvayena SaDaMganyAsopi kvaciduktaH | tataH SaDaMgaM kurvIta vibhaktairmUlavarNakaiH | ekenaikena vaikena caturbhiryugalena ca || samastena ca mantreNa kuryAdaMgAni SaT sudhIH | evaM nyAsavidhiM kRtvA sRSTimudrAM vilokayet || tataH pariSiJcya pUjArthaM dravyANi navabIjataH | talapRSThodbhavAM mudrAM datvAstreNAvaguNThyet || arghapAtraM pratiSThApya pUrayecchubhavAriNA | gandhapuSpAkSatatAMstatra vinyasya nRpanandana || dhyAtvA sarvANi tIrthAni hastau datvAbhimantrayet | rakSArthaM tasya kartavyA cakramudrAstasaMyutA || arghodakena saMskAraM pUjAdravyasya pUrvavat | atha mahAkAlyAdidevatAtrayadhyAnam | khaDgaM cakragadeSucApaparighAn zUlaM bhuzuNDIM ziraH zaMkhaM saMdadhatIM karaistrinayanAM sarvAMgabhUSAvRtAm | nIlAzmadyutimAsyapAdadazakAM seve mahAkAlikAM yAmastaucchayite ddarau kamalajo haMtuM madhuM kaiTabham || 1 || akSasrakparazuM gadeSukulizaM padmaM dhanuH kuNDikAM daMDaM zaktimasiM ca carma jalajaM ghaMTAM surAbhAjanam | zUlaM pAzasudarzane ca dadhatIM hastaiH pravAlaprabhAM seve sairibhamardinImiha mahAlakSmIM sarojasthitAm || 2 || ghaMTAMzUlahalAni zaMkhamuzale dhanuH sAyakaM | hastAbjairdadhatIM ghanAMtaralasacchItAMzutulyaprabhAm | gaurIdehasamudbhavAM trijagatAmAdhArabhUtAM mahA pUrvAmatra sarasvatImanubhaje zumbhAdidatyArdinIm p. 96) tata uktamaMtraiH paJcopacAraiH pUjAM kRtvA japellakSacatuSTayam | taddazAMzataH pAyasAnnena juhuyAt | pUjite hemaretasi etadevAsya purazcaraNam- mArkaMDeyapurANoktaM nityaM caMDIstavaM paThan | puTitaM mUlamantrasya japenApnoti vAMchitamiti || atha zatacaNDIvidhiH | zaGkarasya bhavAnyA vA prAsAdanikaTe zubham | maNDapaM dvAravedyADhyaM kuryAtsudhvajatoraNam || tatra kuNDaM prakurvIta pratIcyAM madhyatopi vA | snAtvA nityakriyAM kRtvA vuNuyAddaza vADavAn || jitendriyAnsadAcArAnkulInAnsatyavAdinaH | vADavAn brAhmaNAn | vyutpannAM caNDikApATharatAn lajjAdayAvataH | madhuparkavidhAnena svarNavastrAdidAnataH | japArthamAsanaM mAlAM dadyAttebhyopi bhojanam || te haviSyAnnamaznantI mantrArthagatamAnasAH | bhUmau zayAnAH pratyekaM japeyuzcaNDikAstavam || mArkaNDeyapurANoktaM dazakRtvaH sucetasaH | navArNaM caMDikAmantraM japeyuzcAyutaM pRthak || pRthak sampuTIkaraNajapAditi zeSaH | pratyekaM brAhmaNairayutajapaH kAryaH | athASTamInavamIcaturdazIpaurNamAsISu yathA zatAvRttisamAptirbhavati tathA prArambhaH kartavya iti sAmpradAyikAH | yajamAnaH pUjayecca kanyAnAM navakaM zubham | dvivarSAdyA dazAMtAstAH kumArIH paripUjayet | ekAbdAyAH prItyabhAvAdrudrAbdA tu vivarjitA | p. 97) tAsAM krameNa nAmAni- kumArI 1|2 trimUrtiH 2|3 kalyANI 3|4 ropiNI 3|4 rohiNI 4|5 kAlikA 5|6 caNDikA 6|7 zAmbhavI 7|8 durgA 8|9 subhadrA 9|10 etaireva nAmamaMtraiH tAsAM pUjA | tAsAmAvAhane maMtraH procyate zaMkaroditaH | yathA- maMtrAkSaramayIM lakSmIM mAtaNAM rUpadhAriNIm | navadurgAtmikAM sAkSAtkanyAmAvAhayAmyaham | ityAvAhya pUjayet | maMtro yathA- jagatpUjye jagadvaMdye sarvazaktisvarUpiNi | pUjAM gRhANa kaumAri jaganmAtarnamostu te || 1 || tripurAM tripurAdhAraM trivargajJAnarUpiNIm | trailokyavaditAM devIM trimUrtiM pUjayAmyaham || 2 || kalAtmikAM kalAtItAM kAruNyahRdayAM zivAm | kalyANajananIM devIM kalyANIM pUjayAmyaham || 3 || aNimAdiguNAdhArAmAkArAdyakSarAtmikAm | anaMtazaktikAM lakSmIM rohiNIM pUjayAmyaham || 4 || kAmacArIM zubhAM kAMtA kAlacakrasvarUpiNIm | kAmadAM karuNodArAM kAlikAM pUjayAmyaham || 5 || caDavIrAM caMDamAyAM caMDamuMDaprabhaJjanIm | pUjayAmi sadA devIM caMDikAM caDavikramAm || 6 || sadAnaMdakarIM zAMtAM sarvadevanamaskRtAm | sarvabhUtAtmikAM lakSmIM zAmbhavIM pUjayAmyaham || 7 || durgame dustare ghore bhavaduHkhavinAzinIm | pUjayAmi sadA bhaktyA durgAM durgArtinAzinIm || 8 || suMdarIM svaNavarNAbhAM sukhasaubhAgyadAyinIm | subhadrajananIM devIM subhadrAM pUjayAmyaham || 9 || p. 98) etairmantraiH purANoktaistAM tAM kanyAM samarcayet | tatra hInAdhikAGgI kuSThavraNayutA andhA kANA kurUpA kekarA romayugdehA dAsIjA rogiNya ityevamAdyA varjyAH | viprAM sarveSTasaMsiddhyai yazase kSatriyodbhavAm | vaizyajAM dhanalAbhAya putrAptyai zUdrajAM yajediti || gandhapuSpadhUpadIpabhakSyabhojyairyathAzaktivastrAbharaNaizca pUjayet | atha pUjanaprakAraH | vedyAM viracite ramye sarvatobhadramaNDale | ghaTaM saMsthApya vidhivattatrAvAhyArcayecchivAm || tadagre kanyakAzcApi pUjayedbrAhmaNAnapi | upacAraistu vividhairnavArNavarNAnapi || tatra- oM kAraH prathamaM pIThaM pUrNapIThamataH param | tRtIyaM kAmapIThaM ca pUjayetsampradAyataH || pUrvAdidikSu pIThasya gaNezAdicatuSTayam | gaNezakSetrapAlau ca pAduke vaTukAstrayaH || AgneyAdicaturdikSu pUjya devIcatuSTayam | jayA ca vijayA caiva jayantI cAparAjitA || pUrvoktayantre pUrvakoNe sarasvatIsahito brahmA | zrIsahito viSNurnai-Rtye umayA sahitaH zivo vAyavye | SaTkoNacakramadhyasthamadhyabIje mahAlakSmIH | taddakSiNe mahAkAlI | tadvAme mahAsarasvatI | uttare siMhaH | dakSiNe mahiSaH | SaTkoNacakreSu nandajA 1 raktadantikA 2 zAkambharI 3 durgA 4 bhImA 5 bhrAmaryaH 6 | savindunAmAdyavarNADhyAstArAdyAzcAsAM nAmamantrAH pUjAdau jJeyAH | oM nandajAyai nama iti prayogaH | aSTapareSu brahmANI 1 mAhezvarI 2 kaumArI 3 vaiSNavI 4 vArAhI 5 nArasiMhI 6 indrANI 7 cAmuNDA 8 p. 99) uktarItyA nAmamantraiH pUjyAH | oM braM brahmANyai nama ityAdi prayogaH | tato viSNumAyAdicaturviMzatidevatAzcaturviMzatipatreSu prAgAdikrameNa nAmamantraiH pUjyAH | tAzca | viSNumAyA 1 cetanA 2 buddhiH 3 nidrA 4 kSudhA 5 chAyA 6 zaktiH 7 tRSNA 8 kSAntiH 9 jAtiH 10 lajjA 11 zAntiH 12 zraddhA 13 kIrtiH 14 lakSmIH 15 dhRtiH 16 vRttiH 17 zrutiH 18 smRtiH 19 dayA 20 tuSTiH 21 puSTiH 22 mAtA 23 bhrAntiH 24 nAlamUle tu AdhAraH 1 kUrmaH 2 zeSaH 3 pRthvI 4 bhUpurakoNeSu gaNezaH | 1 kSetrapAlaH 2 vaTukaH 3 yoginI 4 | ete pUjyAH | pUrvAdidikSu krameNa indrAdyAH | indraH 1 agniH 2 yamaH 3 nir- RtiH 4 varuNaH 5 vAyuH 6 saumyaH 7 IzAnaH 8 anantaH 9 brahmA 10 | tato vajrAdyAH | vajraM 1 zaktiH 2 daNDaH 3 khaDgaH 4 pAzaH 5 aMkuzaH 6 gadA 7 trizUlam 8 cakram 9 padmam 10 pUjyAH | evaM caturdinaM kRtvA paJcame homamAcaret | tatra prathamadine ekA vRttiH | dvitIyadine dve tRtIye tisraH | caturthe catasraH | pratibrAhmaNam | homadravyANi- pAyasAnnaistrimadhvAktairdrAkSAraMbhAlaphalAdibhiH | mAtuliGgairikSudaNDairnArikelaiH puraistilaiH || jAtIphalairAmraphalairanyairmadhuravastubhiH | saptazatyA dazAvRttyA pratimantraM hutaM caret || ayutaJca navArNena sthApite'gnau vidhAnataH | kRtvA varaNadevAnAM homaM tannAmamantrataH || kRtvA pUrNAhutiM samyak devamagniM visRjya ca | abhiSiJcecca yaSTAraM vipraughaH kalazodakaiH || niSkaM suvarNamathavA pratyekaM dakSiNAM dizet | bhojayecca zataM viprAn bhakSyabhojyaiH pRthagvidhaiH || p. 100) tebhyopi dakSiNAndatvA gRhNIyAdAziSastataH | evaM kRte jagadvazyaM sarvaM nazyantyupadravA iti || etaddazaguNaM kuryAccaNDIsAhasrake vidhim | vidyAvataH sadAcArAn brAhmaNAnvRNuyAcchatam || pratyekaM caNDikApAThAnvidadhyuste dizAmi tAn | caturdinairuktarItyeti zeSaH | ayutaM prajapeyuste pratyekaM navavarNakam || pUrvoktAH kanyakAH pUjyAH pUrvamantraiH zataM zubhAH | vedAhamevaM sampAdya homaM kuryuH prayatnataH || saptazatyAzzatAvRttyA pratimantravidhAnataH | lakSasaGkhyAnavArNena pUrvoktairdravyasaJcayaiH || hotRbhyo dakSiNAM dattvA pUrvoktAnbhojayeddvijAn | sahasrasammitAn sAdhUndevyArAdhanatatparAn || evaM sahasrasaMkhyAke kRte caNDIvidhau nRNAm | siddhatyabhIpsitaM sarvaM duHkhaughazca vinazyati || mArIdurbhikSarogAdyA nazyanti vyasanoccayAH | etaddazaguNo vidhirayutacaNDyAM taddazaguNo vidhirlakSacaNDyAM zatabrAhmaNaireva vA catvAriMzaddinairayutacaNDI kAryA | tatra prathame dazake ekaikA vRttiH dvitIyadazake dve tRtIye tisraH caturthe catasraH | ityAdi bodhyamiti | atha caNDIpAThahome kavacamantreNa homaniSedhaH | andhakazca mahAdaityo durgAhomaparAyaNaH | kavacAhutimAtreNa mahezena nipAtita iti || tatra kavacam | zUlena pAhItyAdi zlokacatuSTayam | tadAhuticatuSTayam mahAlakSmyai svAhetyevetyabhiyuktAH | atha prayogakramaH | tantroktavidhinA zivAlaye vA maNDapaM vidhAya tanmadhye vedIM p. 101) ca nirmAya pratIcyAM kuNDamadhye vA kRtvA | kRtanityakriyaH svastivAcanaM kRtvA saGkalpa kuryAt | yathA | oM tatsat adyetyAdyamukagotrasyAmukazarmaNo mama saparivArasya sarvAvAdhAprazamanapUrvakazatrucaurarAjazastrAnalahetukabhayA- bhAvatrividhotpAtazamanadhanadhAnyasutAnvitatvanirbhayatvasarva- saMkaTavimuktibalapuSTidhanavRddhisukhasaumanasyanairujyaprAptikAmo'- dyAdi yathAkAlaM zatacaNDIvidhAnamahaM kariSye | iti saGkalpaM vidhAya | mAtRkAsthApananAndIzrAddhe vidhAya puroktalakSaNAndaza brAhmaNAn madhuparkavastrahemAdinA vRNuyAt | te ca yajamAnadattAsaneSu taddattamAlAbhiH svasthacittA bhagavatIM smarantaH saptazatImUlamantreNa vedyAM sarvatobhadre svarNarajatatAmrAdyanyatamaM ghaTaM sthApayitvA tatra durgAmAvAhya SoDazopacAraiH sampUjya tadagre pratyekaM dazakRtvaH saptazatImayutaM ca navArNaM japeyuH | haviSyabhojanabrahmacarya- bhUzayanAspRzyAsparzAdiniyamAMzcareyuH | yajamAnazca vastrAlaGkAravividhapakvAnnadAnAdinA uktalakSaNalakSitAH | kanyA AvAhya jagatpUjyetyAdisvasvamantraiH pUjayet | evaM catvAri dinAni japaM kumArIpUjAM samApya paJcamadine kuNDe sthaNDile vA''gamoktavidhinA vahniM sasthApya pAyasAnnAdibhiruktadravyairjuhuyAt | saptazatyAH pratizlokaM dazavAraM navArNenAyuta ca home saMkhyA ekaiko dvijaH sakRtsaptazatIpratizlokaM sahasraM mUlena juhuyAt | tata AvaraNadevatAnAM nAmamantraistArAdisvAhAntairekaikAmAhutiM datvA kumbhasthAM devIM sampUjya balidAnaM vidhAya hotRbhyaH pratyekaM niSkaM niSkaM azaktau suvarNamitaM svarNaM dadyAt | iti zatacaNDIprakAraH | atha sahasracaNDIvidhAnam | yathA | tatra zatavipravaraNam | ete zataM brAhmaNAH pratyekaM daza daza saptazatIpAThAnkuryuH | ayutamayutaM navArNajapaM ca kuryuH zatakanyAzca bhojyAH pUjyAzca | evaM dazadineSu samApteSu ekAdaze'hni p. 102) saptazatIzatAvRttyA pratizlokaM lakSasaMkhyo navArNairhomaH | zeSaM pUrvavat | iti sahasracaNDIvidhAnam | evaM sahasracaNDIdazaguNo'yutacaNDIvidhiH | taddazaguNo lakSacaNDIvidhiriti | jape home dakSiNAyAM kumArIbhojane brAhmaNabhojane ca dazaguNatvamiti | atha prayogAntarANi kAtyAyanItantroktAni | pratimantramAdyantayoH praNavaM japenmantrasiddhiH | agre sarvatra zlokapadaM mantropalakSaNam | sapraNavamanulomavyAhRtitrayamAdAvante tu vilomaM tadityevaM pratizlokaM kRtvA zatAvRttipAThe'tizIghraM siddhiH || 1 || pratizlokamAdau jAtavedasa iti RcaM paThetsarvakAmasiddhiH || 2 || Rcamapi likhyate | jAtavedase sunavAmasomamarAtIyatonidahAti vedaH | sanaH parSadatidurgANi vizvAnAveva sindhuM duritAtyagniH | iti Rk | apamRtyuvAraNAya AdAvante zataM tryambakamantraM japet || 4 || pratizlokaM tanmantrajapa ityanyat || 5 || pratizlokaM zaraNAgatadInArttazlokaM paThet sarvakAryasiddhiH || 6 || pratizlokaM karotu sA naH zubhaheturIzvarItyarddhaM paThetsarvakAmAptiH || 7 || svAbhISTavaraprAptyai evaM devyA varaM labdhveti zlokaM pratizlokaM paThet || 8 || sarvApannivAraNArthaM pratizlokaM durge smRteti paThet || 9 || asya kevalasyApi zlokasya kAryAnusAreNa lakSamayutaM sahasraM zataM vA japaH || 10 || sarvA bAdhetyasya lakSajape zlokoktaM phalam || 11 || itthaM yadA yadeti zlokasya lakSajape mahAmArIzAntiH || 12 || tato vabre nRpo rAjyamiti mantrasya lakSajape punaH svarAjyalAbhaH || 13 || hinasti daityatejAMsItyanena sadIpabalidAne ghaNTAbandhane ca bAlagrahazAntiH || 14 || AdyAvRttimanulomena paThitvA tato viparItakrameNa dvitIyAM p. 103) kRtvA punaranulomenetyevamAvRttitrayeNa ukteSu prakAreSu zIghraM kAryasiddhiH || 15 || sarvApannivAraNAya durge smRtetyardham | tataH yadantike yacca dUrake bhayaM vindati mAmiha | pavasAnarItaJjahi iti RcaM tadante dAridryaduHkhetyarddhamevaM kAryAnusAreNa lakSamayutaM sahasraM vA zataM japaH || 16 || kAMsosmi tAM hiraNyaprAkArAmArdrAM jvalantIM tRptAM tarpayantIM padme sthitAM padmavarNAM tAmihopahvaye zriyam || iti RcaM pratizlokaM paThellakSmIprAptiH || 17 || pratizlokamanRNA asminniti mantraM paThedRDhaparihAraH || 18 || mAraNArthamevamuktvA samutpatyeti pratizlokaM paThet || 19 || mAraNoktavRttibhiH phalasiddhiH || 20 || jJAninAmapi cetAMsIti zlokajapamAtreNa sadyomohanamityanubhavasiddham || 21 || pratimaMtraM tat zlokapAThe tvavazyaM mohanam || 22 || rogAnazeSAniti zlokasya pratizloke pAThe sakalaroganAzaH || 23 || tanmAtrajapepi saH || 24 || ityuktA sA tadA devI gambhIreti zlokasya pratizlokapAThe pRthagjape vA vidyAprAptiH || 25 || vAgvaikRtanAzazca || 26 || bhagavatyA kRtaM sarvamityAdi dvAdazottarazatAkSaro mantraH sarvakAmadaH sarvApannivArakazca || 27 || devi prapannArtihare iti zlokasya yathAkAryaM lakSAyutasahasrazatAnyatame japepratizlokapAThe vA sarvApannivRttiH sarvakAmAvAptizca || 28 || eSu prayogeSu pratizlokaM kevaladIpanamaskAreNa vA siddhiH || 29 || pratizlokaM kAmabIjasaMpuTitasyaikacatvAriMzaddinaM trirAvRttau sarvakAmasiddhiH || 30 || p. 104) ekaviMzatidinamuktarItyA pratyahaMdvAdazAvRttau vazIkaraNam || 31 || mAyAbIjasampuTitasya kUTapallavasahitasya saptadinaparyantaM trayodazAvRttAvuccATanasiddhiH || 32 || ekonapaJcAzaddinaparyantaM pratizlokaM zrIbIjasampuTitasya paJcadazAvRttyA lakSmIprAptiH || 33 || atha kAmAnAbhedena dhyAnabhedaH | vazye raktaM pauSTike karburam | uccATane dhUmraM mAraNe kRSNaM santAnArthaM nIlotpaladalazyAmam | ratnAkAradhyAnaM sarvakAmadaM yuddhe kAlAgnisamaM jalabhayemahAzoSayuktaM viSAdibhaye pIyUSavRSTiyuktapUrNacandrasadRzaM dhyAyet || iti zrIjIvanAthakRte dIkSAprakAze saptazatIpAThavidhiH | atha pArthivapUjAprakAraH | oM sadyojAtaM prapadyAmi sadyojAtAya vai namaH | bhave bhavenAtibhave bhavasya mAM bhavodbhavAya namo namaH | iti mantreNa mRttikAgrahaNam | oM vAmadevAya namo jyeSThAya namaH zreSThAya namo rudrAya namaH | kAlAya namaH kalavikaraNAya namo balavikaraNAya namo balAya namo balapramathanAya namaH sarvabhUtadamanAya namo manonmanAya namaH | iti mantreNa jalakSepaH | tataH oM aghorebhyotha ghorebhyo'ghoraghoratarebhyaH sarvebhyaH sarvasarvebhyo namastestu rudrarUpebhyaH | iti liGgakaraNam | oM tatpuruSAya vidmahe mahAdevAya dhImahi tanno rudraH pracodayAditi bANaM kuryAt | oM IzAnaH sarvavidyAnAmIzvaraH sarvabhUtAnAM brahmAdhipatirbrahmaNodhipatirbrahmA zivo me'stu sadA zivom | iti vedikAyAM bANaM saMyojya dhyAyet | tadyathA- oM dhyAyennityaM mahezaM rajatagirinibhaM cArucandrAvataMsaM ratnAkalpojjvalAGgaM parazumRgavarAbhItihastaM prasannam | p. 105) padmAsInaM samantAtstutamamaragaNairvyAghrakRttiM vasAnaM vizvAdyaM vizvabIjaM nikhilabhayaharaM paJcavaktraM trinetram || karpUragauraM karuNAvatAraM saMsArasAraM bhujagendrahAram | sadA ramantaM hRdayAravinde bhavaM bhavAnIsahitaM namAmi || kailAsapIThAsanamadhyasaMsthaM bhaktaizca nandyAdibhirarcyamAnam | bhaktArtidAvAnalamaprameyaM dhyAyedumAliGgitamindubhUSam || iti dhyAtvA bilvapatraM sagandhapuSpAkSataM gRhItvA oM manojyotiriti mantreNa pratiSThAM kuryAt | mantro yathA- oM manojyotirjuSatAmAjyasya bRhaspatiryajJamimaM tanotvariSTaM yajJa/ samimaM dadhAtu vizve devA sa iha mAdayantAmoma pratiSTha | tata imaM paThet- svAmin sarvajagannAtha yAvatpUjAvasAnakam | tAvattvaM prItibhAvena liGge'smin sannidhiM kuru || tataH pAdyam | oM bhavAya bhavanAzAya mahAdevAya dhImahi | ugrAya cogranAzAya sarvAya zazimauline namaH | zivAya idaM pAdyam | oM sAmbazivAya namaH | idamarghyaM svAhA | idamAcamanIyaM svadhA | imaM madhuparkaM svadhA | idamanulepanam | etAni puSpANi | oM sAmbazivAya vauSaT || bilvapatrANi dattvA | oM zarvAya kSitimUrtaye namaH | aizAnyAm | oM bhavAya jalamUrtaye namaH prAcyAm | oM rudrAyAgnimUrtaye namaH | AgneyyAm | oM ugrAya vAyumUrtaye namaH dakSiNasyAm | oM bhImAyAkAzamUrtaye namaH | nair-RtyAm | oM pazupataye yajamAnamUrtaye namaH | vAruNyAm | oM mahAdevAya somamUrtaye namaH | vAyavyAm | oM IzAnAya sUryamUrtaye namaH | uttarasyAm | oM namaH zivAyeti puSpAJjaliM dadyAt | eSa p. 106) dhUpaH namaH | eSa dIpaH namaH | etAni naivedyAni nivedayAmi | idaM tAmbUlaM namaH | tataH | namaH | oM kArarUpAya namo namokSaravapurbhRte | namo nAdAtmane tubhyaM namo bindukalAtmane | aliGgaliGgarUpAya rUpAtIyAya te namaH | tvaM mAtA sarvalokAnAM tvameva jagataH pitA || tvaM bhrAtA tvaM suhRnmitraM tvaM priyaH priyarUpadhRk | tvaM gurutvaM gatiH sAkSAt tvaM pitA tvaM pitAmahaH || namaste bhagavan rudra bhAskarAmitatejase | namo bhavAya rudrAya umayA sahitAya ca || sarvAya kSitipAlAya sadAsurabhide namaH | pazUnAM pataye caiva pAvakAmitatejase || bhImAya vyomarUpAya zabdamAtrAya te namaH | mahAdevAya somAya amRtAya namo namaH || ugrAya yajamAnAya namaste karmayogine | oM harAya namaH | oM mahezvarAya namaH | oM zUlapANaye namaH | mRttikAgrahaNam | nirmANaM kuryAt | prANapratiSThA | oM zUlapANe iha supratiSThito bhava | oM manojyotiriti paThet oM pinAkadhRSe namaH || oM pazupataye namaH | oM zivAya namaH | AvAhanaM ihAgaccha | iti snapanaM kuryAt | pUjanam | oM mahAdevAya namaH | visarjanam | pArthivasya ca liGgasya yanmayA pUjanaM kRtam | anena bhagavAn rudro vAJchitArthaM prayacchatu || iti praNamya liMgAni visarjayet | namo bhavAya rudrAya zivAya ca namo namaH | IzAnAya vRSAMkAya bhImogrAbhyAM namo namaH || mahAdevAya guptAya vAsudevapriyAya ca | p. 107) vAsudevAya zAntAya tathomApataye namaH || namazca nIlakaMThAya zitikaMThAya te namaH || gopate zaMkarAyaiva sadA sarvamayAya ca || prAtassampUjya sAyaM ca kRtAJjalipuTaH sthitaH | UnaviMzatinAmAni paThate yo narottamaH || sa pApairmucyate sarvairdivi devaizca pUjyate | tasya stotrasya paThanAddahetpApaM zivaM vrajet || vAraM vAraM praNamet | arddhacandrAkAraM pradakSiNAM kuryAt | gaccha gaccha paraM snAnaM svasthAnaM paramezvara | pUjArAdhanakAle ca punarAgamanAya ca || oM sAmba ziva pUjitosi prasIda ziva svasthAnaM gaccheti vadet | atha zivarAtrau praharacatuSTaye pUjAvidhiH | na snAnena na vastreNa na ca dhUpena nArcayA | tuSyAmi na tathA puSpairyathA rAtryupavAsataH || tato rAtrau prakartavyaM zivaprINanatatparaiH | prahare prahare snAnaM pUjA caiva vizeSataH || atra vIpsayA praharacatuSTayapUjanaM pratIyata iti | narasiMhacaryAyAm- zaivo vA vaiSNavo vApi yadi syAdanyapUjakaH | sarvaM pUjAphalaM hanti zivarAtribahirmukhaH || saMvatsarapradIpe- dugdhena prathamaM snAnaM dadhnA caiva dvitIyake | tRtIye tu tathAjyena caturthe madhunA tathA || IzAnasaMhitAyAm- phAlgune kRSNacaturdazyAM ravivAro yadA bhavet | bhaumo vApi bhaveddevi kartavyaM vratamuttamam || p. 108) zivayogasya yogena tadbhaveduttamottamam | zivarAtrivrataM nAma sarvapApavinAzanam || AcANDAlamanuSyANAM bhuktimuktipradAyakam | nAgarakhaNDe- upavAsaprabhAveNa balAdapi ca jAgarAt | zivarAtrestathA tasya liGgasyApi prapUjanAt || akSayAn labhate kAmAnzivasAyujyamApnuyAt || padmapurANe- varSe varSe mahAdevi naro nArI pativratA | zivarAtrau mahAdevaM kAmabhaktyA prapUjayet || IzAnasaMhitAyAm- evameva vrataM kuryAtpratisaMvatsaraM vratI | caturdazAbdikaM taddhi caturviMzAbdikaM tathA || sarvAn kAmAnavApnoti sarvapApaiH pramucyate | atha prayogaH | prAtarudaGmukhaH | oM tatsadityuccArya sUryasoma iti paThitvA jalAdInyAdAya | zivarAtrivrataM hyetatkariSye'haM mahAphalam | nirvighnamastu me cAtra tvatprasAdAjjagatpate || ityanena vrataniyamagrahaNaM kuryAt | punarjalamAdAya | oM saubhAgyAdisamastabhogamokSAvAptikAmaH zivarAtrivratamahaM kariSye || iti || tato mantraM paThet | caturdazyAM nirAhAro bhUtvA zambhoH pare'hani | bhokSyehaM bhuktimuktyarthaM zaraNaM me bhavezvara || tato rAtrau prathamaprahare pratiSThite liGge apratiSThite vA pratiSThAM vidhAya pUjAM kuryAt | haH astrAya phaDiti pAdaghAtatrayeNa bhUmiM niHsArya tenaiva tAlatrayeNa karatruTikayA digbandhanaM bhUtazuddhyAdikaM p. 109) ca vidhAya | hAM hRdayAya namaH | hIM zirase svAhA | hrUM zikhAyai vaSaT | hauM kavacAya huM | hauM netratrayAya vauSaT | haH astrAya phaT iti tAlatrayam | chotikayA dazadigbandhanaM kRtvA haumiti mantreNa prANAyAmaM vidhAya pArthivazivaliMge uktavidhinA zivaM pUjayet | tatrAyaM vizeSaH | hauM IzAnAya namaH | prathamaprahara dugdhena snapayitvA punarjalena snapayet | tataH- zivarAtrivrataM deva pUjAjapaparAyaNaH | karomi vidhivaddAnaM gRhANArghaM mahezvara || ityanenArghyaM dattvA gandhAdibhiH pUjayitvA praNamya gItavAdyastavapAThatatkathAzravaNAdibhiH praharaM nayet | taddhyAnaM tajjapaH snAnaM tatkathAzravaNAdikam | upavAsakRto hyete guNAH proktAH purAtanaiH || atha dvitIyaprahare | hauM oM aghorAya namaH | iti gandhasnAnam || tataH oM namaH zivAya zAntAya sarvapApaharAya ca | zivarAtrau dadamyarghyaM prasIda umayA saha || ityarghyaM dattvA pUjAdikaM pUrvavat | tatastRtIyaprahare | oM hauM sadyojAtAya namaH | iti ghRtena snAnam | arghyamantrastu | duHkhadAridryazokena dagdhohaM pArvatIpriya | zivarAtrau dadAmyarghyamumAkAnta prasIda me || anyatprathapraharavatkuryAt | caturthaprahare | oM hauM tatpuruSAya namaH | iti madhunA snAnam | arghyamantrastu- mayA kRtAnyanekAni pApAni hara zaGkara | zivarAtrau dadAmyarghyamumAkAnta gRhANa me || anyatpUrvavat | tataH oM namaH zivAyeti mUlamantraM japtvA avighneneti mantraM paThet | p. 110) mantro yathA- oM avighnena vrataM devaM tvatprasAdAtsamarpitam | kSamasva jagatAM nAtha trailokyAdhipate hara || yanmayAtra kRtaM puNyaM tacca tubhyaM niveditam | tvatprasAdAnmahAdeva vratamadya samarpitam || prasanno bhava me deva sadgatiM dehi zaMkara | tvadAlokanamAtreNa pavitrosmi na zaMsayaH || tataH paradine brAhmaNAn bhojayitvA mantraM paThet | yathA- saMsAraklezadagdhasya vratenAnena zaGkara | prasIda sumukho bhUtvA jJAnadRSTiprado bhava || ityuktvA smaraNaM kuryAt | iti zivarAtripUjAvidhAnaM sampUrNam | atha zivapUjAyAM vizeSaH | rAtrAvudaGmukhaH kUryAtpUjAM pUrvamukho divA | zivAcanaM sadApyevaM zuciH kuryAdudaGmukhaH || sadeti divArAtrau | atra hetuM darzayati rudrayAmale- na prAcImagrataH zambhornodocIM zaktisaMsthitAm | na pratIcIM yataH pRSThamato dakSaM samAzrayet || yajamAnaH | zambhoH prAcImavasthito yajanaM na samAzrayet | zambhorjagatsaMhArakasyAgrataH sAmmukhyAt | paJcavaktrapakSe pradhAnaM vaktraM prAcAntu sthitam | ekavaktrapakSe tadrUpamAhAdityapurANe- saumyamaulIndusUcyakSamekavaktraM caturbhujam | zUlapaMkajahastaM ca varadAbhayapANikam || AyatAkSaM surArAdhyaM sarvAbharaNabhUSitam | p. 111) zivarUpaM gRhe kuryAtprAsAde vApyaninditam || atAgre pUjAniSedhAt | devAgre svasya cApyagre prAcI proktA gurUttamairityasya na viSaya iti kintvabhidhAnAdiprasiddhaprAcI parA grAhyA etadanusArAdeva vakSyamANapUrvAdyAgneyAntapUjA | yatraiva bhAnustu viyatyudeti prAcIti tAM vedavido vadanti | ataH parAM pUjakadevayozca sadA''gamajJAH pravadanti tAM ca || iti vacanAt | atha vizeSaM darzayati liGgapurANe- vinA (1) bhasmatripuNDreNa vinA rudrAkSamAlayA | p. 113) pUjitopi sadA zambhurna syAttasya phalapradaH || tasmAnmRdApi kartavyaM lalATe ca tripuNDrakamiti skandapurANe- rudrAkSaM kaNThedeze dazana 32 parimitaM mastake viMzatI dve 40 SaTSaTkarNapradeze 6|6 karamaNiyugale dvAdaza dvAdazaiva 12|12 p. 114) bAhvorindoH kalAbhiH 16|16 pRthagiti ca zikhAsUtra ekaM1 manuSyaH | vakSasyaSTottaraM 108 yaH kalayati ca zataM saH svayaM nIlakaNTha iti | saMvatsarapradIpe- tripurasya vadhe kAle rudrasyAkSNoH patanti ye | azrUNAM bindavaste tu rudrAkSA abhavan bhuvi || ekadvitrica turyaJca SaT sapta vasavo nava | dazaikAdaza dvAdaza trayodaza caturdaza || eteSAM tu mukhAnAM hi devatA sa ca zaGkara | guhyaM guhyataraM deva kathayasva yathArthataH || zrIzaGkara uvAca | zRNu SaNmukha tattvena vaktre vaktre yathAkramam | ekavaktraH zivaH sAkSAdbrahmahatyAM vyapohati || dvivaktro devadevazca gobadhAdivinAzakaH | trivaktro dahanaH sAkSAdbhrUNahatyAM vyapohati || caturvaktraH svayaM brahmA narahatyAM vyapohati | paJcavaktraH svayaM rudraH kAlAgnirnAma nAmataH || agamyAgamane caiva abhakSyasyApi bhakSaNe | mucyate sarvapApebhyaH paJcavaktrasya dhAraNAt || SaDvaktraH kArtikeyastu dhartavyo dakSiNe bhuje | brahmahatyAdibhiH pApairmucyate nAtra saMzayaH || saptavaktro mahAsena ananto nAma nAgarAT | gurutalpAdibhiH pApairmucyate nAtra saMzayaH || aSTavaktro mahAsenaH sAkSAddevo vinAyakaH | pRSThodakareNApi saMspRzedvA gurustriyam || evamAdIni pApAni hyAtipApAni sarvazaH | vighnAstasya vinazyanti mukto yAti parAM gatim || ete guNA bhavaMtyasya aSTavaktrasya dhAraNAt | p. 115) navAsyo bhairavaH sAkSAddhArayedvAmake bhuje || kApilo muktidaH sAkSAnmama tulyaphalaM labhet | lakSakoTisahasrANi brahmahatyAM karoti yaH || tatsarvaM dahate zIghraM navavaktrasya dhAraNAt | dazavaktro mahAsenaH sAkSAddevo janArdanaH || grahAzcaiva pizAcAdyA vetAlA brahmarAkSasAH | sarpAzca sarve nazyanti dazavaktrasya dhAraNAt || ekAdazAsyarudrANAM rudrA ekAdaza smRtAH | zikhAyAM dhArayennityaM tasya puNyaphalaM zRNu || azvamedhasahasrasya vAjapeyazatasya ca | hemazRGgasya lakSasya samyagdattasya yatphalam || tatphalaM samavApnoti rudravaktrasya dhAraNAt | rudrAkSo dvAdazAsyastu kaNThadeze ca dhArayet || AdityastuSyate nityaM dvAdazArkavyavasthitam | evaM trayodazAsyazca caturdazamukhastathA || anantaphaladAvetau guNaM vaktuM na zakyate | caturdazamukhaM caivaM zilAyAM dhArayedbudhaH || vinA mantreNa rudrAkSaM yo dhatte bhuvi mAnavaH | sa yAti narakaM ghoraM yAvadindrAzcaturdaza || rudrAkSasya pratiSThAyAM mantraH paJcAkSaraH smRtaH | oM tryambakaM vA aghoramantraM vizeSeNa prayojayet | paJcAmRtaM paJcagavyaM snAnakAle prayojayet | alpenApi ca mantreNa rudrAkSasya dvijottama || pratiSThAM vidhivatkuryAttatodhikaphalaM labhet | tato yathA sumantreNa dhArayedbhaktisaMyutaH || athAtra mantro yathA- oM oM bhR/ za/ namaH 1 oM oM namaH 2 oM hrIM namaH 3 oM hraM namaH 4 p. 116) oM huM namaH 5 oM oM hu/ huM namaH 6 oM sa hraM namaH 7 oM haM namaH 8 oM hrIM namaH 9 oM zrIM namaH 10 oM hrIM hUM namaH 11 oM kSAM kSauM namaH 12 oM namaH 13 oM namo namaH 14 atha prakArAntaroktamantrAH- oMaiM 1 oM zrIM 2 oM kUM 3 oM draH 4 oM hrIM 5 oM hrIM 6 oM hrIM 7 oM brUM rAM 8 oM hrAM 9 oM hrIM 10 oM hrIM 11 oM kSauM strIM 12 oM umAM 13 oM namo namaH 14 yathApyekAdi caturdazamukharudrAkSeSu phalamantravizeSAH santi tathApi sulabhatvAtpaJca vaktrarudrAkSaM vidhipUrvakaM dhArayet | paJcavaktraH svayaM rudraH kAlAgnirnAma || nAmataH | AgamyAgamane caiva abhakSyasyApi bhakSaNe | mucyate sarvapApebhyaH paJcavaktrasya dhAraNAt || ityukteH | om. huM nama iti pratyekamaSTottarazataMjaptvAmbhasA prakSAlya dhArayet | liMgapurANe- AyuSmAn balavAn zrImAn putravAndhanavAn sadhIH | varamiSTaM labhelliGgaM pArthivaM yaH samarcayet || tasmAttatpArthivaM liGgaM jJeyaM sarvArthasAdhanam | vArkSaM vittapradaM jJeyaM sphATikaM sarvakAmadam || nArmadaM girijaM zreSThamanyadapIha liMgavat | kAlakaumudyAm- akSAdalpapramANaM hi na liGgaM kutracinnaraH | kurvItAGguSThato hrasvaM na kadAcitsamAzrayediti || akSo'zItiraktikA | brahmapurANe- yAvanna dIyate cArgho bhAskarAya niveditaH | tAvanna pUjayedviSNuM zaGkaraM ca mahezvarIm || sarvatraiva prazasto'bjaH zivasUryArcanaM vinA | p. 117) abjaH zaMkhaH | talliMge pUjayenmantrI sarvadevAn pRthak pRthak | devIpurANe- mRdAharaNasaGghaTTau pratiSThAhvAnameva ca | snapanaM pUjanaM caiva visarjanamataH param || haro mahezvarazcaiva zUlapANiH pinAkadhRk | zivaH pazupatizcaiva mahAdeva iti kramAt || atra pUrvoktasaptakarmaNi paravacanoktasaptanAmabhiH kriyAsvarUpavibhaktimabhidhAya yathAyathaM kAryANi | adRSTArthayorarthakramAsambhave pAThakramAdevAvAhanAtprAk pratiSThA zrAddhe kuzAsanadAnavaditi tatrAnuSThAnam | yathA oM harAya nama iti mRdAharaNam | oM mahezvarAya nama iti saGghaTTanam | oM zUlapANaye nama iti prANapratiSThA | tato dhyAnam- dhyAyennityaM mahezamityAdinA | tataH oM pinAkadhRSe nama ityAvAhya | oM pazupataye nama iti snapanaM vidhAya | oM zivAya nama iti pUjayet | visarjanAtpUrvaM prAcyaizAnyAdyaSTadikSu vAmAvartena pUjayet | oM zarvAya kSitimUrtaye namaH pUrve 1 | oM bhavAya jalamUrtaye namaH aizAnyAm 2 | oM rudrAyAgnimUrtaye nama uttare 3 | oM ugrAya vAyumUrtaye namaH vAyavyAm 4 | oM bhImAyAkAzamUrtaye namaH pazcime 5 | oM pazupataye yajamAnamUrtaye namo nair-RtyAm 6 | oM mahAdevAya somamUrtaye namaH dakSiNe 7 | oM IzAnAya sUryamUrtaye namaH AgneyyAm | mUrtayoSTau zivasyaitAH pUrvAdikramayogataH | AgneyyAntAH prayojyAstu vedyAM liMge zivaM yajet || nAndIpurANe- gobhUvastrahiraNyAdibalipuSpAnnivedayet | jJeyo namaH zivAyeti mantraH sarvArthasAdhakaH || p. 118) sarvamantrAdhikazcAyamoGkArAdyaH SaDakSaraH | bhaviSyapurANe paJcArakSaramupakramya- apavitraH pavitro vA sarvAvasthAM gatopi vA | mahApAtakayuktopi mantrasyAsya japAttathA || adhikArI bhavetsarva iti devo'vravIcchivaH | tathA- sarveSAmeva pAtrANAM paraM nAtra mahezvaraH || patantaM dhArayedyasmAdatIva narakArNavAt | zivamuddizya yaddattaM sarvakAraNakAraNam || tadanantaphalaM dAturbhavatIha kimadbhutam | zivadharme- tasmAtpuSpaphalaistoyaiH patrairapi ca yatphalam | tadantaphalaM jJeyaM bhaktirevAtra kAraNam || bhaviSye- liMgAnulepanaM kAryaM divyagandhaistu gandhibhiH | varSe koTizataM divyaM zivaloke mahIyate || skandapurANe- zuSkANyapi ca patrANi zrIvRkSasya sadaiva tu | dAtavyAni narairbhaktyA zivabhaktimabhIpsubhiH || bhaviSye- dhattUrairapi yo nityaM sakRtpUjayate zivam | golakSaphalaM prApya zivaloke mahIyate || bilvapatrairanartaizca yo liMgaM pUjayet sakRt | sarvapApavinirmuktaH zivaloke mahIyate || yathA ca- sarvakAmapradaM bilvaM mahAdAridryanAzanam || bilvapatrAtparaM nAsti yena tuSyati zaGkaraH | kezakITApaviddhAni nizi paryuSitAni ca || p. 119) svayaM patitapuSpANi tyajedupahatAnyapi | devadArusametaM ca sarvazrIvAsakundurum | zrIphalaM cAjyamizraM ca datvApnoti parAM gatim || sarjaH zAlarasaH kunduruzaileyam | ebhyaH saugandhikaM dhUpaM SaTsahasraguNottaram | aguruM zatasAhasraM dviguNaM cAsitAgrurum || guggulaM ghRtasaMyuktaM sAkSAdgRhNAti zaGkaraH | tailenApi hi yo dadyAdghRtAbhAvena mAnavaH || tena dIpapradAnena zivavadrAjate divi | nandikezvarapurANe- zAlitaNDulaprasthasya kuryAdannaM susaMskRtam | zivAyataM caruM dadyAccaturdazyAM vizeSataH || zivasarvasve ca- ekamAmraphalaM pakvaM yaH zivAya nivedayet | varSANAmayutaM bhogaiH krIDate zivamandire || ekaM mocAphalaM pakvaM yaH zivAya nivedayet | varSalakSaM mahAbhogaiH zivaloke mahIyate || naivedyaM ghRtasaMsaktaM madhupakvaM nivedayet | agniSTomasya yajJasya phalaM prApnoti mAnavaH || zivadharme- liGgavedI bhaveddevI liMgaH sakSAnmahezvaraH | tayoH sampUjanAtsyAtAM devI devazca pUjitau || devIpurANe- davyaM vratettato'savyaM praNAlIM naiva laMghayet | ekIbhUtamato rudraM yaH kuryAttriH pradakSiNam || kSaNAttasya bhavenmuktirna tasya punarudbhavaH | bhaviSye- jAnubhyAM caiva pANibhyAM zirasA ca vicakSaNaH | p. 120) kRtvA praNAmaM devezaM sarvAnkAmAnavApnuyAt | mahAbhArate- sarvalakSaNahInopi yukto vA sarvapAtakaiH | sarvaM tarati tatpApaM bhavAya zirasA naman || tato vAraM vAraM praNamya oM vAmadevAya namaH iti mantreNa saMhAramudrayA visRjya taducchiSTena caNDograzUlapANiM sampUjya viSNunirmAlyayuktazivanirmAlyaM zirasA dhArayet | agrAhyaM zivanirmAlyaM patraM puSpaM phalaM jalam | zAlAgrAmazilAsparzAtsarvaM yAti pavitratAmiti || atha pArthivaliGgAnAM vizeSapUjAprakAraH | zrImantramahAdadhau yathA- sAdhakaH snAtvA nityakarma kRtvA zuci bhUmiM gatvA uparisthAM mRttikAmapAhRtya | hU/ pRthivyai nama ityabhimantrya mRttikAM gRhItvA tAlamavalokya niHzarkarAM kRtvA zuddhapAtre nityazivapUjArthaM nidadhyAt | tataH zubhadine bAlagaNezakumArayormantro harAdikAt saptamanUnapi pUjAsiddhyarthaM sadgurossakAzAdgRhNIyAt | hrIM gaM glauM gaNapataye glauM gaM hrIM iti kumAratantraH | aiM kSuM kSuM klIM kumArAya namaH iti kumAramantraH | oM namo harAya mahezvarAya | oM namaH zUlapANaye | oM namaH pinAkine | oM namaH pazupataye | oM namaH zivAya | oM namo mahAdevAya iti saptamanUnapi saGgRhya zubhadine sveSTasiddhyarthaM zivArcanamArabhet | tadyathA | kRtanityakriyaH sUryAyArghyaM datvA mRttikAmAdAya | vamityabhimantritena jalenAbhiSicya sveSTapramANAM pratimAM piNDayet | tAM pAtre nidhAya saGkalpaM kuryAt | p. 121) sa yathA | amukagotrasyAmukazarmaNo mama manobhilaSitakAryasiddhyarthaM yathAsaMkhyakapArthivaliMgapUjanamahaM kariSye | iti saMkalpya mRtpiNDAn mRdaM gRhItvA gaNapatimantreNa varAbhayalasatpANikamalaM bAlagaNezaM nirmAya pIThe saMsthApya svamantreNa sampUjya haramantreNa oM namo harAya iti mantreNa | zatamAtrAdhikAM mRdaM gRhItvA | oM namo mahezvarAya iti mantreNa aGguSThamAnAdadhikaM vitastyavadhi manoharaM liGgaM tulyapramANaM tulyarUpaM racayet | tataH oM namaH zUlapANaye iti liGgaM pIThe saMsthApeyt | tato'vaziSTamRdA kumAramantreNa kumAraM kRtvA liMgapaMktyante saMsthApya svamantreNa pUjayet | tataH pratiliGgasthaM haram | oM namaH pinAkine iti mantreNa samAvAhya dhyAyet | tadyathA- dakSAMgasthaM gajapatimukhaM prAmRzan dakSadoSNA vAmorusthAdripatitanayAMke guhaM cApareNa | iSTAbhItiparakarayuge dhArayannindukAnti- ravyAdgrastatribhuvanamado nIlakaNThastrinetraH || evaM dhyAtvA oM namaH pazupataye iti mantreNa zivaM snApayet | tataH | oM namaH zivAyeti mantreNa gandhAdIn samarpya pUrvAdivAmAvartena dazadikSu zarvAdIn pUjayet | tadyathA | oM zarvAya kSitimUrtaye namaH pUrve | oM bhavAya jalamUrtaye namaH aizAnyAM | oM rudrAyAgnimUrtaye namaH uttare | oM ugrAya vAyumUrtaye namaH vAyavyAm oM bhImAyAkAzamUrtaye namaH pazcime | oM pazupataye yajamAnamUrtaye namaH nair-RtyAm | oM mahAdevAya somamUrtaye namaH dakSiNe | oM IzAnAya sUryamUrtaye namaH agnikoNe | tata indrAdIn vjrAdInapi pUrvAdidakSiNAvartena pUjayet | tato dhUpaM dIpaM naivedyaM datvA vAraM vAraM natvA pradakSiNAmarddhacandrAkRtiM kRtvA mantrajapaM p. 122) kRtvA stavAdikaM paThitvA saMhAramudrayA visRjya gaNezakArtikeyAvapi visRjet atha kAmanAbhedena dhyAnamuktam | tatraiva | tadyathA- dhanaputrAdikAmaistu zivorcyaH proktalakSaNaH vidyAkAmaizcintanIyaH parazuM hariNaM varam | jJAnamudrAM dadhaddhastairvaTamUlamupAzritaH || atha sandhikaraNArthaM dhyAnam | puMsorviruddhayoH sandhau kuryAlliMgAni sAdhakaH | nadItIrAdapAnItamRdA tAni ca pUjayet || tatra dhyeyo hariharaH zaMkhapadmAhizUlabhRt | indranIlazaraccandranibho bhUSaNapuJjavAn | atha dampatyorvirodhazamanArthaM dhyAnamAha- dampayoravirodhArthamarddhanArIzvaraH smRtaH | pIyUSapUrNakalazaM dadhatpAzAMkuzAvapi || athoccATanamAraNavidveSaNArthaM dhyAnam- uccATe mAraNe dveSe dhyAtavyaH punarIdRzaH | kAlIhastAmbujAlambaH zUlaprotastviSAM cayaH || muNDamAlAlasatkaNTho rAvavitrAsitAkhilaH || atha kAryavazAtprayogavidhAnamAha- pUjayetkAryavazato lakSAvadhi sahasrataH | lakSaM pArthivaliMgAnAM pUjanAdbhaktimuktibhAk || lakSaM tu guNaliMgAnAM pUjanAtpArthivo bhavet | yA nArI guNaliMgAni sahasraM pUjayetsatI || bhartuH sukhamakhaMDaM sA prApyAnte pArvatI bhavet | navanItasya liGgAni sampUjyeSTamavApnuyAt || prAtargomayaliMgAni nityaM vastrANi pUjayet || vRhatIbilvayoH patrairnaivedyaM guDamarpayet || iSTaphalAvAptiH | bhasmanA gomayasyApi bAlikAyAstathA phalam || p. 123) krIDanti bAlakA bhUmau liMgaM kRtvA rajomayam || pUjayanti vinodena te'pi syuH kSitinAyakAH || evaM mAsatrayaM kurvannanalpaM labhate dhanam | ekAdazaiva liMgAni gomayotthAni pUjayet || prAtarmadhyAhnayossAyaM nizIthe prativAsaram | sa sarvAH sampado yAyAtSaNmAsAdevamAcaran || ekAdaza yajennityaM zAlipiSTamayAni yaH | liGgAni mAsamAtreNa sa kalmaSacayaM dahet | sphATikaM pUjitaM liMgaM manonikaranAzanam | sarvakAmapradaM puMsAmudumbarasamudbhavam || revAmadhyAzmajaM sarvasiddhidaM duHkhanAzanam || yathAkathaJcilliMgasya pUjA nityaM kRteSTadA || yo yajetpicumandotthaiH patrairgomayajaM zivam | kruddhaM mahezvaraM dhyAyan sa parAjayate ripUn || yo liMgaM pUjayennityaM zivabhaktiparAyaNaH | merutulyopi tasyAzu pAparAzirlayaM brajet || dogdhrIrgAsturagAMlkSaM yo dadyAdvedapAThine | pArthivaM yor'ccayelliMgaM tayorliGgArcako varaH || caturdazyAM tathASTamyAM paurNamAsyAM vidhukSaye | payasA snApayedIzaM dharAdAnaphalaM vrajet || liMgapUjAM vidhAyAgre stotraM vA zatarudriyam | prajapettanmanA bhUtvA zive svaM vinivedayet || yatsaMkhyAkaM yajelliMgaM tanmitaM homamAcaret | AjyAnvitaistilairagnau ghRtairvA pAyasena vA || zivamantreNa tasyAnte brAhmaNAnapi bhojayet | evaM kRte samasteSTasiddhirbhavati nizcitam || p. 124) atha pUjAyantrasaMskAraH | vAmakezvaratantre- bhairavyuvAca | cakrabhedaM mahAdeva tvatprAsAdAnmayA zrutam | idAnIM zrotumicchAmi pratiSThAkarmanirNayam || zrIzaMkara uvAca | zRNu devi mahAbhAge jagatkAriNi kaulini | yantrasyodyApanaM kAryaM sarvakarmavinirNayam || snAtvA saMkalpayenmantrI gurorarcanamAcaran | paMcagavyaM tataH kRtvA zivamantreNa mantritam || taccakraM niHkSipenmantrI praNavena samAkulam | taduddhRtya tatazcakraM sthApayetsvarNapAtrake || paJcAmRtena dugdhena zItalena jalena ca | candanena sugandhena kastUrIkuGkumena ca || payodadhighRtakSaudrazarkarAdyairanukramAt | toyadhUpAntaraiH kuryAtpaJcAmRtavidhiM punaH || hATakaiH kalazairdevImaSTabhirvAripUritaiH | kaSAyajalasampUrNaiH kArayetsnAnamuttamam || snAnaM samApya tAM devIM svApayetsvarNapAtrake | spRSTvA pAtraM kuzAgreNa gAyatryA cAbhimantrayet || aSTottarazataM devi devatAbhAvasiddhaye | AtmazuddhiM tataH kRtvA SaDaMgairyajanaM caret || tatrAvAhya mahAdevIM jIvanyAsaM ca kArayet | upacAraiH SoDazabhirmahAmudrAdibhiH sadA || phalatAmbUlanaivedyairdevIM tatra samarcayet | paTTasUtrAdikaM dadyAdvastrAlaGkArameva ca || p. 125) mukuraM cAmaraM ghaNTAM yathAyogyaM mahezvari | sarvametatprayatnena dadyAdAtmahite rataH || tato japetsahasraM ca sakalepsitasiddhaye || balidAnaM tataH kuryAtpraNameccakrarAjakam | aSTottarazataM hutvA sampAtAjyaM viniHkSipet | homakarmaNyazaktazceddviguNaM japamAcaret || dhenumekAM samAnIya svarNazRMgAdyalaMkRtAm | gurave dakSiNAM dadyAt tato devyA visarjanamiti || atha pUjAyantrasaMskAraprakAraH | kRtanityakriyaH svastivAcanaM kRtvA saMkalpaM kuryAt | adyenyAdyamukagotro'mukazarmA amukadevatAyAH pUjArthamamukayantrasaMskAramahaM kariSye | iti saMkalpya paJcagavyamAnIya haumiti mantreNASTottarazatamabhimantrya praNavena yantraM paJcagavye nikSipet | tasmAdutthApya patrAntare sthApayet | tataH zItajalakuGkumakastUrIbhiH snApayitvA dhUpaM dadyAt | evaM dadhnA ghRtena madhunA zarkarayA ca | tatoSTabhiH kalazaiH snApayet | kuGkumarocanAcandanamizritaistoyaiH snApayet | sarvatra snAnaM tu mUlamantreNa | tato yantramuttolya kuzAgreNa yantre spRSTvA oM yantrarAjAya vidmahe mahAmantrAya dhImahi tanno yantraH pracodayAt | ityaSTottarazatamabhimantrya prANapratiSThAM kuryAt | asya prANapratiSThAmantrasya brahmavuSNumahezvarA RSayaH RgyajuH- sAmAni cchaMdAMsi caitanyadevatA prANapratiSThAyAM viniyogaH | oM hrIM krauM yaM raM laM vaM zaM SaM haM hauM saH amukadevatAyAH prANA iha rANAH | evaM AM 13 amukadevatAyA jIva iha sthitaH | AM 13 amukadevatAyAH sarvendriyANi | AM 13 amukadevatAyA vAGmanazcakSuHzrotraghrANaprANA ihAgatya sukhaM paraM ciraM tiSThantu svAhA | iti prANAnpratiSThApya prakRtadevatAmAvAhya SoDazopacArAdinA sampUjya SaDaMgena pUjayet | p. 126) tataH paTTasUtrAdikaM dattvA'STottarasahasraM japet | azaktazcedbaliM dadyAt | tato'STottarazatahomaM kRtvA pratyAhutisampAtaM dadyAt | homAzaktau dviguNo japaH kAryaH | tato dakSiNAM chidrAvadhAraNaM kuryAditi yantrasaMskAraH | atha sundarIyantrasaMskAre tu kuzAgreNa spRSTvA AmityAdinA sAmAnyataH prathamaM prANapratiSThAM kRtvA jIvAkarSiNIM vidyAM yathAzakti japet | yathA oM aiM hrIM zrIM hyauM shauH shauH AM hrIM kroM klIM gaNapatikAlieke sauH | sakala hrIM klIM klIM hrIM shauH hyauH zrIM hrIM aiM oM mUlagAyatrIM japet || mUlamantramapi || tato yantramadhye devImAgataM vibhAvya SoDazopacArairarcayediti zeSaH || AsIcchrIkaruNAkaro budhavaraH kAruNyadAnAkaraH zrutyAcAravicArasAracaturo jyotirvidAmagraNIH | tatputraH pRthivIzavanditapadaH zrIzambhunAthaH kRtI zambhudhyAnabalena zambhusamatAM kAzyAmagAdAdarAt || tajjastu tantrANi zivoditAni vilokya zambhoH kRpayA pavitram | dIkSAprakAzaM kila jIvanAtha- zcakAra tantrajJamude vicitram || zake khAGkAMgabhUsaMkhye 1790 zrIrAmanavamItithau | jAhnavItIranikaTasthitaH zrImaithiladvijaH || iti zrIzambhunAthAtmajazrIjIvanAthaviracito dIkSAprakAzaH samAptaH | athAnyo vizeSaH zrIkRSNadattoktaH | tatrAdau zivamAhAtmyam | tathA brahmapurANe- mAghakRSNacaturdazyAmAdidevo mahAnizi | zivaliMgasamudbhUtaH koTisUryasamaprabhaH || p. 127) tathA saurAgame- prahare prahare snAnaM pUjAM caiva vidhAnataH | zivaliGgasya kurvIta arghadAnaM ca bhaktitaH ekenaivopavAsena kRtenAtra tithau zivaH | prIyate bhagavAn devo bhuktimuktipradAyakaH || tathA nandikezvaraH | dRSTvA liMgaM mahezasya sarvapApaiH pramucyate | janmajanmakRtairdehI manovAkkAyakarmajaiH || tathoktaM skandapurANe- madhyandinakare prApte yo liGgaM paripUjayet | sampUrNAM pRthivIM dattvA yatphalaM tadavApnuyAt || trisandhya kurute yastu pratyahaM zivapUjanam | vadennAmAni tasyaiva sa zivo nAtra saMzayaH || zatamaSTottaraM yastu pratyahaM zivamarcayet | ekakAlaM trikAlaM vA sa punAti kulatrayam || varaM prANaparityAgaH ziraso vApi kartanam | na caivApUjya bhuJjIta zivaliGgaM mahezvaram || azvamedhasahasrasya sahasraguNitasya ca | phalaM prApnoti vacanAnmahAdeveti nAmataH || pAThenApi narA nityaM ye smaranti mahezvaram | tepi yAnti tanuM tyaktvA zivalokamanAmayam || dravyamAyuH zriyaM putrAn yaccAnyanmanasepsitam | sphATikaM liGgamAsAdya japamAnaH samaznute || prAtharutthAya yo liMgaM bhaktyA sampUjayetsakRt | kapilAyAH zataM dattvA yat phalaM tadavApnuyAt || sUtake mRtake caiva na tyajecchivapUjanam | nairantaryeNa SaNmAsaM pUjayedvidhinA zivam || puNyaM tadeva labhate sakalaM viSuvercanAt | p. 128) etadeva ca vijJeyaM grahaNe cottarAyaNe || kArtikyAM ca yugAdyAyAM SaDazItyAM vizeSataH | yastu kRSNacaturdazyAM snAtvA devaM pinAkinam || ArAdhayeddvijazreSTha tasya nAsti punarbhavaH | phalAnAM dve sahasre tu mahAsnAnaM prakIrtitam | mRttAmrahemaraupyaizca koTikoTiguNaM kramAt || atrAnyadapi- jalajAnAM tu puSpANAM bilvapatrasya caiva hi | eSAM paryuSitA zaGkA kAryA paJcadinordhvataH || kaNakAni kadambAni rAtrau deyAni zaGkare | divAzeSANi cAnyAni divArAtrau ca mallikA || alAbhe caiva puSpANAM patrANyapi nivedayet | phalAnAmapyabhAve tu tRNagulmau nivedayet || eteSAmapyabhAve tu bhaktyA bhavati pUjitaH | svayaM patitapuSpANi tyajedupahatAni ca || snAnaM kRtvA tu ye puSpaM gRhNanti jaDabuddhayaH || devatAstanna gRhNanti na cApi pitarastathA | mukulenArcayeccaivamapakvaM na nivedayet || phalaM vyathitapakvaM tu yatnAtpakvaM parityajet | ghRtena tilatailena tathA caivauSadhIrasaiH | dIpaM prajvAlya deveze bhaktyA svargapatirbhavet | tadyathA bhakSyate bhakSyaM tattathaiva nivedayet || anyathA tatpradAnena na tatphalamavApnuyAt | sakRduccArito yena mantraH paMcAkSaraH zubhaH || saptajanmakRtAtpApAt mucyate nAtra saMzayaH | apavitraH pavitro vA sarvAvasthAM gatopi vA || mahApAtakayuktopi mantrasyAsya japAcchuciH | p. 129) kRtvA pradakSiNaM bhaktyA zivasyAyatanaM naraH || azvamedhasahasrasya zreSThasya labhate phalam | daNDapramANavadbhamau namaskAreNa yo'rcayet || sa yAM gatimavApnoti na tAM kratuzatairapi | tIrthakoTisahasrANi yajJakoTizatAni ca || mahAdevapraNAmasya kalAM nArhanti SoDazIm | yajJopavItavAsAMsi ghaNTAvyajanacAmarAH || gobhUmidAsInagaraM grAmodyAnadhvajAdikam | datvA kalpakSayaM yAvacchivasyAnucaro bhavet || mRddAruNeSTike zaile yo vai kuryAcchivAlayam | triHsaptakulasaMyuktaM zivaloke mahIyate || liGgapratiSThAM kRtvA tu kulakoTIH samuddharet | zivakSetrasamIpasthaH sarvA nadyo dvijottama || vApIkUpataDAgAzca zivagaMgA iti smRtAH | gaMgAsnAnasamaM tatra snAnAtpuNyamudAhRtam || tatra deze tu durbhikSaM na ca mAro pravartate | nAkAle mriyate kazcit pUjyate yatra zaGkaraH || kazcit kiJcit yadA pazyecchivaliMgamapUjitam | tadA sampUjya yo gacchetsa yAti paramAM gatim || ciraM paryuSitaM mAlyaM zivasyApanayettu yaH | gosahasraphalaM tasya bhavatIha na saMzayaH || gobhUhiraNyavastrAdibalipUjAnivedane | jJeyo namaH zivAyeti mantraH sarvArthasAdhakaH || sarvamantrAdhikazcAyamoGkArAdyaH SaDakSaraH | tanmantrajApI tatkarmaratastadgatamAnasaH || niSkAmaH puruSo rAjansa rudrapadamaznute || iti zivamAhAtmyavarNanam | samApto'yaM granthaH | http://www.muktabodhalib.org/SECURE/SHAIVA%20PUBLISHED%20TEXTS/diksaprakasa/diksaprakasa%20processed/diiksaaprakaasaHK.txt